പ്രശസ്ത തമിഴ് സംവിധായകന് ആര്.കെ. സെല്വമണി തന്നെ ഇന്റിമേറ്റ് രംഗങ്ങളില് നിര്ബന്ധിച്ച് അഭിനയിക്കാന് ആവശ്യപ്പെട്ടെന്ന് വെളിപ്പെടുത്തി പ്രശസ്ത നടി മോഹിനി. അടുത്തിടെ ഒരു അഭിമുഖത്തിലാണ് ഈ വെളിപ്പെടുത്തല് നടത്തിയത്. ‘കണ്മണി’ എന്ന സിനിമയിലെ ഇന്റിമേറ്റ് രംഗങ്ങളില് നിര്ബ്ബന്ധിച്ച് അഭിനയിക്കാന് ആവശ്യപ്പെട്ടെന്നാണ് വെളിപ്പെടുത്തിയത്. ഈ രംഗങ്ങള് ചെയ്യാന് താന് ആദ്യം വിസമ്മതിക്കുകയും കരയുകയും ചെയ്തിരുന്നുവെന്നും നഷ്ടം ഉണ്ടാകാതിരിക്കാന് ഒടുവില് സമ്മതിച്ചുവെന്നും പറഞ്ഞു.
‘ വികടന്’ എന്ന മാധ്യമത്തിന് നല്കിയ അഭിമുഖത്തില്, സ്വിംസ്യൂട്ട് രംഗം ചെയ്യുന്നതിലെ തന്റെ അസ്വസ്ഥത എങ്ങനെ പ്രകടിപ്പിക്കാന് ശ്രമിച്ചുവെന്ന് മോഹിനി വെളിപ്പെടുത്തി. ‘സംവിധായകന് ആര്.കെ. സെല്വമണി ഈ സ്വിമ്മിങ് സ്യൂട്ട് രംഗം ഷൂട്ട് ചെയ്യാന് തീരുമാനിച്ചു. എനിക്ക് അതില് തീരെ താല്പര്യമില്ലായിരുന്നു, ഞാന് കരയുകയും അത് ചെയ്യാന് വിസമ്മതിക്കുകയും ചെയ്തു, അതിനാല് ഷൂട്ടിംഗ് അര ദിവസത്തേക്ക് നിര്ത്തിവെച്ചു. എനിക്ക് നീന്താന് പോലും അറിയില്ലെന്ന് ഞാന് അവരെ പറഞ്ഞ് മനസ്സിലാക്കാന് ശ്രമിച്ചു. കൂടാതെ, പുരുഷ ഇന്സ്ട്രക്ടര്മാരുടെ മുന്നില് പാതി വസ്ത്രം ധരിച്ച് എങ്ങനെ നീന്തല് പഠിക്കാനാകുമെന്നും ഞാന് ചോദിച്ചു. അക്കാലത്ത് വനിതാ ഇന്സ്ട്രക്ടര്മാര് ഇല്ലായിരുന്നു. അതുകൊണ്ട് എനിക്കത് ചിന്തിക്കാന് പോലും കഴിഞ്ഞില്ല. ‘ഉടല് തഴുവാ’ എന്ന പാട്ടിലെ ആ രംഗം ചെയ്യാന് ഞാന് ‘നിര്ബന്ധിതയായി’ – അവര് പറഞ്ഞു.
അവര് കൂട്ടിച്ചേര്ത്തു, ‘കണ്മണി’ സിനിമയിലെ രംഗം ഊട്ടിയില് ചിത്രീകരിക്കാന് തീരുമാനിച്ചപ്പോള് ഞാന് വിസമ്മതിച്ചു. ഷൂട്ടിംഗ് നിര്ത്തിവെക്കുമെന്ന് അവര് പറഞ്ഞപ്പോള്, ‘അത് നിങ്ങളുടെ പ്രശ്നമാണ്, എന്റേതല്ല. നേരത്തെ നിങ്ങള് എന്നെ നിര്ബന്ധിച്ച് ചെയ്യിച്ചത് പോലെയാണിത്’ എന്ന് ഞാന് പറഞ്ഞു. അതിനാല് എന്റെ സമ്മതമില്ലാതെ ഞാന് അമിത ഗ്ലാമറസായി അഭിനയിക്കേണ്ടിവന്ന ഒരേയൊരു സിനിമ ‘കണ്മണി’ മാത്രമാണ്. ചിലപ്പോള് കാര്യങ്ങള് നമ്മുടെ ഇഷ്ടത്തിന് വിരുദ്ധമായി സംഭവിക്കാറുണ്ട്, ഈ രംഗവും അങ്ങനെയൊന്നാണ്.’ ‘കണ്മണി’യിലെ തന്റെ കഥാപാത്രം ‘വളരെ മനോഹരവും വെല്ലുവിളി നിറഞ്ഞതുമായിരുന്നു’ എന്നും എന്നാല് അതിന് അര്ഹമായ അംഗീകാരം ലഭിച്ചില്ലെന്നും അവര് പറഞ്ഞു.
ശിവാജി ഗണേശന്, നന്ദമൂരി ബാലകൃഷ്ണ, ചിരഞ്ജീവി, മോഹന്ലാല്, മമ്മൂട്ടി, ശിവരാജ്കുമാര്, വിജയകാന്ത്, വിഷ്ണുവര്ദ്ധന്, വിക്രം, രവിചന്ദ്രന്, ശരത്കുമാര്, മോഹന് ബാബു, സുരേഷ് ഗോപി തുടങ്ങി നിരവധി പ്രമുഖ നടന്മാരുമായി മോഹിനി അഭിനയിച്ചിട്ടുണ്ട്. ‘ചിന്ന മരുമകള്’, ‘ആദിത്യ 369’, ‘ഹിറ്റ്ലര്’, ‘നാടോടി’, ‘ഇന്നത്തെ ചിന്താവിഷയം’, ‘സൈന്യം’, ‘വേഷം’, ‘ഒരു മറവത്തൂര് കനവ്’, ‘ഗഡിബിഡി അളിയ’, ‘തായ്യാഗം’ തുടങ്ങിയ സിനിമകളില് അവര് പ്രധാന വേഷങ്ങള് ചെയ്തിട്ടുണ്ട്. 2011-ല് പുറത്തിറങ്ങിയ മലയാളം രാഷ്ട്രീയ ആക്ഷന് ത്രില്ലര് ചിത്രം ‘കളക്ടറിലാണ്’ അവര് അവസാനമായി അഭിനയിച്ചത്.
