ചിലരെ വലിയ ഉയരങ്ങളില് എത്തിക്കുകയും ചിലരെ താഴെ നിന്ന് ഉയരാന് അനുവദിക്കാതിരിക്കുകയും ചെയ്യുന്നു എന്നതാണ് സിനിമയിലെ യാദൃശ്ചികത. 30 വര്ഷം മുമ്പ് അമീര്ഖാന് തള്ളിയ കഥപാത്രം ഷാരൂഖിന് വന് നേട്ടമായി മാറിയതിന്റെ കഥ ഓര്ത്തെടുക്കുകയാണ് കഴിഞ്ഞകാല സൂപ്പര്നായിക ജൂഹി ചൗള.
ബാസിഗറിലൂടെ നായകനായി ബോളിവുഡില് വന് പേര് നേടി നില്ക്കേ ഷാരൂഖ് ‘ഡര്’ എന്ന സിനിമയില് സണ്ണി ഡിയോളിന്റെ പ്രതിനായക വേഷത്തിലും എത്തിയിരുന്നു. ഈ സിനിമയില് ഷാരൂഖ് വന്നതിനെക്കുറിച്ച് സിനിമയുടെ മുപ്പതാം വാര്ഷികത്തിലാണ് ജൂഹി അനുസ്മരിച്ചത്. ശരിക്കും അമീര്ഖാന് ഉള്പ്പെടെയുള്ള യുവതാരങ്ങള് തള്ളിയ സിനിമയിലേക്കായിരുന്നു ഷാരൂഖ് വന്നത്. സിനിമ വന് ഹിറ്റാകുകയും നായകന് സണ്ണിഡിയോളിനേക്കാളും പ്രേക്ഷകര്ക്ക് ഇഷ്ടപ്പെട്ട താരമായി ഷാരൂഖ് മാറുകയുമായിരുന്നു.
ഷാരൂഖ് ഖാന് ദര് എന്ന ചിത്രത്തില് ആന്റി ഹീറോ ആയി അഭിനയിക്കുമെന്ന് കേട്ടപ്പോള് താന് ത്രില്ലായിരുന്നുവെന്ന് ജൂഹി പറയുന്നു. ”ഷാരൂഖ് ചെയ്ത റോളിലേക്ക് യാഷ് ജി ആമിറിനെ കാസ്റ്റ് ചെയ്യാന് പോകുന്നുവെന്ന് കേട്ടപ്പോള്, ഞാന് വളരെ സന്തോഷിച്ചു, കാരണം ഞങ്ങളുടെ ആദ്യ ചിത്രങ്ങളില് ഞാന് ആമിറിനൊപ്പം പ്രവര്ത്തിച്ചിട്ടുണ്ടെന്നും അവനുമായി ഞാന് വളരെ കംഫര്ട്ടബിളായിരുന്നു. എന്നാല് പിന്നീട് ആമിര് അത് ചെയ്യുന്നില്ല എന്ന് ഞാന് കേട്ടു. അത് അജയ് ദേവ്ഗണിന്റെയും മറ്റ് ചില യുവ നായകന്മാരുടെയും അടുത്തേക്ക് പോയി. പക്ഷേ അവരും അത് ചെയ്തില്ല, ഒടുവില് അത് ഷാരൂഖിന്റെ അരികിലേക്ക് എത്തി. പക്ഷേ അത് എത്രമാത്രം പ്രത്യേകതയുള്ളതാണെന്ന് എനിക്ക് പറയാനാവില്ല!”
ഡര് ഇന്ന് 30 വര്ഷം തികയുമ്പോള്, ചിത്രത്തിലൂടെ കിരണ് എന്ന പേരില് ഏറ്റവും വലിയ ദേശീയ ക്രഷ് ആയി മാറിയ ജൂഹി ചൗള, തന്റെ കരിയറില് ഇതുവരെ ചെയ്തിട്ടുള്ളതില് വച്ച് ഏറ്റവും പ്രധാനപ്പെട്ട ചിത്രങ്ങളിലൊന്നായി ദര് ഓര്ക്കുന്നു. ഡര് പോലെ തന്നെ ചക്ദേ ഇന്ത്യ സിനിമയിലേക്കും സംവിധായകന് ഷിമിത് അമന് ആദ്യം പരിഗണിച്ച പേര് ആമിറിന്റേതായിരുന്നു. എന്നാല് അമീറിന്റെ അസൗകര്യത്തിലാണ് ഷാരൂഖിലേക്ക് സിനിമ എത്തിയത്. ഇതും പിന്നീട് വമ്പന് ഹിറ്റായി മാറിയിരുന്നു.