ക്ഷണത്തില്‍ പല പരീക്ഷണങ്ങളും നടത്താറുണ്ട്.അങ്ങനെ പല തരത്തിലുള്ള രുചികളും നമ്മള്‍ക്ക് പരിചിതമാണ്. എന്നാല്‍ ബഹിരാകാശത്തിന്റെ രുചി എങ്ങനെയായിരിക്കുമെന്ന് എപ്പോഴെങ്കിലും നിങ്ങള്‍ ചിന്തിച്ചട്ടുണ്ടോ? ഉല്‍ക്കാശിലയാല്‍ സമ്പുഷ്ടമായ പുതിയ വോഡ്ക അവതരിപ്പിക്കുകയാണ് ഫ്രാന്‍സിലെ ബര്‍ഗണ്ടി ആസ്ഥാനമായുള്ള പ്രീമിയം സ്പിരിറ്റ് ബ്രാന്‍ഡ് പെഗാസസ്. ഈ സ്പെഷ്യല് വോഡ്കയുടെ പേര് ഷൂട്ടിങ് സ്റ്റാര്‍ എന്നാണ്.
ഈ ഓര്‍ഗാനിക്ക് വോഡ്ക ഉണ്ടാക്കിയിരിക്കുന്നതാവട്ടെ സ്വിസ് ആല്‍പ്‌സ് പര്‍വതഭാഗങ്ങളില്‍ പ്രാദേശികമായി വിളവെടുക്കുന്ന ഗോതമ്പില്‍ നിന്നാണ്. ഇത് ഉണ്ടാക്കുന്നത് മൂന്ന് റൗണ്ട് സ്ലോ റിഫ്‌ലക്‌സ് വാറ്റിയെടുക്കലുകളിലൂടെയാണ്.പെഗാസസ് ഡിസ്റ്റിലറിയില്‍ നിന്ന് 150 മീറ്റര്‍ താഴെയുള്ള കിണറ്റില്‍ നിന്നുള്ള ശുദ്ധമായ ജലമാണ് ഇതിനായി അവര്‍ ഉപയോഗിക്കുന്നത്.
പിന്നാലെ ഇറ്റലിയില്‍ നിന്നുള്ള ടെറാക്കോട്ട ആംഫോറയില്‍ ഒരു വര്‍ഷമെങ്കിലും സൂക്ഷിക്കുകയും ചെയ്യുന്നു. ആംഫോറയുടെ മദ്യത്തില്‍ തൂക്കിയിടുന്ന ഉല്‍ക്കശില ഇതിന് പ്രത്യേക രുചിയും നല്‍കുന്നു. ഈ വോഡ്ക ഉടന്‍ തന്നെ ന്യൂയോര്‍ക്ക്, കാലിഫോര്‍ണിയ, ഫ്‌ളോറിഡ എന്നിവിടങ്ങളില്‍ ലഭ്യമാകും.
