ബാങ്കോക്ക്: തായ്ലന്ഡില് പോത്തുകളുടെ സൗന്ദര്യ മത്സരം. ചോന്ബുരിയിലാണു പോത്തുകള്ക്കായി മത്സരം സംഘടിപ്പിച്ചത്. കൃഷിയിടങ്ങളില് യന്ത്രങ്ങള്ക്കു പ്രാധാന്യം ലഭിച്ചതോടെയാണു പോത്തുകള് പ്രദര്ശന മൃഗങ്ങളായി മാറിയത്. കൊമ്പിന്റെ വലുപ്പം, കുളമ്പിന്റെ മിനുസം, മൊത്തത്തിലുള്ള ശരീരഘടന എന്നിവയെ അടിസ്ഥാനമാക്കിയാണു പോത്തുകള്ക്കു സമ്മാനം നല്കുന്നത്.
ചോന്ബുരിയിലെ ആഘോഷത്തില് കാട്ടുപോത്തുകളായിരുന്നു പ്രധാന ആകര്ഷണം. വിദ്യാര്ഥികള് അവതരിപ്പിച്ച പരമ്പരാഗത തായ് നൃത്തത്തോടെയാണു ചടങ്ങുകള് തുടങ്ങിയത്. പുഷ്പകിരീടങ്ങള് അണിയിച്ചാണു പോത്തുകളെ മത്സരവേദിയിലെത്തിച്ചത്. 6.5 അടി ഉയരമുള്ള ചക്രങ്ങളുള്ള പരമ്പരാഗത തടി രഥങ്ങളില് ഉടമകളെയും പരമ്പരാഗത തായ് വസ്ത്രം ധരിച്ച സ്ത്രീകളെയും വഹിച്ചുകൊണ്ട് അവ നീങ്ങി.
പോത്തുകള്ക്കായി 100 മീറ്റര് ഓട്ടമത്സരവും ഉണ്ടായിരുന്നു. സര്ക്കാര് പിന്തുണയോടെയാണു പോത്ത് സൗന്ദര്യമത്സരം. 2017ലാണു തായ് കാട്ടുപോത്തുകളെ സംരക്ഷിക്കാനുള്ള നീക്കം സര്ക്കാര് തുടങ്ങിയത്.
വലിയ ഫാമുകളില് ‘വി.ഐ.പി’കളായാണു സൗന്ദര്യമത്സരത്തില് പങ്കെടുക്കുന്ന പോത്തുകളെ വളര്ത്തുന്നത്. അവയെ ദിവസവും കുളിപ്പിക്കുകയും ചോളം, സോയാബീന്, തവിട്, വിറ്റാമിനുകള് എന്നിവ അടങ്ങിയ പ്രത്യേക ഭക്ഷണം നല്കുകയും ചെയ്യും.
