സീസണിലെ ആദ്യ എല്‍ക്ലാസിക്കോയില്‍ റയല്‍മാഡ്രിഡ് ഉജ്വലവിജയം നേടിയപ്പോള്‍ മുന്നേറ്റക്കാരന്‍ ജൂഡ് ബെല്ലിംഗാം നേടിയത് ഇരട്ടഗോള്‍. സീസണില്‍ വിവിധ ലാലിഗ മത്സരങ്ങളില്‍ 10 ഗോള്‍ നേടിയ ബെല്ലിംഗാം ഇതിലൂടെ മറികടന്നത് റയലിന്റെ ഫ്രഞ്ച് ഇതിഹാസം സിനഡിന്‍ സിഡാനെ. എതിരാളികളായ ബാഴ്‌സലോണയെ 2-1 നായിരുന്നു ഇന്നലെ റയല്‍ തോല്‍പ്പിച്ചത്.
കളിയുടെ ആറാം മിനിറ്റില്‍ ഇല്‍കെ ഗുണ്ടോഗന്‍ ബാഴ്‌സിലോണയെ മുന്നില്‍ എത്തിച്ചെങ്കിലും പിച്ചിലെ 20 കാരന്റെ മിടുക്ക് സന്ദര്‍ശകര്‍ക്ക് നിര്‍ണ്ണായകമായി. മൂന്ന് നിര്‍ണായക പോയിന്റുകള്‍ നേടിയ ടീം പട്ടികയില്‍ വീണ്ടും ഒന്നാമതെത്തി.
കറ്റാലന്‍ ഭീമന്മാര്‍ക്കെതിരായ രണ്ട് സ്‌ട്രൈക്കുകളിലൂടെ വിജയം നേടിക്കൊടുത്ത ബെല്ലിംഗ്ഹാം ഇപ്പോള്‍ നിരവധി മത്സരങ്ങളില്‍ നിന്ന് 10 ലാ ലിഗ ഗോളുകള്‍ നേടിയിട്ടുണ്ട്. ഇത് റയല്‍ മാഡ്രിഡ് ഇതിഹാസം സിനദിന്‍ സിദാന്‍ ക്ലബിനായി ഒരു സീസണില്‍ നേടിയതിനേക്കാള്‍ കൂടുതലാണ്.
