പെൺകുട്ടികളുടെ ഹോസ്റ്റലിൽ നിന്നുള്ള രസകരമായ ഒരു വീഡിയോ ഇപ്പോൾ സോഷ്യൽ മീഡിയയിൽ തരംഗമാവുകയാണ്. തന്റെ ബ്രാ മോഷണം പോയതിനെക്കുറിച്ച് ഒരു വിദ്യാർത്ഥിനി നടത്തിയ നാടകീയവും തമാശ നിറഞ്ഞതുമായ പരാതിയാണ് ആളുകളെ ചിരിപ്പിക്കുന്നത്. ഹോസ്റ്റൽ ഇടനാഴിയിലൂടെ സുഹൃത്തിനൊപ്പം നടന്നുനീങ്ങുന്ന പെൺകുട്ടി ഈ വിചിത്രമായ മോഷണത്തെക്കുറിച്ച് കോമഡി രൂപത്തിൽ വിവരിക്കുന്നതാണ് വീഡിയോയിലുള്ളത്.
മോഷണം പോയ സാധനത്തേക്കാൾ ഉപരിയായി, ആ ബ്രാ ആർക്കെങ്കിലും പാകമാകുമോ എന്ന് പെൺകുട്ടി ചോദിക്കുന്ന രീതിയാണ് വീഡിയോയെ ശ്രദ്ധേയമാക്കിയത്. ആൺകുട്ടികളുടെ ഹോസ്റ്റലിൽ ലാപ്ടോപ്പും ചാർജറുമൊക്കെയാണ് മോഷ്ടിക്കപ്പെടാറുള്ളതെന്നും അത് വിറ്റാൽ പണം കിട്ടുമെന്നും പറഞ്ഞ പെൺകുട്ടി, എന്നാൽ പെൺകുട്ടികളുടെ ഹോസ്റ്റലിൽ ബ്രായാണ് മോഷണം പോയതെന്ന് പരിഹാസത്തോടെ പറയുന്നു.
“ബ്രാ മോഷണം പോയതിലല്ല എന്റെ സങ്കടം, മറിച്ച് 32B സൈസ് മറ്റൊരാൾക്ക് എങ്ങനെ പാകമാകും എന്നതിലാണ് എന്റെ ടെൻഷൻ” എന്ന പെൺകുട്ടിയുടെ ചോദ്യം കേട്ട് സോഷ്യൽ മീഡിയ ചിരിക്കുകയാണ്. മറ്റൊരാളുടെ വസ്ത്രം എങ്ങനെയാണ് ഇങ്ങനെ ധരിക്കാൻ കഴിയുന്നതെന്നും, സ്വന്തം കംഫർട്ട് നോക്കണ്ടേ എന്നും പെൺകുട്ടി ചോദിക്കുന്നു. “ദാരിദ്ര്യം ഒരു ബുദ്ധിമുട്ടാണ്, എങ്കിലും ദയവായി എന്റെ ബ്രാ തിരിച്ചു തരൂ” എന്ന് അവൾ തമാശയായി അപേക്ഷിക്കുന്നുമുണ്ട്.
ഈ വീഡിയോ പുറത്തുവന്നതോടെ സമ്മിശ്ര പ്രതികരണങ്ങളാണ് ഇന്റർനെറ്റിൽ ലഭിക്കുന്നത്. ഇതൊരു കിടിലൻ ‘ഹോസ്റ്റൽ കോമഡി’ ആണെന്ന് ഒരു വിഭാഗം പറയുമ്പോൾ, കാഴ്ചക്കാരെ കിട്ടാൻ വേണ്ടി എന്ത് സ്വകാര്യ കാര്യങ്ങളും സോഷ്യൽ മീഡിയയിൽ വിളിച്ചു പറയുന്ന കാലമാണിതെന്ന് മറ്റു ചിലർ വിമർശിക്കുന്നു. വീഡിയോകൾക്കായി വ്യക്തിപരമായ കാര്യങ്ങൾ പോലും വിനോദമാക്കി മാറ്റുകയാണെന്ന് ചിലർ അഭിപ്രായപ്പെട്ടു. എങ്കിലും, ഹോസ്റ്റൽ ജീവിതത്തിലെ ഇത്തരം തമാശ നിറഞ്ഞ നിമിഷങ്ങൾ ഹോസ്റ്റലിൽ നിൽക്കുന്നവർക്ക് മാത്രമേ മനസ്സിലാകൂ എന്നാണ് ഭൂരിഭാഗം പേരുടെയും അഭിപ്രായം. “32B ആർക്കാണ് പാകമാകുന്നത്?” എന്ന ചോദ്യം ഇപ്പോൾ സോഷ്യൽ മീഡിയയിലെ പുതിയ തമാശ വാചകമായി മാറിയിരിക്കുകയാണ്.
