ശുചിത്വം എന്നത് എന്താണ്? നമ്മുടെ ശരീരത്തില് കാണപ്പെടുന്ന രോഗാണുക്കളെയും അഴുക്കിനെയും അണുബാധയുടെ സാധ്യതകളെയും കുറയ്ക്കുന്ന ദൈനംദിന ശീീങ്ങളുടെ ഒരു കൂട്ടമാണ്.
നന്നായി കൈ കഴുകല്, വൃത്തിയുള്ള വസ്ത്രങ്ങൾ, സുരക്ഷിതമായ കുളി രീതികൾ, ദൈനംദിനം ഉപയോഗിക്കുന്ന സാധനങ്ങള് കൃത്യസമയത്ത് മാറ്റൽ തുടങ്ങിയ നല്ല ശുചിത്വ ശീലങ്ങൾ രോഗപ്പകർച്ച തടയുകയും ആളുകളെ രോഗങ്ങളില്നിന്ന് സംരക്ഷിക്കുകയും ചെയ്യുന്നു. കൈകളുടെ ശുചിത്വം, അണുബാധകൾ കുറയ്ക്കുന്നതിനുള്ള ഏറ്റവും ഫലപ്രദമായ മാർഗ്ഗങ്ങളിലൊന്നാണെന്ന് ആഗോള പൊതുജനാരോഗ്യ സ്ഥാപനങ്ങൾ ഊന്നിപ്പറയുന്നു.
- ഒരു പ്രാവശ്യം കുളിക്കാന് ഉപയോഗിച്ച ടവ്വൽ എത്ര തവണ ഉപയോഗിക്കാം?
ഭൂരിഭാഗം ആളുകളും ഒരു പ്രാവശ്യം കുളിക്കാന് ഉപയോഗിച്ച ടവ്വൽ കഴുകാതെ 2-4 തവണ വരെ ഉപയോഗിക്കും. ടവ്വലിന് ദുർഗന്ധം വരുന്നുണ്ടെങ്കിൽ, നിങ്ങൾ അമിതമായി വിയർക്കുന്ന ആളാണെങ്കിൽ, വീട്ടിൽ ആർക്കെങ്കിലും അസുഖമുണ്ടെങ്കിൽ, അല്ലെങ്കിൽ ഈർപ്പമുള്ള അന്തരീക്ഷത്തിലാണ് നിങ്ങൾ താമസിക്കുന്നതെങ്കിൽ, അതിനുമുമ്പേ കഴുകണം. ടവ്വലുകളിൽ ചർമ്മകോശങ്ങൾ, വിയർപ്പ് എന്നിവ അടിഞ്ഞുകൂടുകയും വീണ്ടും ഉപയോഗിക്കുമ്പോൾ ബാക്ടീരിയകളുടെ ഒരു പാട (biofilm) രൂപപ്പെടുകയും ചെയ്യുന്നുവെന്ന് പഠനങ്ങൾ കാണിക്കുന്നു. ആഴ്ചകളോളം ഉപയോഗിക്കുമ്പോൾ ടവ്വലുകളിൽ സ്ഥിരമായ സൂക്ഷ്മാണുക്കള് വര്ദ്ധിക്കുന്നു. ഈർപ്പമുള്ള ഇന്ത്യൻ കാലാവസ്ഥയിൽ, ഓരോ ഉപയോഗത്തിനും ശേഷം ടവ്വലുകൾ നന്നായി ഉണങ്ങാനായി സൂര്യപ്രകാശത്തിലോ നല്ല വായുസഞ്ചാരമുള്ള സ്ഥലത്തോ ഇടുക.
- ബെഡ് ഷീറ്റുകളും തലയിണ കവറുകളും എത്ര തവണ കഴുകണം?
ബെഡ് ഷീറ്റുകളും തലയിണ കവറുകളും ആഴ്ചയിൽ ഒരിക്കൽ കഴുകണം, അല്ലെങ്കിൽ ഓരോ 3-4 ദിവസത്തിലും കഴുകാം. നിങ്ങൾ ധാരാളം വിയർക്കുന്നവരോ, അസുഖമുള്ളവരോ, വളർത്തു മൃഗങ്ങളുമായി കിടക്ക പങ്കിടുന്നവരോ, അലർജിയോ എക്സിമയോ ഉള്ളവരോ ആണെങ്കിൽ ഇടയ്ക്കിടെ മാറ്റുക. കിടക്ക വിരികളിൽ ചർമ്മകോശങ്ങൾ, വിയർപ്പ്, പൊടിപടലങ്ങൾ, സൂക്ഷ്മാണുക്കൾ എന്നിവ അടിഞ്ഞുകൂടുന്നു. ചൂടുവെള്ളത്തിൽ കഴുകുന്നതും പൂർണ്ണമായി ഉണക്കുന്നതും അലർജിയുടെയും സൂക്ഷ്മാണുക്കളുടെയും അളവ് കുറയ്ക്കുന്നുവെന്ന് പഠനങ്ങൾ കണ്ടെത്തിയിട്ടുണ്ട്.
3. എത്ര തവണ കുളിക്കണം?
നിങ്ങളുടെ ദൈനംദിന ജോലികള്, കാലാവസ്ഥ, ചർമ്മത്തിന്റെ തരം എന്നിവയെ ആശ്രയിച്ചിരിക്കും ഇത്. ചർമ്മത്തിന്റെ ആരോഗ്യത്തിന് ആഴ്ചയിൽ പലതവണ കുളിക്കുന്നത് നല്ലതാണെന്ന് ഹാർവാർഡ് ഹെൽത്ത് അഭിപ്രായപ്പെടുന്നു. നിങ്ങൾ ധാരാളം വിയർക്കുകയാണെങ്കിലോ, പുറത്ത് ജോലി ചെയ്യുന്നവരോ, ദിവസവും വ്യായാമം ചെയ്യുന്നവരോ, ചൂടുള്ള കാലാവസ്ഥയിൽ താമസിക്കുന്നവരോ ആണെങ്കിൽ ദിവസവും കുളിക്കുന്നത് ഉചിതമാണ്. അമിതമായി കഴുകുന്നത് ചർമ്മത്തിലെ എണ്ണമയം നീക്കം ചെയ്യുകയും വരൾച്ചയോ ത്വക്ക് രോഗങ്ങളോ (dermatitis) വഷളാക്കുകയും ചെയ്യും. എല്ലാ ദിവസവും മുഴുവനായി കുളിക്കുന്നില്ലെങ്കിൽ, കക്ഷം, തുടയിടുക്ക്, പാദങ്ങൾ എന്നിവയിൽ സോപ്പ് ഉപയോഗിക്കാൻ ശ്രദ്ധിക്കുക.
