ഇറ്റലി എന്ന് കേള്ക്കുമ്പോള് മനസ്സിലേക്ക് ഓടിവരുന്നത് ഫുട്ബോളാണ്. എന്നാല് ക്രിക്കറ്റിലും തങ്ങള്ക്ക് അല്പ്പം കാര്യമുണ്ടെന്ന് തെളിയിച്ചിരിക്കുകയാണ് ഇറ്റാലിയന് ടീം. 2026 ലെ ഐസിസി ടി20 ലോകകപ്പില് കളിക്കാന് ഇറ്റലിയുടെ നീലപ്പടയുമു ണ്ടാ കും. ഇറ്റലി യോഗ്യത നേടി. ഹേഗില് നടന്ന യൂറോപ്യന് ലെഗ് ഓഫ് ക്വാളിഫൈ യിംഗ് റൗണ്ടിലെ അവസാന മത്സരത്തില് ഒമ്പത് വിക്കറ്റിന് തോറ്റെങ്കിലും, വെള്ളിയാഴ്ച അസൂറി ടൂര്ണമെന്റില് സ്ഥാനം ഉറപ്പിച്ചു.
ഇതോടെ, 2026 ടി20 ലോകകപ്പില് പങ്കെടുക്കുന്ന 20 ടീമുകളില് ഒന്നായി ഇറ്റലിയെ കാണാനാകും. ഇറ്റലി അവരുടെ ഗ്രൂപ്പില് രണ്ടാം സ്ഥാനത്തെത്തി. കരുത്തന്മാരായ സ്കോട്ലന്റിനെ പുറത്താക്കിയാണ് ഇറ്റലി യോഗ്യത നേടിയത്. ഏഷ്യന് രാജ്യങ്ങള് സംയുക്തമായി ആതിഥേയത്വം വഹിക്കുന്ന പുരുഷ ടി20 ലോകകപ്പിന്റെ പത്താം പതിപ്പ്, ഇറ്റലി ആദ്യമായിട്ടാണ് ഏതെങ്കിലും ഫോര്മാറ്റിലെയോ, ലിംഗഭേദത്തിലെയോ, തലത്തിലെയോ ക്രിക്കറ്റ് തലത്തില് പങ്കെടുക്കുന്നത്.
2024 ലെ ടൂര്ണമെന്റിന്റെ ടി20 ലോകകപ്പ് യോഗ്യതാ റൗണ്ടിന്റെ റീജിയണല് ഫൈനലില് പട്ടികയില് മൂന്നാം സ്ഥാനക്കാരായി പോയതിനാല് ഇറ്റലിക്ക് യോഗ്യത നേടാനായിരുന്നില്ല. നേരിയ വ്യത്യാസത്തില് അവര്ക്ക് യോഗ്യത നഷ്ടപ്പെട്ടു. 2026 ല് ടൂര്ണമെന്റ് 20 ടീമുകളുടെ ഒരു ഇനമായി വികസിപ്പിച്ചപ്പോള് ടൂര്ണമെന്റിന്റെ യോഗ്യതാ ഫോര്മാറ്റില് മാറ്റം വന്നതാണ് അവസരമായത്.
ഓസ്ട്രേലിയയ്ക്ക് വേണ്ടി കളിച്ചിരുന്ന ജോ ബേണ്സാണ് ഇറ്റാലിയന് ടീമിനെ നയിക്കുന്നത്. കഴിഞ്ഞ വര്ഷമാണ് ബേണ്സ് ഇറ്റലിക്ക് വേണ്ടി കളിക്കാന് തുടങ്ങിയത്. ഓസ്ട്രേലിയക്കാര്ക്ക് വേണ്ടി ആകെ 23 ടെസ്റ്റ് മത്സരങ്ങളും ആറ് ഏകദിന മത്സരങ്ങളും അദ്ദേഹം കളിച്ചിട്ടുണ്ട്. അടുത്ത വര്ഷം നടക്കുന്ന ടി20 ലോകകപ്പിന് യോഗ്യത നേടുന്ന 15-ാമത്തെ ടീമാണ് ഇറ്റലി. ഇനിയുള്ള അഞ്ച് സ്ഥാനങ്ങള്ക്കായി ടീമുകള് മത്സരിക്കും. ആതിഥേയരായ ശ്രീലങ്കയും ഇന്ത്യയുമെത്തും.
2024 ലെ പുരുഷ ടി20 ലോകകപ്പില് സൂപ്പര് 8-ല് എത്തിയ ഓസ്ട്രേലിയ, അഫ്ഗാനി സ്ഥാന്, ബംഗ്ലാദേശ്, ഇംഗ്ലണ്ട്, ദക്ഷിണാഫ്രിക്ക, യുണൈറ്റഡ് സ്റ്റേറ്റ്സ് ഓഫ് അമേരിക്ക, വെസ്റ്റ് ഇന്ഡീസ് എന്നിവ യോഗ്യത നേടിയപ്പോള് ന്യൂസിലന്ഡ്, പാകിസ്ഥാന്, അയര്ലന്ഡ് എന്നിവ റാങ്കിംഗില് ഇടം നേടി.
കാനഡ അമേരിക്കന് യോഗ്യതാ മത്സരങ്ങളില് നിന്ന് യോഗ്യത നേടിയപ്പോള് നെതര്ലന്ഡ്സും ഇറ്റലിയും യൂറോപ്പില് നിന്ന് യോഗ്യത നേടി. ആഫ്രിക്കയില് നിന്ന് രണ്ട് ടീമുകളും ഏഷ്യയില് നിന്ന് മൂന്ന് ടീമുകളും യോഗ്യത നേടും. ഈ വര്ഷം സെപ്റ്റംബര്, ഒക്ടോബര് മാസങ്ങളിലാണ് ആ യോഗ്യതാ മത്സരങ്ങള് ഷെഡ്യൂള് ചെയ്തിരിക്കുന്നത്.
