തെന്നിന്ത്യന്‍ സിനിമയിലെ ഏറ്റവും ജനപ്രിയ നടിമാരില്‍ ഒരാളാണ് തൃഷ കൃഷ്ണന്‍. സിനിമകള്‍ക്ക് ഒപ്പം തന്നെ ഗോസിപ്പ് കോളങ്ങളിലും വിവാദങ്ങളിലും വിവാഹ കിംവദന്തികളുടെയുമെല്ലാം തലക്കെട്ടുകള്‍ അവര്‍ പിടിക്കുന്നുണ്ട്. തമിഴ് സൂപ്പര്‍സ്റ്റാര്‍ വിജയ് യുമായുള്ള വിവാദങ്ങള്‍ക്ക് പിന്നാലെ ഇപ്പോള്‍ കേള്‍ക്കുന്ന പ്രധാന വര്‍ത്തമാനം നടി ഒരു മലയാളം നിര്‍മ്മാതാവിനെ വിവാഹം കഴിക്കാന്‍ ഒരുങ്ങുന്നു എന്നാണ്.
പിങ്ക്‌വില്ലയാണ് വാര്‍ത്ത പുറത്തുവിട്ടിരിക്കുന്നത്. എന്നാല്‍ വരനെയും വിവാഹത്തെയും കുറിച്ചുള്ള വിശദാംശങ്ങള്‍ ഇതുവരെ അറിവായിട്ടില്ലെന്നും അവര്‍ പറയുന്നു. വിവാഹത്തെക്കുറിച്ചുള്ള അഭ്യൂഹങ്ങള്‍ സോഷ്യല്‍ മീഡിയയില്‍ വൈറലായെങ്കിലും ഇതുവരെ ഔദ്യോഗിക വിവരങ്ങളൊന്നും വന്നിട്ടില്ല. ഇതു സംബന്ധിച്ച പ്രഖ്യാപനവും ഉടന്‍ ഉണ്ടായേക്കും. വരനെ കുറിച്ചും കൂടുതല്‍ വെളിപ്പെടുത്തലുകള്‍ ഇല്ല.
2015ല്‍ ബിസിനസുകാരനായ വരുണ്‍ മണിയനുമായി തൃഷ കൃഷ്ണന്റെ വിവാഹനിശ്ചയം നടന്നതാണ്. നിശ്ചയം കഴിഞ്ഞ് മൂന്ന് മാസത്തിന് ശേഷം വേര്‍പിരിഞ്ഞു. തൊട്ടുപിന്നാലെ വരുണ്‍ നിര്‍മ്മിക്കുന്ന ഒരു ചിത്രത്തില്‍ നിന്നും തൃഷ ഇറങ്ങിപ്പോയി. 2020-ല്‍, നടന്‍ സിലംബരശന്‍ ടിആറുമായുള്ള വിവാഹ കിംവദന്തികളില്‍ പൊന്നിയിന്‍ സെല്‍വന്‍ നടി പ്രധാനവാര്‍ത്തകളില്‍ ഇടം നേടിയിരുന്നു.
എന്നാല്‍, ചിമ്പുവിന്റെ മാതാപിതാക്കള്‍ തന്നെ ഇത് തള്ളിക്കൊണ്ട് രംഗത്ത് വന്നു. മകന് അനുയോജ്യയായ വധുവിനെ അന്വേഷിക്കുകയാണെന്നും എന്നാല്‍ ഇതുവരെ ആരുമായും ഡേറ്റിംഗ് നടത്തിയിട്ടില്ലെന്നും പറഞ്ഞാണ് മാതാപിതാക്കള്‍ വാര്‍ത്ത തള്ളിയത്. തൃഷയും സിമ്പുവും ഒരു ബ്ലോക്ക്ബസ്റ്റര്‍ റൊമാന്റിക് ചിത്രമായ വിണ്ണൈത്താണ്ടി വരുവായയില്‍ ഒരുമിച്ച് പ്രവര്‍ത്തിച്ചു, അത് ഒരു കള്‍ട്ട് ക്ലാസിക് ആയി മാറി.
