ഇന്ത്യന് സ്ക്രീനുകളില് വ്യത്യസ്തതയുടെ വിസ്ഫോടനം നടത്തിയ ബോളിവുഡ് സൂപ്പര്ഹിറ്റ് ഷോലെ 50 വര്ഷത്തിന് ശേഷം ഗംഭീരമായ തിരിച്ചുവരവ് നടത്തുന്നു. ഇന്ത്യന് ചലച്ചിത്രചരിത്രത്തിലെ ഒരു നാഴികക്കല്ലായ രമേഷ് സിപ്പിയുടെ 1975-ലെ മാഗ്നം ഓപസിന്റെ പുതിയ പതിപ്പ് വെള്ളിയാഴ്ച ഇറ്റലിയിലെ ബൊലോഗ്നയില് നടക്കുന്ന സിനിമാ റെട്രോവിറ്റോ ഫെസ്റ്റിവലില് അതിന്റെ വേള്ഡ് പ്രീമിയര് നടത്തും. ആദ്യം ചിത്രീകരിച്ച ഒറിജിനല് ക്ളൈമാക്സോടെയാണ് സിനിമ പ്രേക്ഷകരെ തേടിയെത്തുന്നത്.
യൂറോപ്പിലെ ഏറ്റവും വലിയ മേളകളിലൊന്നായ പിയാസ മാഗിയോറിലെ ഫെസ്റ്റിവലിന്റെ ഐതിഹാസിക ഓപ്പണ് എയര് സ്ക്രീനിലാണ് ഈ സ്ക്രീനിംഗ് നടക്കുന്നത്. സലിം-ജാവേദിന്റെ തിരക്കഥയില് അമിതാഭ് ബച്ചന്, ധര്മേന്ദ്ര, ഹേമമാലിനി, ജയ ഭാദുരി, സഞ്ജീവ് കുമാര്, ഗബ്ബര് സിംഗ് എന്ന കഥാപാത്രത്തെ അവിസ്മരണീയമാക്കിയ അംജദ് ഖാന് എന്നിവരുടെ നേതൃത്വത്തിലുള്ള താരനില വന്ന 204 മിനിറ്റ് ദൈര്ഘ്യമുള്ള ഈ ചിത്രം രാംഗഢ് എന്ന സാങ്കല്പ്പിക ഗ്രാമത്തെ പശ്ചാത്തലമാക്കിയുള്ള ഒരു നല്ല-തിന്മ-തിന്മയുടെ കഥയാണ്.
മുന് ജയിലറായ താക്കൂര് ബല്ദേവ് സിംഗ് കൊടും കൊള്ളക്കാരനായ ഗബ്ബാര് സിങ്ങിനെ വീഴ്ത്താന് രണ്ട് ചെറിയ കുറ്റവാളികളായ ജയ്, വീരു എന്നിവരെ കൊണ്ടുവരുന്നതാണ് കഥ. ആദ്യം ചിത്രീകരിച്ച യഥാര്ത്ഥ ക്ളൈമാക്സുമായി ഡീലീറ്റ് ചെയ്ത സീനുകള് ഉള്പ്പെടുത്തിയാണ് സിനിമ വരുന്നത്. യഥാര്ത്ഥ പതിപ്പില്, ഗബ്ബര് സിംഗിനെ തന്റെ സ്പൈക്ക് ചെയ്ത ഷൂ ഉപയോഗിച്ച് കൊലപ്പെടുത്തുന്നതായിരുന്നു ചിത്രീകരിച്ചത്. എന്നാല് സെന്സര്ബോര്ഡ് എതിര്ക്കുകയായിരുന്നു. മുന് പോലീസ് ഉദ്യോഗസ്ഥന് നിയമം കൈയിലെടുക്കുന്നതിന്റെ ആശയം അവര് നിരസിച്ചു. സിനിമയിലെ അമിതമായ വയലന്സും സെന്സര്ബോര്ഡ് അനുവദിച്ചില്ല.
ന്യായവാദം ചെയ്യാനുള്ള ശ്രമങ്ങള് പരാജയപ്പെട്ടതിനെത്തുടര്ന്ന്, അവസാനം റീഷൂട്ട് ചെയ്യാന് സിപ്പി നിര്ബന്ധിതനായി. ഗബ്ബര് സിംഗ് കൊല്ലപ്പെടുന്നതിന് പകരം പിടിക്കപ്പെടുന്നിടത്ത് സിനിമ ഒടുവില് സെന്സര്മാര്ക്ക് അനുമതി നല്കി. അതേസമയം സിനിമയെ മടക്കി കൊണ്ടുവരല് പുതിയ അണിയറക്കാര്ക്ക് ഭഗീരഥപ്രയത്നങ്ങളില് ഒന്നായിരുന്നു. 2022ല് രമേഷ് സിപ്പിയുടെ മകന് ഷെഹ്സാദ് സിപ്പി ചിത്രം പുനഃസ്ഥാപിക്കണമെന്ന നിര്ദേശവുമായി മുംബൈ ആസ്ഥാനമായുള്ള ഫിലിം ഹെറിറ്റേജ് ഫൗണ്ടേഷനെ സമീപിച്ചു.
സിനിമയുടെ 70 കളിലെ യഥാര്ത്ഥ 70 എംഎം പ്രിന്റുകള് കാലത്തെ അതിജീവിക്കുന്നവയായിരുന്നില്ല. നെഗറ്റീവുകള് വളരെ മോശമായ അവസ്ഥയിലായിരുന്നു. കേടുപാടുകള് സംഭവിച്ച നെഗറ്റീവുകള് നഷ്ടപ്പെട്ടിട്ടും, ആര്ക്കൈവിസ്റ്റുകള് മുംബൈയില് നിന്നും യുകെയില് നിന്നും ഘടകങ്ങള് ശേഖരിച്ചു, ബ്രിട്ടീഷ് ഫിലിം ഇന്സ്റ്റിറ്റ്യൂട്ടുമായും ഇറ്റലിയിലെ എല് ഇമാജിന് റിട്രോവാറ്റയുമായും സഹകരിച്ച് സിനിമയെ കഠിനമായി ഒന്നിച്ചു ചേര്ക്കാന് ശ്രമിച്ചു. സിനിമയുടെ ചിത്രീകരണത്തിന് ഉപയോഗിച്ച യഥാര്ത്ഥ ക്യാമറ പോലും ഈ ശ്രമത്തിലൂടെ കണ്ടെത്തി.
ആദ്യം പുറത്തിറങ്ങിയപ്പോള്, മുംബൈയിലെ 1,500 പേര്ക്ക് ഇരിക്കാവുന്ന മിനര്വ തിയേറ്ററില് തുടര്ച്ചയായി അഞ്ച് വര്ഷമാണ് ഷോലെ ഓടിയത്.മൂന്ന് പതിവ് ഷോകളിലും രണ്ട് മുംബൈയിലെ മിനര്വയില് മാറ്റിനികളായും. അതിന്റെ 240-ാം ആഴ്ചയിലും ഷോകള് നിറഞ്ഞിരുന്നു. 2015 ഏപ്രിലില് ഷോലെ പാക്കിസ്ഥാനി സ്ക്രീനുകളില് എത്തി, 40 വര്ഷം പിന്നിട്ടിട്ടും, ഒരു ദശാബ്ദത്തിലേറെ പഴക്കമുള്ള മിക്ക ഇന്ത്യന് സിനിമകളെയും അത് മറികടന്നു.
