അമ്മായിയമ്മ – മരുമകള്‍, അമ്മായിയപ്പന്‍ – മരുമകള്‍. കഴിഞ്ഞ തലമുറയിലെ ഏറ്റവും പ്രശ്‌നബാധിതമായ ബന്ധങ്ങളില്‍ ഒന്ന് ഇങ്ങിനെയായിരുന്നു. എന്നാല്‍ ഈ തലമുറയില്‍ അത് മറ്റൊരു തലം കൈവരിക്കുകയാണ്. ഹോങ്കോംഗിലെ മുന്‍ നടിയും നിലവില്‍ സാമൂഹ്യപ്രവര്‍ത്തകയുമായ കാത്തിചുയിയ്ക്ക് കോടീശ്വരനായ അമ്മായിയപ്പന്‍ സമ്മാനമായി നല്‍കിയത് ഏകദേശം 2,134 കോടി രൂപ വിലമതിക്കുന്ന സമ്മാനങ്ങളാണ്.
ഈ സമ്മാനങ്ങള്‍ കിട്ടിയതോടെ കാത്തിചുയിയുടെ വിളിപ്പേര് ഇപ്പോള്‍ ‘ഹണ്ട്രഡ് ബില്യണ്‍ മരുമകള്‍’ എന്നായി. മാര്‍ച്ച് 17 ന് മരിക്കുന്നതിന് മുമ്പ് കോടീശ്വരനായ ലീ ഷൗ കീ 2 ബില്യണ്‍ ഡോളറിന്റെ സമ്മാനങ്ങളാണ് നല്‍കിയത്. അതില്‍ ആഡംബര നൗകയും ഒരു മാളികയും, മറ്റ് വിശേഷപ്പെട്ട വസ്തുക്കളുമുണ്ട്. വര്‍ഷങ്ങളായി അവള്‍ക്ക് ലഭിച്ച അതിവിശിഷ്ടമായ സമ്മാനങ്ങള്‍ കാരണം ടാബ്ലോയിഡുകളില്‍ ‘ഹണ്ട്രഡ് ബില്യണ്‍ മരുമകള്‍’ എന്ന വിളിപ്പേര് നല്‍കിയത്.
ചൂയിയെ വിവാഹം കഴിച്ചത് ലീ ഷൗ കീ യുടെ മകന്‍ മാര്‍ട്ടിന്‍ ലീ ആയിരുന്നു. ‘നൂറ്റാണ്ടിന്റെ വിവാഹം’ എന്ന് വിളിക്കപ്പെട്ട ആഡംബര കല്യാണം നടന്നത് 2006-ല്‍ ലായിരുന്നു. തുടക്കത്തില്‍, ദ്രുതഗതിയില്‍ നാല് കുട്ടികളുണ്ടായതിന് ഏറെ പരിഹാസം കേട്ട ചൂയി പതിയെ കുടുംബത്തിലെ പ്രധാന വ്യക്തിയായി മാറി. അവളുടെ വിവേചനാധികാരം, കാര്യക്ഷമത, ബിസിനസ്സിലും ഉയര്‍ന്ന സമൂഹത്തിലും കണക്കാക്കിയ സാന്നിധ്യം എന്നിവയ്ക്ക് അംഗീകാരം ലഭിച്ചു. ബിസിനസ്സിനപ്പുറം, ചാരിറ്റി ഇവന്റുകളിലൂടെയും കുടുംബ ബിസിനസ്സ് പ്രമോഷനുകളിലൂടെയും ചുയി തന്റെ എലൈറ്റ് പദവി നിലനിര്‍ത്തുന്നു.
കാത്തി ലീ എന്നു കൂടി അറിയപ്പെടുന്ന കാത്തി ചുയി, ഒരു മുന്‍ ഹോങ്കോംഗ് നടിയാണ്. 1982 ല്‍ ഓസ്ട്രേലിയയിലെ സിഡ്നിയില്‍ ജനിച്ച ചുയി കുടുംബത്തിലെ ഏക മരുമകളാണ്. ഈ 43 വയസ്സുകാരി നിക്ഷേപങ്ങളിലും കുടുംബ ബിസിനസുകളിലും കൂടുതല്‍ പ്രധാന പങ്ക് വഹിക്കുന്നു.
കുറഞ്ഞ സോഷ്യല്‍ മീഡിയ സാന്നിധ്യം ഉണ്ടായിരുന്നിട്ടും, അവര്‍ ചെയര്‍പേഴ്സണായും ഇവന്റ് അംബാസഡറായും ഓണററി റോളുകള്‍ വഹിക്കുന്നു. ഒളിമ്പിക് ചാമ്പ്യന്‍ ഗുവോ ജിംഗ്ജിംഗ്, കിംബി ചാന്‍ തുടങ്ങിയ പ്രമുഖ വനിതകള്‍ക്കൊപ്പം വരേണ്യവര്‍ഗത്തിനിടയില്‍ തന്റെ സ്ഥാനം ഉറപ്പിച്ചു. 2018-ല്‍, സമൂഹത്തിനുള്ള അവളുടെ സംഭാവനകള്‍ക്ക് ആംഫര്‍ അവാര്‍ഡ് നല്‍കി ആദരിച്ചു.
