ഇന്ത്യന്‍ പ്രീമിയര്‍ ലീഗ് (ഐപിഎല്‍) 2025-ന്റെ വരാനിരിക്കുന്ന പതിപ്പിനായി ചെന്നൈ സൂപ്പര്‍ കിംഗ്സ് മുന്‍ ക്യാപ്റ്റന്‍ എംഎസ് ധോണി ബാറ്റിന്റെ ഭാരം കുറയ്ക്കുമെന്ന് അഭ്യൂഹം. ഈ സീസണില്‍ സിഎസ്‌കെ അണ്‍ക്യാപ്പ്ഡ് കളിക്കാരനായി നിലനിര്‍ത്തിയ ധോണി, സീസണിന് മുന്നോടിയായി മാച്ച് ഫിറ്റ് ആകാന്‍ റാഞ്ചിയില്‍ പരിശീലനത്തിലാണ്. ഇതിഹാസ വിക്കറ്റ് കീപ്പര്‍-ബാറ്ററും പതിവുപോലെ ഈ വര്‍ഷവും സിഎസ്‌കെയുടെ പ്രീ-ഐപിഎല്‍ ക്യാമ്പില്‍ പങ്കെടുക്കുമെന്ന് പ്രതീക്ഷിക്കുന്നു.
സാധാരണയായി 1250-1300 ഗ്രാം ഭാരമുള്ള ബാറ്റുമായാണ് ധോണി കളിക്കുന്നത്. ഇത് ഇത്തവണ് 10-20 ഗ്രാമെങ്കിലും കുറയ്ക്കുമെന്ന് പ്രതീക്ഷിക്കുന്നതായി സ്രോതസ്സുകളെ ഉദ്ധരിച്ച് ഒരു ന്യൂ ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്തു. തന്റെ പ്രധാന ദിവസങ്ങളില്‍ ക്രിക്കറ്റ് സര്‍ക്യൂട്ടിലെ ഏറ്റവും ഭാരമേറിയ ബാറ്റുകളിലൊന്ന് ഉപയോഗിച്ചാണ് ധോണി കളിക്കുന്നത്. മീററ്റില്‍ നിന്നുള്ള ക്രിക്കറ്റ് ഉപകരണ കമ്പനിയായ സാന്‍സ്പാരെയില്‍സ് ഗ്രീന്‍ലാന്‍ഡ്സ് പ്രൈവറ്റ് ലിമിറ്റഡ് അടുത്തിടെ നാല് ബാറ്റുകള്‍ ധോണിക്ക് എത്തിച്ചുകൊടുത്തു.
”ഓരോ ബാറ്റിനും 1230 ഗ്രാം ഭാരമുണ്ട്, മുമ്പത്തെ അതേ ആകൃതിയിലാണ്,” ഉറവിടം കൂട്ടിച്ചേര്‍ത്തു. ധോണി ഇപ്പോള്‍ റാഞ്ചിയില്‍ പരിശീലനത്തിലാണ്. തന്റെ കഴിവുകള്‍ക്ക് മൂര്‍ച്ച കൂട്ടാന്‍ അദ്ദേഹം ബൗളിംഗ് മെഷീനുമായിട്ടാണ് പരിശീലനം നടത്തുന്നത്. വിക്കറ്റ് കീപ്പര്‍-ബാറ്റര്‍ 2024-ല്‍ മുഴുവന്‍ സീസണും കളിച്ചു, പക്ഷേ ഓര്‍ഡറിനേക്കാള്‍ 8-ാം സ്ഥാനത്താണ് കൂടുതലും ഉപയോഗിച്ചത്.
മത്സരത്തിന്റെ അവസാന രണ്ടോവറില്‍ സിക്സറുകളുടെ പെരുമഴ പായിച്ച ധോണി നിരവധി മികച്ച ഇന്നിംഗ്സുകള്‍ കളിച്ചു. ‘അദ്ദേഹം ഇന്‍ഡോര്‍ ഫെസിലിറ്റിയില്‍ പരിശീലനം നടത്താറുണ്ടായിരുന്നു. അന്ന് വേദിയില്‍ ഒരു ടീമും ക്യാമ്പ് ചെയ്യാത്തതിനാല്‍, ബൗളിംഗ് മെഷീന്‍ ഉപയോഗിച്ചാണ് അദ്ദേഹം പരിശീലനം നടത്തിയത്. ഇവിടെ നടന്ന ഒരു ടൂര്‍ണമെന്റിന്റെ ഉദ്ഘാടന ദിവസം അദ്ദേഹം സൗഹൃദ ടെന്നീസ് മത്സരവും കളിച്ചു,’ ജാര്‍ഖണ്ഡ് സ്റ്റേറ്റ് ക്രിക്കറ്റ് അസോസിയേഷന്‍ ഉദ്യോഗസ്ഥന്‍ പറഞ്ഞു.
