ലയണല്‍ മെസ്സിയും ക്രിസ്റ്റ്യാനോ റൊണാള്‍ഡോയും അനേകം നാഴികക്കല്ലുകളാണ് ഫുട്‌ബോള്‍ ചരിത്രത്തില്‍ രേഖപ്പെടുത്തിയിട്ടുള്ളത്. എന്നാല്‍ ഈ നാഴികക്കല്ലുകള്‍ ഇനി ഫ്രഞ്ച് ഫുട്‌ബോള്‍സ്റ്റാര്‍ കിലിയന്‍ എംബാപ്പേയ്ക്ക് പോകുമോ? ഒരു പ്രൊഫഷണല്‍ ഫുട്‌ബോള്‍ കളിക്കാരനെന്ന നിലയില്‍ അദ്ദേഹം ഗോളുകളും അസിസ്റ്റുമായി ഇപ്പോള്‍ 516 ഗോള്‍ സംഭാവനകള്‍ നേടിയ പ്രായം കുറഞ്ഞയാളായി.
വെറും 26 വയസ്സുള്ളപ്പോള്‍ 500 ഗോള്‍ സംഭാവനകള്‍ കവിയുന്ന ഫുട്‌ബോള്‍ ചരിത്രത്തിലെ ഏറ്റവും പ്രായം കുറഞ്ഞ കളിക്കാരനായി എംബാപ്പ മാറി. ലയണല്‍ മെസ്സി ഈ പ്രായത്തില്‍ 486 ഗോളുകളില്‍ അവകാശം നേടിയപ്പോള്‍ ബ്രസീലിയന്‍ താരം നെയ്മര്‍ 492 ഗോള്‍ സംഭാവനകള്‍ കണ്ടെത്തി. ഇതേ പ്രായത്തില്‍ 302 ഗോള്‍ സംഭാവന ചെയ്യാനേ ക്രിസ്റ്റ്യാനോ റൊണാള്‍ഡോയ്ക്ക് കഴിഞ്ഞിരുന്നുള്ളൂ. റയല്‍ മാഡ്രിഡില്‍ വെല്ലുവിളി നിറഞ്ഞ തുടക്കമാണെങ്കിലും, എംബാപ്പെ തന്റെ താളം കണ്ടെത്തി, ഇപ്പോള്‍ ലാ ലിഗയിലെ ക്ലബിന്റെ ടോപ് സ്‌കോററാണ്.
ലോകത്തിലെ ഏറ്റവും മികച്ച കളിക്കാരില്‍ ഒരാളായി മാറിയ പാരീസ് സെന്റ് ജെര്‍മെയ്നിലെ വിജയകരമായ ഏഴ് വര്‍ഷത്തെ പ്രവര്‍ത്തനത്തിന് ശേഷം റയല്‍ മാഡ്രിഡില്‍ എത്തിയത്. ഇപ്പോള്‍, 17 ലാ ലിഗ ഗോളുകളും റയല്‍ മാഡ്രിഡിന്റെ ആക്രമണത്തില്‍ വര്‍ദ്ധിച്ചുവരുന്ന സ്വാധീനവും, അവന്‍ ഒരിക്കല്‍ കൂടി തന്റെ കഴിവ് തെളിയിക്കുന്നു. എംബാപ്പയുടെ 516 ഗോള്‍ സംഭാവനകള്‍ ശ്രദ്ധേയമാണെങ്കിലും, എക്കാലത്തെയും സ്ഥിതിവിവരക്കണക്കുകളില്‍ മെസ്സിക്കും റൊണാള്‍ഡോയ്ക്കും ഒപ്പമെത്താന്‍ അദ്ദേഹത്തിന് ഇനിയും ഒരുപാട് ദൂരം സഞ്ചരിക്കാനുണ്ട്.
ഈ പട്ടികയില്‍ ഏറെ മുന്നിലുള്ള മെസ്സിക്ക് 1,267 ഗോള്‍ സംഭാവനകളുണ്ട്. ക്രിസ്റ്റ്യാനോ റൊണാള്‍ഡോയ്ക്ക് 1,205 ഗോള്‍ സംഭാവനകളും. എംബാപ്പേയ്ക്ക് പക്ഷേ തന്റെ നിലവിലെ വേഗത നിലനിര്‍ത്തുകയാണെങ്കില്‍, വരും വര്‍ഷങ്ങളില്‍ അദ്ദേഹത്തിന് അവരുടെ റെക്കോര്‍ഡുകളെ വെല്ലുവിളിക്കാന്‍ കഴിയും. എംബാപ്പേ തന്റെ കരിയര്‍ ആരംഭിച്ചത് വലത് വിംഗറായാണ്, പക്ഷേ പിഎസ്ജിയില്‍ മാരകമായ ലെഫ്റ്റ് വിംഗറായി പരിണമിച്ചു. അവിടെ അദ്ദേഹം 256 ഗോളുകള്‍ നേടുകയും 308 ഗെയിമുകളില്‍ നിന്ന് 106 അസിസ്റ്റുകള്‍ നല്‍കുകയും ചെയ്തു.
എന്നിരുന്നാലും, റയല്‍ മാഡ്രിഡില്‍, അദ്ദേഹത്തിന് തന്റെ പൊസിഷന്റെ കാര്യത്തില്‍ ഒരിക്കല്‍ കൂടി പൊരുത്തപ്പെടേണ്ടി വന്നു. വിനീഷ്യസ് ജൂനിയര്‍ ഇടതുഭാഗത്ത് വന്നതോടെ ഫാള്‍സ് നയന്‍ പൊസിഷനായി എംബാപ്പേയ്ക്ക്. അതല്ലെങ്കില്‍ സെന്റര്‍ ഫോര്‍വേഡ് റോള്‍ ഏറ്റെടുത്തു. ആദ്യം ഈ സ്ഥാനത്ത് ഒന്നു പതറിയെങ്കിലും പിന്നീട് ഫോം മെച്ചപ്പെട്ടു, ലാ ലിഗയിലെ റയല്‍ മാഡ്രിഡിന്റെ മുന്‍നിര സ്‌കോററായി. എംബാപ്പേ ലെഫ്റ്റ് വിംഗറായി മാറുന്നത് ആരാധകര്‍ക്ക് ഇഷ്ടമാണെങ്കിലും വിനീഷ്യസ് ജൂനിയറാണ് അതിന് പ്രതിബന്ധം.
