സ്ത്രീകളുടെ വസ്ത്രധാരണരീതിയ്ക്കും അഭിപ്രായ സ്വാതന്ത്ര്യത്തിനും കർശനമായ നിയമവ്യവസ്ഥകളുള്ള ഇറാനില്‍ ഒരു യുവതി ബിക്കിനി മാത്രമണിഞ്ഞ് പൊതുസ്ഥലത്ത് കൂടി നടക്കുന്ന വീഡിയോ വെറലാകന്നു. ഇത്തരം വസ്‍ത്രധാരണത്തിന് ഇറാന്റെ ചരിത്രത്തിലെ ദാരുണമായ സംഭവങ്ങൾ റിപ്പോര്‍ട്ടു ചെയ്യപ്പെട്ടിട്ടുണ്ട്. “അനുചിതമായ” ഹിജാബ് ധരിച്ചതിന് തടങ്കലിൽ വെച്ചതിനെ തുടർന്ന് 2022 ൽ അമിനി എന്ന യുവതി മരിച്ചു.
ഇറാനിലെ യൂണിവേഴ്‌സിറ്റിയിലെ ഒരു യുവതി ബിക്കിനി ധരിച്ച് പൊതുസ്ഥലത്ത് കൂടി നടക്കുന്നതാണ് ദൃശ്യങ്ങളിൽ കാണുന്നത്. ആളുകള്‍ അത്ഭുതത്തോടെ അവരെ നോക്കുന്നുണ്ടെങ്കിലും അതൊന്നും ശ്രദ്ധിക്കാതെ ആത്മവിശ്വാസത്തോടെ ഇരിക്കുകയും പിന്നീട് റോഡിലൂടെ നടക്കുകയുമാണ് യുവതി. തുടര്‍ന്ന് അധികൃതർ യുവതിയെ കസ്റ്റഡിയിലെടുത്തു ചോദ്യം ചെയ്തു. അവൾ കടുത്ത മാനസിക സമ്മർദ്ദത്തിലായിരുന്നുവെന്ന് റിപ്പോർട്ടുകൾ സൂചിപ്പിക്കുന്നു, തുടർന്ന് ഉദ്യോഗസ്ഥർ അവളെ മാനസികാരോഗ്യ കേന്ദ്രത്തിലേക്ക് മാറ്റി.
സമൂഹത്തിന്റെ രീതികളെ വെല്ലുവിളിക്കുന്ന സ്ത്രീകളോടുള്ള അധികാരികളുടെ പെരുമാറ്റത്തെ പലരും ചോദ്യം ചെയ്തതോടെ ഈ വൈറൽ വീഡിയോയെ ചുറ്റിപ്പറ്റിയുള്ള ചർച്ചയ്ക്ക് ആക്കം കൂട്ടി. പ്രത്യേകിച്ചും ഇത്തരം പ്രവൃത്തികൾ കർശനമായി നിയന്ത്രിക്കപ്പെടുന്ന ഒരു രാജ്യത്ത്. വൈറൽ വീഡിയോ ഇറാനിയൻ ഡ്രസ് കോഡിനെച്ചൊല്ലിയുള്ള ചർച്ചയ്ക്ക് തുടക്കമിടുന്നു.
ഇറാന്റെ വസ്ത്രധാരണ നിയമങ്ങളെ വെല്ലുവിളിച്ച ഈ പ്രവൃത്തി നിരവധി പേരുടെ പിന്തുണക്കും വിമർശനത്തിനും കാരണമായിട്ടുണ്ട്. സംഭവത്തിൽ സമ്മിശ്ര പ്രതികരണങ്ങളാണ് പൊതുജനങ്ങൾ പങ്കുവയ്ക്കുന്നത്. വീഡിയോ ഇപ്പോൾ ഇറാനിലെ സ്വാതന്ത്ര്യത്തെയും ആവിഷ്‌കാരത്തെയും കുറിച്ചുള്ള ചർച്ചകളിലെ ഒരു കേന്ദ്രബിന്ദുവായി മാറിയിരിക്കുന്നു.
‘‘രാജ്യമേതാണ് എന്നതല്ല, പൊതുസ്ഥലത്ത്, അതും ഒരു കാമ്പസില്‍ ഇത്തരം വസ്ത്രധാരണം എന്തു സ്വാതന്ത്ര്യത്തിന്റെ പേരിലാണെങ്കിലും അനുവദിച്ചു കൂടാ എന്നും ആളുകള്‍ കമന്റു ചെയ്യുന്നുണ്ട്.
“ഈ സ്ത്രീയുടെ ധൈര്യം പ്രചോദനകരമാണ്. അഭിപ്രായസ്വാതന്ത്ര്യം പലപ്പോഴും അടിച്ചമർത്തപ്പെടുന്ന ഒരു ലോകത്ത്, അടിച്ചമർത്തൽ നിയമങ്ങൾക്കെതിരെ അവൾ ഒരു നിലപാട് സ്വീകരിക്കുന്നു.” അവളുടെ ധീരത ശ്രദ്ധിക്കപ്പെടാതെ പോകില്ലെന്നാണ് നെറ്റിസൻമാരുടെ പ്രതികരണം.
