നിർമ്മാണത്തിലിരിക്കുന്ന ഒരു വീട്ടിൽ 18 വയസ്സിന് താഴെയുള്ള വിദ്യാർത്ഥിയുമായി അധ്യാപിക “ലൈംഗിക ബന്ധം” പുലർത്തിയതായി കണ്ടെത്തി ടെക്സസ് പോലീസ്. ഡാവൻപോർട്ട് ഹൈസ്‌കൂളിലെ ചിത്രകലാ അധ്യാപികയായ 51കാരിയായ ജെന്നിഫർ മാസിയെയാണ് വ്യാഴാഴ്ച വൈകുന്നേരം കോമൽ കൗണ്ടി ഡെപ്യൂട്ടി പോലീസ് അറസ്റ്റ് ചെയ്തത്.
പണി പൂർത്തിയാകാത്ത വീട്ടിൽ സംശയാസ്പദമായ നിലയിൽ ഒരു വ്യക്തിയെ കണ്ടെന്ന പരാതിയിൽ നടത്തിയ അന്വേഷണത്തിലാണ് സംഭവം പുറത്തുവരുന്നത്. ഡെപ്യൂട്ടി നടത്തിയ പ്രാഥമിക അന്വേഷണത്തിൽ , മാസിയും ഒരു “പ്രായപൂർത്തിയാകാത്തയാളും ലൈംഗിക ബന്ധം പുലർത്തുന്നതായി കണ്ടെത്തിയെന്ന് കോമൽ കൗണ്ടി ഷെരീഫ് ഓഫീസിൽ നിന്നുള്ള പ്രസ്താവനയിൽ പറയുന്നു. അദ്ധ്യാപികയും വിദ്യാർത്ഥിയും തമ്മിൽ അനുചിതമായ ബന്ധം പുലർത്തിയതിനാണ് അധ്യാപികക്കെതിരെ കേസെടുത്തത്
കോമൽ കൗണ്ടി പബ്ലിക് രേഖകൾ പ്രകാരം 50,000 ഡോളർ ജാമ്യ ബോണ്ടിലാണ് മാസിയെ തടവിലാക്കിയിരിക്കുന്നത്. കുറ്റം തെളിയിക്കപ്പെട്ടാൽ, മാസിക്ക് 20 വർഷം വരെ തടവും 10,000 ഡോളർ പിഴയും ലഭിക്കും. അറസ്റ്റിനെ തുടർന്ന് മാസി സ്കൂളിലേക്ക് അധ്യാപികയായി മടങ്ങിവരില്ലെന്ന് ഡാവൻപോർട്ട് ഹൈ പ്രിൻസിപ്പൽ ആഞ്ചല ലൂണി അറിയിച്ചു.
“അധ്യാപകരും വിദ്യാർഥികളും തമ്മിലുള്ള അനുചിതമായ ബന്ധത്തെ ജില്ല അംഗീകരിക്കുന്നില്ലെന്ന് ജില്ലാ വക്താവ് പറഞ്ഞു. “ഞങ്ങളുടെ വിദ്യാർത്ഥികളുടെ സുരക്ഷയും ഉറപ്പാക്കുകയാണ് ഞങ്ങളുടെ മുൻഗണന. അവരുടെ അന്വേഷണത്തിൽ നിയമപാലകരുമായി ഞങ്ങൾ പൂർണ്ണമായി സഹകരിക്കുന്നത് തുടരും.” എന്ന് അവര്‍ അറിയിച്ചു.
