മുംബൈ: നഗരത്തിലെ പ്രത്യേക കോടതിയില്‍ കെട്ടിക്കിടക്കുന്ന ഏറ്റവും പഴയ മയക്കുമരുന്നു കേസുകളില്‍ ഒന്നില്‍ തിങ്കളാഴ്ച സാന്താക്രൂസ് വ്യവസായിയെ കുറ്റക്കാരന്നെ കണ്ടെത്തി കോടതി 20 വര്‍ഷം കഠിനതടവിന് ശിക്ഷിച്ചു. 37 വര്‍ഷം പഴക്കമുള്ള കേസിലായിരുന്നു വിധി വന്നത്. 2.61 കോടി രൂപ വിലമതിക്കുന്ന 4,365 കിലോ ഹാഷിഷ് ഡ്രമ്മില്‍ ഒളിപ്പിച്ച നിലയില്‍ കണ്ടെത്തിയതാണ് കേസ്.
സുഗന്ധവ്യഞ്ജനത്തിന്റെ കയറ്റുമതിയുടെ മറവില്‍ ലണ്ടനിലേക്ക് മയക്കുമരുന്ന് കടത്താനായിരുന്നു ലക്ഷ്യമിട്ടിരുന്നത്. പ്രതിയായ നിതിന്‍ ഭാനുശാലി എന്ന 65 കാരന് വധശിക്ഷ നല്‍കണമെന്നായിരുന്ന പ്രോസിക്യൂഷന്‍ വാദം. എന്‍ഡിപിഎസ് കോടതിയുടെ മുന്നില്‍ മൂന്നര പതിറ്റാണ്ട് എത്തിയ കേസ് നിയമപ്രകാരം, രണ്ട് തവണ കുറ്റക്കാരനാണെന്ന് കണ്ടെത്തിയാല്‍ വധശിക്ഷ ലഭിക്കും.
ഭാനുശാലി നേരത്തെ മറ്റ് രണ്ട് മയക്കുമരുന്ന് കേസുകളില്‍ ശിക്ഷിക്കപ്പെട്ടിരുന്നു. കേസില്‍ ഭാനുശാലി പശ്ചാത്തപിച്ചിട്ടില്ലെന്ന് പ്രത്യേക ജഡ്ജി എസ് ഇ ബംഗാര്‍ പറഞ്ഞു. മയക്കുമരുന്ന് ആസക്തി യുവാക്കള്‍ക്കിടയില്‍ പ്രത്യേകിച്ചും വ്യാപകമായ പ്രശ്‌നം ഉണ്ടാക്കുന്ന സാഹചര്യത്തില്‍ അദ്ദേഹത്തോട് കരുണ കാണിക്കുന്നത് ന്യായമല്ലെന്ന് കോടതി പറഞ്ഞു.
261 പേജുള്ള വിധിന്യായത്തില്‍, ജാമ്യം നേടിയതിന് ശേഷം വിചാരണയില്‍ നിന്ന് ഒഴിഞ്ഞുമാറുക, സമാനമായ കുറ്റങ്ങള്‍ക്ക് മുന്‍കൂര്‍ ശിക്ഷ ലഭിക്കുക തുടങ്ങിയ ഭാനുശാലിയുടെ നടപടികള്‍ക്ക് ശിക്ഷ ഇളവ് നല്‍കേണ്ടതില്ലെന്ന് ജഡ്ജി പറഞ്ഞു. 10 ലക്ഷം രൂപ പിഴയും കോടതി വിധിച്ചു. 49 സാക്ഷികളുടെ തെളിവുകള്‍ സ്പെഷ്യല്‍ പബ്ലിക് പ്രോസിക്യൂട്ടര്‍ വിജേന്ദ്ര മിശ്ര ചൂണ്ടിക്കാട്ടി.
മറ്റ് മൂന്ന് പ്രതികളെ 2010-ല്‍ പ്രത്യേക വിചാരണയില്‍ വെറുതെവിട്ടു. ഒരു പാകിസ്ഥാന്‍ പൗരന്‍ ഇബ്രാഹിം ഉള്‍പ്പെടെ നാല് പ്രതികള്‍ ഇപ്പോഴും ഒളിവിലാണ്, ഒരാള്‍ വിചാരണയ്ക്കിടെ മരിച്ചു. ഒരു പ്രതിയെ ‘അജ്ഞാതന്‍’ എന്ന് പട്ടികപ്പെടുത്തിയിട്ടുണ്ട്.
രഹസ്യ വിവരത്തെ തുടര്‍ന്ന് 1987 ജൂലൈ 2 ന് വിക്രോളിയിലെ ഒരു ഗോഡൗണില്‍ ഡിആര്‍ഐ ഉദ്യോഗസ്ഥര്‍ റെയ്ഡ് നടത്തി. തുടര്‍ന്ന് ചട്ണിയുടെ 194 ഡ്രമ്മുകളില്‍ ഹാഷിഷ് കണ്ടെത്തുകയും ചെയ്തു. കള്ളക്കടത്ത് സൂക്ഷിച്ചിരുന്ന ഗോഡൗണ്‍ വാടകയ്ക്ക് എടുത്തതിനും വ്യാജ കയറ്റുമതി രേഖകള്‍ തയ്യാറാക്കാന്‍ സഹായിച്ചതിനും ഭാനുശാലിക്കെതിരെ ആരോപണമുണ്ട്.
