Oddly News

എത്ര വൃത്തികെട്ട വീടും വൃത്തിയാക്കാൻ ഒരാൾ, അതും ഒരു രൂപപോലും പ്രതിഫലം വാങ്ങാതെ

ജോലിതിരക്കുകള്‍മൂലം പലപ്പോഴും നമ്മുടെ വീട് വൃത്തിയാക്കി സൂക്ഷിക്കാന്‍ നമ്മള്‍ പണിപ്പെടാറുണ്ട്. എന്നാല്‍ ഒരു രൂപ പോലും പ്രതിഫലം വാങ്ങാതെ വീട് വൃത്തിയാക്കി താരാന്‍ ഒരാള്‍ തയ്യാറായാലോ? ഫിന്‍ലന്‍ഡ് കാരിയായ ഔരി കാതറീന എന്ന യുവതിയാണ് സൗജന്യമായി മറ്റുള്ളവര്‍ക്കായി ഈ ജോലി ചെയ്തുകൊടുക്കുന്നത്. ക്ലിനിങ്ങിനോടുള്ള പ്രിയം മൂലം ഔരി ലോകമെമ്പാടും പ്രശസ്തയാണ്. നിരവധി ആരാധകരുമുണ്ട് ഔരിക്ക്.

ആരും കണ്ടാൽ അറയ്ക്കുന്ന വൃത്തിഹീനമായ വീടുകള്‍ പോലും ആരും കൊതിക്കുന്ന രീതിയില്‍ വൃത്തിയാക്കി നല്‍കാന്‍ ഔരിക്ക് സാധിക്കും. എല്ലാത്തിനും തുടക്കമായത് ഇന്റര്‍നെറ്റിലൂടെ കണ്ടെത്തിയ ഡേറ്റിങ് പങ്കാളിക്ക് പിറന്നാള്‍ സമ്മാനമായി വീട് വൃത്തിയാക്കി നല്‍കിയതിന് പിന്നാലെയാണ്. പിന്നീട് അതിന്റെ ചിത്രങ്ങള്‍ സമൂഹ മാധ്യമങ്ങളില്‍ പോസ്റ്റ് ചെയ്യുകയും ചെയ്തിരുന്നു. വര്‍ഷങ്ങളായി വൃത്തിയാക്കാത്ത ബാത്തറൂമും ദുര്‍ഗന്ധം വമിക്കുന്ന ഉപകരണങ്ങളുമെല്ലാം നിസ്സാരമായി ഔരി വൃത്തിയാക്കാറുണ്ട്.

മാനസിക വെല്ലുവിളികള്‍ സ്വീകരിക്കുന്നവരും വയോധികരുമാണ് സഹായം തേടി വിളിക്കുന്നവരില്‍ ഏറെയും. പലവരും നിര്‍ബന്ധമായി പണം നല്‍കാറുണ്ടെങ്കിലും ഔരി അത് നിരസിക്കാറാണ് പതിവ്. ഔരിയുടെ വീഡിയോയ്ക്കാവട്ടെ പ്രത്യേക ഫാന്‍ ബേസ് തന്നെയുണ്ട്.