അടുത്തിടെ, വില്ല്യം രാജകുമാരനും കേറ്റ് മിഡില്‍ടണും മാനസികാരോഗ്യ സംരക്ഷണത്തില്‍ ശ്രദ്ധ കേന്ദ്രീകരിച്ച് സ്‌കാര്‍ബറോയില്‍ പ്രത്യക്ഷപ്പെട്ടപ്പോള്‍ അവരുടെ വസ്ത്രത്തില്‍ ഒരു ചുവന്ന പ്രതീകാത്മക പൂക്കള്‍ ഉണ്ടായിരുന്നു. 2020-ല്‍ രാജകുടുംബത്തിലെ തങ്ങളുടെ പദവികള്‍ ഉപേക്ഷിച്ചതായി പ്രഖ്യാപിച്ച ഹാരി രാജകുമാരനും ഭാര്യ മേഗന്‍ മാര്‍ക്കിളും ഇപ്പോഴും പോപ്പി പിന്നുകള്‍ ധരിക്കുന്ന രീതി തുടര്‍ന്നു.
ഇവര്‍ മാത്രമല്ല, ചാള്‍സ് മൂന്നാമന്‍ രാജാവ്, ക്വീന്‍ കണ്‍സോര്‍ട്ട് കാമില, ആനി രാജകുമാരി എന്നിവരും നവംബര്‍ മാസങ്ങളിലെ പൊതുപരിപാടികളില്‍ ഏര്‍പ്പെടുമ്പോള്‍ പോപ്പി പിന്നുകള്‍ ധരിച്ചാണ് ഫോട്ടോയ്ക്ക് നില്‍ക്കാറ്. എല്ലാ നവംബര്‍ മാസത്തിലും, ബ്രിട്ടീഷ് രാജകുടുംബത്തിലെ അംഗങ്ങള്‍ ചുവന്ന പോപ്പി പിന്നുകള്‍ വസ്ത്രങ്ങളില്‍ കുത്തിവെച്ചേ ഫോട്ടോയ്ക്ക് പോസ് ചെയ്യാറുള്ള
ഇതിന് കാരണം ആ പ്രവര്‍ത്തി ബ്രിട്ടനിലെ അനുസ്മരണ പാരമ്പര്യങ്ങളില്‍ ആഴത്തില്‍ വേരൂന്നിയ ഒന്നായതിനാലാണ്. സൈനിക പാരമ്പര്യങ്ങളോടുള്ള അവരുടെ ബഹുമാനത്തിന്റെ സ്ഥിരത പ്രകടമാക്കാനാണ് ഈ രീതി പിന്തുടരുന്നത്.. നവംബറിലെ രണ്ടാമത്തെ ഞായറാഴ്ച, ലണ്ടനിലെ ശവകുടീരത്തിലെ യുദ്ധസ്മാരകത്തില്‍ കുടുംബം ഒരുമിച്ച് ചേരുമ്പോള്‍ പ്രത്യേകിച്ചും ഈ പതിവ് ശ്രദ്ധേയമാണ്.
ഈ ചുവന്ന പോപ്പി പിന്നുകള്‍ ഒരു ഫാഷന്‍ പ്രസ്താവനയല്ല, സൈന്യത്തില്‍ സേവനമനുഷ്ഠിച്ചവരെ ബഹുമാനിക്കുന്നതിന്റെ സൂചനയാണ്. 1921 മുതലാണ് ചുവന്ന പോപ്പി പിന്നുകള്‍ ധരിക്കുന്ന സമ്പ്രദായം നിലവില്‍ വന്നത്. ഒന്നാം ലോകമഹായുദ്ധസമയത്ത് വീണുപോയ സൈനികരുടെ ശവക്കുഴികള്‍ക്ക് മുകളില്‍ വളരുന്ന രക്തപുഷ്പങ്ങളെക്കുറിച്ചുള്ള ജോണ്‍ മക്രേയുടെ ‘ഇന്‍ ഫ്ലാന്‍ഡേഴ്സ് ഫീല്‍ഡ്സ്’ എന്ന കവിതയില്‍ നിന്നാണ് ഈ ചിഹ്നം ഉടലെടുത്തത്. പിന്നീട് യുകെ, കോമണ്‍വെല്‍ത്ത് രാജ്യങ്ങളുമായി ബന്ധപ്പെട്ടിരിക്കുന്ന പോപ്പി പിന്‍ സ്മരണയുടെ സ്ഥായിയായ ചിഹ്നമായി മാറി.
വയലുകളില്‍ വളരുന്ന പോപ്പികളുടെ ഉജ്ജ്വലമായ ചിത്രങ്ങള്‍ യുദ്ധത്തില്‍ നഷ്ടപ്പെട്ടവരെ ഓര്‍ക്കുന്നതിനുള്ള ശക്തമായ പ്രതീകമായി മാറി. ഇപ്പോള്‍ റോയല്‍ ബ്രിട്ടീഷ് ലെജിയന്‍ ഓരോ വര്‍ഷവും ഈ പോപ്പി പിന്നുകള്‍ വില്‍ക്കുകയും അതില്‍ നിന്നും കിട്ടുന്ന വരുമാനം വെറ്ററന്‍സിനെയും അവരുടെ കുടുംബങ്ങളെയും പിന്തുണയ്ക്കാന്‍ ഉപയോഗിക്കുന്നു.
യുകെയിലും കോമണ്‍വെല്‍ത്ത് രാജ്യങ്ങളിലും ഈ ആചാരം ഏറ്റവും പ്രാധാന്യമുള്ളതാണ്. യുകെയില്‍ നിന്നും കോമണ്‍വെല്‍ത്തില്‍ നിന്നുമുള്ള സംഘട്ടനങ്ങളില്‍ മരിച്ച സായുധ സേനാംഗങ്ങളുടെ ധീരതയുടെയും ത്യാഗത്തിന്റെയും മഹത്തായ ഓര്‍മ്മപ്പെടുത്തലായി ഇത് പ്രവര്‍ത്തിക്കുന്നു. നവംബറിലെ രണ്ടാം ഞായറാഴ്ച അനുസ്മരണങ്ങള്‍ ശവകുടീരത്തിലെ സേവനത്തില്‍ രണ്ട് മിനിറ്റ് നിശബ്ദത, പോപ്പി റീത്തുകള്‍ വെയ്ക്കല്‍, ആയിരക്കണക്കിന് സൈനികര്‍ ഉള്‍പ്പെടുന്ന ഘോഷയാത്ര എന്നിവയെല്ലാം നടത്താറുണ്ട്.
