സൂപ്പര്‍താരം നയന്‍താരയ്ക്ക് ലോകമെമ്പാടുമായി നിരവധി ആരാധകരുണ്ട്. എന്നാല്‍ അവര്‍ തങ്ങളുടെ വ്യക്തി ജീവിതം വളരെ സ്വകാര്യമായാണ് സൂക്ഷിച്ചിരുന്നത്. അതുകൊണ്ട് തന്നെ നയന്‍താരയുടെ വിശേഷങ്ങള്‍ പലപ്പോഴും ആരാധകര്‍ അറിയാറില്ല. ചിലപ്പോഴൊക്കെ ഭര്‍ത്താവ് വിഘ്‌നേഷ് ശിവന്‍ നയന്‍താരയുടെയും ഇരുവരുടെയും ഇരട്ടകുട്ടികളുടെയും വിശേഷങ്ങള്‍ ഇന്‍സ്റ്റഗ്രാമില്‍ പങ്കുവയ്ക്കാറുണ്ട്.
താന്‍ സോഷില്‍ മീഡിയ ഉപയോഗിക്കാറില്ലെന്ന് ഒരു ടിവി ഷോയില്‍ വ്യക്തമാക്കിയിരുന്നു. എന്നാല്‍ ഇപ്പോള്‍ അവര്‍ പുതിയ ഇന്‍സ്റ്റഗ്രാം അക്കൗണ്ട് തുറന്നിരിക്കുകയാണ്. അക്കൗണ്ട് തുടങ്ങി 24 മണിക്കൂറിനുള്ളില്‍ 1.5 മില്യണ്‍ ഫോളോവേഴ്‌സാണ് അവരുടെ അക്കൗണ്ടിന് ലഭിച്ചിരിക്കുന്നത്. വിഘ്‌നേഷ് ശിവന്റെയും നയന്‍താരയുടെയും ഇരട്ടക്കുട്ടികളായ ഉയിരിനേയും ഉലകത്തിനേയും എടുത്തു കൊണ്ട് ‘ഞാന്‍ വന്നു എന്ന് പറയു’ എന്ന് അടിക്കുറിപ്പ് നല്‍കി നയന്‍താര പോസ്റ്റ് ചെയ്ത റീലിന് 91 ലക്ഷം കാഴ്ചക്കാരെയാണ് ഒറ്റദിവസം കൊണ്ട് ലഭിച്ചിരിക്കുന്നത്. 12 ലക്ഷം ലൈയ്ക്കാണ് ഈ വീഡിയോയ്ക്ക് ലഭിച്ചിരിക്കുന്നത്.
നയന്‍താര തന്റെ അക്കൗണ്ടില്‍ നിന്ന് പത്തു പേരെയാണ് ഫോളോ ചെയ്യുന്നത്. അതില്‍ ആദ്യത്തെയാള്‍ വിഘ്‌നേഷ് ശിവനാണ്. കൂടാതെ സമാന്ത രൂത്ത് പ്രഭൂവിനേയും പ്രിയങ്ക ചോപ്രയേയും നയന്‍താര ഫോളോ ചെയ്യുന്നുണ്ട്. ലോലാവി സ്ഥാപക ജെന്നിഫര്‍ ആന്‍സ്റ്റണ്‍, ജെന്നിഫര്‍ േലാപ്പസ്, ബിയോണ്‍സ്, റൗഡി പിക്‌ചേഴ്‌സ്, മിഷേല്‍ ഒബാമ, അനിരുദ്ധ്, ഷാരുഖ് ഖാന്‍ എന്നിവരെയും നയന്‍താര ഇന്‍സ്റ്റഗ്രാമില്‍ ഫോളോ ചെയ്യുന്നു.
