പ്രമുഖ റിയാലിറ്റി ഷോയായ ബിഗ് ബോസിലൂടെ പ്രേക്ഷകരെ സാക്ഷിയാക്കി പ്രണയിച്ച് വിവാഹിതരായവരാണ് നടിയും അവതാരകയായ പേളി മാണിയും സീരിയല്‍ നടന്‍ ശ്രീനിഷ് അരവിന്ദും. ഇരുവരുടെയും വിവാഹശേഷമുള്ള വിശേഷങ്ങളും യാത്രകളും മകള്‍ നിലയുടെ വിശേഷങ്ങളുമൊക്കെ പേളി തന്റെ യൂട്യൂബ് ചാനലിലൂടെ ആരാധകര്‍ക്കായി പങ്കിടാറുണ്ട്.
നില ബേബിക്ക് കൂട്ടായി ഒരാള്‍ കൂടി എത്താന്‍ പോവുകയാണെന്നുള്ള വിശേഷവും പേളി ആരാധകരുമായി പങ്കുവെച്ചിരുന്നു. യാത്രകളും ഫുഡ് ക്രേവിംഗ്‌സുമൊക്കെയായി പിന്നീട് പേളി സജീവമാവുകയായിരുന്നു. നിലു ബേബിക്കൊപ്പം വിദേശത്തേക്കും ഇവര്‍ പോയിരുന്നു. പേളിയും ശ്രീനിഷും ചേര്‍ന്നുള്ള ഒരു ഇന്‍സ്റ്റാഗ്രാം റീലാണ് വൈറലാകുന്നത്.
” നിങ്ങളുടെ ഗര്‍ഭിണിയായ ഭാര്യ പുലര്‍ച്ചെ 3 മണിക്ക് നിങ്ങളെ ഉണര്‍ത്തുമ്പോള്‍” -എന്നാണ് വീഡിയോയില്‍ പറയുന്നത്. നടി ലെനയുടെ വൈറലായ ഇന്റര്‍വ്യൂവിലെ ഡയലോഗാണ് പേളി അനുകരിയ്ക്കുന്നത്. ”ഇന്ന് രാത്രി നടന്ന യഥാര്‍ത്ഥ സംഭവങ്ങളെ അടിസ്ഥാനമാക്കി” -എന്നാണ് വീഡിയോ പോസ്റ്റ് ചെയ്തു കൊണ്ട് ഇരുവരും കുറിയ്ക്കുന്നത്. ഗര്‍ഭിണിയായ ഭാര്യയുടെ കൂടെ ചിലവിടുന്ന ഭര്‍ത്താവിന്റെ അവസ്ഥയാണ് ശ്രീനിഷിന് ഈ വീഡിയോയിലൂടെ പറയാനുള്ളത്. എല്ലാവരും കിടന്നുറങ്ങുന്ന നേരത്ത് എന്ത് പറയണമെന്ന് അറിയാതെ പേളി പറയുന്നത് മുഴുവന്‍ കേട്ടിരിക്കേണ്ട അവസ്ഥയിലാണ് ശ്രീനിഷ്.
