ഞായറാഴ്ച, വിരാട് കോഹ്ലി നെറ്റ് പ്രാക്ടീസിന്ത് എത്തിയത് വലിയ ആത്മവിശ്വാസത്തോടെയാണ്. ഒരു മണിക്കൂറോളം ബാറ്റ് ചെയ്ത കോഹ്ലി മികച്ച ഫോമില്‍ കാണപ്പെട്ടു. ബോര്‍ഡര്‍- ഗാവസ്കര്‍ ട്രോഫിക്ക് പെര്‍ത്തിലെ ഒപ്റ്റസ് സ്റ്റേഡിയത്തില്‍ കിക്ക് ഓഫ് ചെയ്യുമ്പോള്‍ 12 വര്‍ഷം മുമ്പ് അഡ്ലെയ്ഡ് ഓവലില്‍ കോഹ്ലിയുടെ 116 റണ്‍സ് ഓര്‍മ്മയിലേക്ക് ഓടിയെത്തും.
എല്ലാം ആരംഭിച്ച ഒരു നഗരത്തിലേക്ക് അദ്ദേഹം മടങ്ങിയെത്തിയിരിക്കുകയാണ്. 2011/12 ലെ ഇന്ത്യയുടെ പര്യടനത്തിനിടെ അഡ്ലെയ്ഡില്‍ കോഹ്ലി നേടിയ സെഞ്ച്വറി അദ്ദേഹത്തിന്റെ ടെസ്റ്റ് ക്രിക്കറ്റിലേക്കുള്ള രാജകീയമായ വരവ് അടയാളപ്പെടുത്തുന്നതായിരുന്നു. അതിന് തൊട്ടുമുമ്പ് ആദ്യ കളിയില്‍ കോഹ്ലി നേടിയ 44 ഉം 75 ഉം സ്‌കോറുകള്‍ അദ്ദേഹത്തിന്റെ കന്നി സെഞ്ച്വറി പോലെ തന്നെ ആധികാരികമായിരുന്നു.
ഇന്ത്യയുടെ വെറ്ററന്‍സ് സൂപ്പര്‍ താരങ്ങളായ രാഹുല്‍ ദ്രാവിഡ്, സച്ചിന് ടെണ്ടുല്‍ക്കര്‍, വീരേന്ദര്‍ സെവാഗ്, വിവിഎസ് ലക്ഷ്മണ്‍ എന്നിവരുടെ പോരാട്ടം കണ്ട വെല്ലുവിളി നിറഞ്ഞ ഗ്രൗണ്ടില്‍, ഇന്ത്യ 161 നും 171 നും പുറത്തായിട്ടും രണ്ട് ഇന്നിംഗ്സുകളിലും ധൈര്യത്തോടെ കോഹ്ലിയുടെ പോരാട്ടം വേറിട്ടു നിന്നു. കോഹ്ലിയുടെ ഈ തുടക്കം 20 വര്‍ഷം മുമ്പ് സച്ചിന് തെന്‍ഡുല്‍ക്കര്‍ എന്ന ഇതിഹാസത്തിന്റെ തുടക്കത്തിന് സമാനമായിരുന്നു. 1992 മുതല്‍ മാസ്റ്റര്‍ ബ്ലാസ്റ്റേഴ്സിന്റെ ഐതിഹാസികമായ ഒറ്റയാള്‍ പോരാട്ടമാണ് ഈ 23-കാരന്‍ ഓര്‍മ്മിപ്പിച്ചത്.
ഇന്ന്, 13 വര്‍ഷങ്ങള്‍ക്ക് ശേഷം, തന്റെ കരിയറിന്റെ അവസാന പാദത്തില്‍, സച്ചിന് സമാനമായ സ്ഥാനത്ത് കോഹ്ലി എത്തി. 1998-ല്‍ 15 ടെസ്റ്റുകളിലും രണ്ട് ഏകദിനങ്ങളിലുമായി 1700-ലധികം റണ്‍സ് അടിച്ചുകൂട്ടി സച്ചിന്. അതേസമയം, 400-ലധികം റണ്‍സ് മാത്രം നേടിയ 2024 കോഹ്ലിക്ക് ഏറ്റവും മികച്ച വര്‍ഷമാകാന്‍ സാദ്ധ്യത കുറവാണ്. പെര്‍ത്തിലും അഡ്ലെയ്ഡിലും മെല്‍ബണിലും അദ്ദേഹം മികച്ച പ്രകടനം നടത്താതിരുന്നാല്‍ ഇത് അദ്ദേഹത്തിന്റെ ഏറ്റവും മോശം വര്‍ഷമായി മാറിയേക്കാം.
കരിയര്‍ പുനരുജ്ജീവനത്തിന് പെര്‍ത്തിനെക്കാള്‍ മികച്ച സ്ഥലമില്ല, പേസ്, ബൗണ്‍സ്, ക്യാരി എന്നിവയ്ക്ക് പേരുകേട്ട വേദി. ഈ വര്‍ഷം കോഹ്ലി കളിച്ച എല്ലാ ഇന്നിംഗ്സുകളിലും വേറിട്ടുനില്‍ക്കുന്നത് ദക്ഷിണാഫ്രിക്കയ്ക്കെതിരായ അദ്ദേഹത്തിന്റെ 76 റണ്‍സാണ് – ലോകകപ്പ് ഫൈനലിലല്ല, സെഞ്ചൂറിയന്‍ ടെസ്റ്റിനിടെ ഇന്ത്യ ഇന്നിംഗ്സിനും 32 റണ്‍സിനും തോറ്റ കളിയില്‍ കാഴ്ചവെച്ച പ്രകടനം. രണ്ടാം ഇന്നിംഗ്സില്‍ ഇന്ത്യ 131 റണ്‍സിന് തകര്‍ന്നെങ്കിലും 12 ഫോറും ഒരു സിക്സും പറത്തി കോഹ്ലി മിന്നുന്ന പ്രകടനമാണ് കാഴ്ചവെച്ചത്.
ഇപ്പോള്‍ 36 കാരനായ കോഹ്ലിയ്ക്ക് ചാമ്പ്യന്‍സ് ട്രോഫിയും ലോക ടെസ്റ്റ് ചാമ്പ്യന്‍ഷിപ്പ് ഫൈനലും മുന്നിലുണ്ട്. എന്നിരുന്നാലും, പുതിയ ലോക ടെസ്റ്റ് ചാംപ്യന്‍ഷിപ്പ് ആരംഭിക്കുമ്പോള്‍, ഓസ്ട്രേലിയയിലെ ഒരു മോശം പരമ്പര അദ്ദേഹത്തിന്റെ ഭാവിയില്‍ നിഴല്‍ വീഴ്ത്തിയേക്കാം. പ്രത്യേകിച്ചും പുതിയ യുവാക്കള്‍ ഉയര്‍ന്നുവരുന്ന സമ്മര്‍ദ്ദം കൂടി കണക്കാക്കുമ്പോള്‍. 2026-ലെ ടി20 ലോകകപ്പ് സ്വന്തം മണ്ണില്‍ നടക്കാനിരിക്കെ, ഇന്ത്യ കിരീടം നിലനിര്‍ത്താന്‍ തയ്യാറെടുക്കുന്നതിനാല്‍ ശ്രദ്ധ ടി20യിലേക്ക് മാറും. കോഹ്ലിയുടെ വിടവാങ്ങല്‍ എന്നാണ് ഓസീസ് മാധ്യമങ്ങള്‍ പറയുന്നത്. അങ്ങനെയാണെങ്കില്‍ അദ്ദേഹത്തിന് അവിസ്മരണീയമായ മത്സരങ്ങളില്‍ ഒന്നായിരിക്കും ഓസ്‌ട്രേലിയയിലേത്.
