സച്ചിന് തെന്ഡുല്ക്കറോ വിരാട് കോഹ്ലിയോ ആരാണ് ഏറ്റവും മികച്ച ബാറ്റര് എന്ന രീതിയില് ഒരു ചര്ച്ചകള് ആധുനിക കാലത്ത് ഉയര്ന്നു വന്നിട്ടുണ്ട്. ക്രിക്കറ്റിന്റെ മൂന്ന് ഫോര് മാറ്റകളിലും തകര്ത്തടിക്കുന്ന കോഹ്ലി ക്രിക്കറ്റ് ഇതിഹാസം സച്ചിന് തെന്ഡുല്ക്കറിന്റെ പല റെക്കോഡുകളും ഭേദിക്കുമെന്നാണ് ക്രിക്കറ്റ് പണ്ഡിറ്റുകളുടെ വിലയിരുത്തല്. അന്താരാഷ്ട്ര ക്രിക്കറ്റില് മറ്റൊരു നാഴികക്കല്ല് കൂടി കോഹ്ലി പിന്നിട്ടു.
അന്താരാഷ്ട്ര ക്രിക്കറ്റില് ഏറ്റവും വേഗത്തില് 27000 റണ്സ് തികയ്ക്കുന്ന താരമായി വിരാട് കോഹ്ലി സച്ചിന്റെ റെക്കോര്ഡ് തകര്ത്തു. കാണ്പൂരില് ബംഗ്ലാദേശിനെതിരായ രണ്ടാം ടെസ്റ്റില് ഏറ്റവും വേഗത്തില് 27,000 അന്താരാഷ്ട്ര റണ്സ് തികയ്ക്കുന്ന നാലാമത്തെ ബാറ്റിംഗ് താരമായി ഇന്ത്യന് ബാറ്റിംഗ് മാസ്റ്റര് മാറി. സച്ചിന്, പോണ്ടിംഗ്, സംഗക്കാര എന്നിവരാണ് 27000 റണ്സ് പിന്നിട്ട മറ്റ് ബാറ്റര്മാര്.
2007ല് 623 ഇന്നിംഗ്സുകളില് ഇതേ നാഴികക്കല്ലിലെത്തിയ സച്ചിനെ പിന്തള്ളിയാണ് 35-കാരനായ ബാറ്റിംഗ് മാസ്റ്റര് തന്റെ 594-ാം ഇന്നിംഗ്സില് ഈ നേട്ടം കൈവരിച്ചത്.
സച്ചിന്, റിക്കി പോണ്ടിംഗ്, കുമാര് സംഗക്കാര ഉള്പ്പെടെ 27,000 റണ്സ് പിന്നിട്ട ക്രിക്കറ്റ് താരങ്ങളുടെ കൂട്ടത്തില് കോലി ഇപ്പോള് ചേര്ന്നു. കളിയുടെ എല്ലാ ഫോര്മാറ്റുകളിലുമുള്ള അദ്ദേഹത്തിന്റെ സ്ഥിരത കണക്കിലെടുക്കുമ്പോള്, കോഹ്ലിയുടെ റെക്കോര്ഡ് ഭേദിക്കുന്ന റണ് അദ്ദേഹത്തിന്റെ ആരാധകരെ അത്ഭുതപ്പെടുത്തുന്നില്ല.
2023 ഫെബ്രുവരിയില് ഏറ്റവും വേഗത്തില് 25,000 അന്താരാഷ്ട്ര റണ്സും 2023 ഒക്ടോബറില് ഏറ്റവും വേഗത്തില് 26,000 റണ്സും തികച്ച ശേഷം, ക്രിക്കറ്റ് ചരിത്രത്തിലെ ഏറ്റവും മികച്ച കളിക്കാരില് ഒരാളായി കോഹ്ലി സ്വയം സ്ഥാപിച്ചു.
എക്കാലത്തെയും മികച്ച ക്രിക്കറ്റര് എന്ന് പലരും കരുതുന്ന മുന് ഇന്ത്യന് ക്യാപ്റ്റന് സച്ചിന് ടെണ്ടുല്ക്കര് 623 ഇന്നിംഗ്സുകളില് നിന്നാണ് ഈ നാഴികക്കല്ല് എത്തുന്നത്, ശ്രീലങ്കന് ഇതിഹാസം കുമാര് സംഗക്കാര 648 ഇന്നിംഗ്സുകളില് നിന്നും ഓസ്ട്രേലിയന് ഇതിഹാസം റിക്കി പോണ്ടിംഗ് 650 ഇന്നിംഗ്സുകളില് നേട്ടം കൈവരിച്ചു.