സോഷ്യൽ മീഡിയ പ്ലാറ്റ്ഫോമായ എക്സിൽ പ്രചരിക്കുന്ന ഒരു വൈറൽ വീഡിയോ ഇന്ത്യൻ തെരുവ് ഭക്ഷണത്തിന്റെ വൃത്തിയില്ലായ്മയെക്കുറിച്ച് ആളുകളിൽ ആശങ്കയും ഞെട്ടലുമുണ്ടാക്കി. വീഡിയോയിൽ, ഒരു തെരുവ് ഭക്ഷണക്കടക്കാരൻ വലിയൊരു പൊറോട്ട ഉണ്ടാക്കുന്നതാണ് കാണുന്നത്.
സാധാരണ വലുപ്പത്തിലുള്ള പൊറോട്ട കൈകാര്യം ചെയ്യാൻ കൈകൾ മതിയാകുമെങ്കിലും, ഈ വലിയ മാവ് കടക്കാരൻ കൈകളാൽ താങ്ങിപ്പിടിച്ചിരിക്കുന്നു, അത് അയാളുടെ കൈകളിലും ഷർട്ടിന്റെ കൈകളിലും, കക്ഷത്തിലും മുട്ടുന്നുണ്ട്. ഈ വീഡിയോ കണ്ട ആളുകൾക്ക് ഇന്ത്യൻ തെരുവ് ഭക്ഷണത്തിന്റെ വൃത്തിയില്ലായ്മയെക്കുറിച്ച് അറപ്പും നിരാശയുമാണ് തോന്നിയത്.
‘‘നിങ്ങൾ വീട്ടിൽ ഭക്ഷണം കഴിക്കേണ്ടതിന്റെ ഒരു കാരണം ഇതാ” എന്ന തലക്കെട്ടോടെയാണ് വീഡിയോ പ്രചരിച്ചത്. വീഡിയോ എക്സിൽ ഇതിനോടകം 7 ലക്ഷത്തിലധികം കാഴ്ചക്കാരെ നേടി, പെട്ടെന്ന് തന്നെ ശ്രദ്ധ നേടുകയും ചെയ്തു. ചില പ്രതികരണങ്ങൾ താഴെ നൽകുന്നു:
“ശുചിത്വബോധമോ സുരക്ഷയോ ഒട്ടുമില്ല,” ഒരു എക്സ് ഉപയോക്താവ് അഭിപ്രായപ്പെട്ടു. മറ്റൊരാൾ കൂട്ടിച്ചേർത്തു, “ശുചിത്വം വഴിമാറിപ്പോയി.”
“ഞാൻ പുറത്തുനിന്നും ഭക്ഷണം കഴിക്കുന്നത് നിർത്തി,” ഒരു കാഴ്ചക്കാരൻ പറഞ്ഞു. “ഞാനിതിനെ ‘രോഗം നിറഞ്ഞ പൊറോട്ട’ എന്ന് വിളിക്കും,” മറ്റൊരാൾ എഴുതി. “നമ്മുടെ തെരുവ് ഭക്ഷണം ഏറ്റവും രുചികരമായ ഒന്നാണ്, പക്ഷേ അതിന്റെ നിർമ്മാണം കണ്ടാൽ പിന്നെ കഴിക്കാൻ കഴിയില്ല,” ഒരു ഉപയോക്താവ് കുറിച്ചു.
