ബാലന്‍ ഡി ഓര്‍ ഇത്തവണ കിട്ടുമെന്ന് പരക്കെ വിശ്വസിച്ചിരുന്ന റയല്‍മാഡ്രിഡ് താരം വിനീഷ്യസ് ജൂനിയറിനെ തഴഞ്ഞതിനെ തുടര്‍ന്ന് പുരസ്‌ക്കാര ചടങ്ങ് തന്നെ റയല്‍മാഡ്രിഡ് ബഹിഷ്‌ക്കരിച്ചിരുന്നു. സിറ്റിയുടെ റോഡ്രിയെ പുരസ്‌ക്കാരത്തിന് പരിഗണിച്ചതിന് പിന്നാലെ വിനീഷ്യസ് മൗനം വെടിഞ്ഞിരിക്കുകയാണ്. വംശീയതയ്ക്ക് എതിരേയുള്ള തന്റെ തുറന്ന പോരാട്ടമാണ് തന്നെ പുരസ്‌ക്കാരത്തില്‍ നിന്നും പിന്നിലാക്കുന്നതെന്ന് വിനീഷ്യസ് ജൂനിയര്‍ പറയുന്നു.
വംശീയതയ്ക്കെതിരായ തന്റെ തുറന്ന പോരാട്ടം ഫലത്തെ സ്വാധീനിച്ചിരിക്കാമെന്നും താരം സൂചിപ്പിക്കുന്നു. കഴിഞ്ഞ സീസണിലെ ചാമ്പ്യന്‍സ് ലീഗിലും ലാലിഗയിലും റയല്‍ മാഡ്രിഡിന്റെ വിജയത്തെത്തുടര്‍ന്ന് മുന്‍നിരക്കാരനായി പരക്കെ കണക്കാക്കപ്പെടുന്ന ബ്രസീലിയന്‍ വിംഗര്‍, പാരീസ് ചടങ്ങിന് തൊട്ടുപിന്നാലെ ഒരു സോഷ്യല്‍ മീഡിയ പോസ്റ്റിലൂടെ നിരാശ പ്രകടിപ്പിച്ചിരുന്നു.
അതേസമയം തന്നെ തന്റെ നിലപാട് വ്യക്തമാക്കാനും താരം മറന്നില്ല. ”അവര്‍ തയ്യാറല്ലായിരിക്കാം. പക്ഷേ എനിക്ക് ആവശ്യമെങ്കില്‍ ഞാന്‍ ഇത് 10 തവണ ചെയ്യും.” വാര്‍ത്താ ഏജന്‍സിയായ റോയിട്ടേഴ്സ് പറയുന്നതനുസരിച്ച്, ഫുട്ബോളിലെ വംശീയതയെ വെല്ലുവിളിക്കാനുള്ള അദ്ദേഹത്തിന്റെ നിരന്തരമായ ശ്രമങ്ങളുടെ ധിക്കാരപരമായ പരാമര്‍ശമായി അദ്ദേഹത്തിന്റെ മാനേജ്മെന്റ് ടീം ഈ പോസ്റ്റിനെ വ്യാഖ്യാനിച്ചു. അതായിരിക്കാം അദ്ദേഹത്തിന് അഭിമാനകരമായ അവാര്‍ഡ് നഷ്ടപ്പെടുത്തിയെന്ന് റയല്‍ വിശ്വസിക്കുന്നു.
ഇവന്റിലേക്ക് ഒരു പ്രതിനിധി സംഘത്തെ അയക്കേണ്ടതില്ലെന്ന് മാഡ്രിഡ് തീരുമാനിച്ചു, ബാലണ്‍ ഡി ഓര്‍ ഫലത്തെക്കുറിച്ച് അറിഞ്ഞപ്പോള്‍ നേരത്തേ ബുക്ക് ചെയ്തിരുന്ന സ്വകാര്യ ജെറ്റും റദ്ദാക്കി. റയല്‍ മാഡ്രിഡ് ഇപ്പോഴും ചടങ്ങില്‍ കാര്യമായ നേട്ടങ്ങള്‍ ഉണ്ടായിക്കിയിരുന്നു. ‘മെന്‍സ് ക്ലബ് ഓഫ് ദ ഇയര്‍’ കിരീടം നേടുകയും കാര്‍ലോ ആന്‍സലോട്ടിയെ ‘മികച്ച പുരുഷ പരിശീലകന്‍’ ആയി തിരഞ്ഞെടുക്കുകയും ചെയ്തു. എന്നിരുന്നാലും വിനീഷ്യസിന്റെ തോല്‍വി ക്ലബ്ബിനുള്ളില്‍ നിരാശ ഉണര്‍ത്തി.
