വിജയ് സേതുപതിയുടെ മഹാരാജ വന് ഹിറ്റായി തീയറ്ററില് തകര്ത്തോടുകയാണ്. ജൂണ് 14 ന് പുറത്തുവന്ന സിനിമ വിജയ് സേതുപതിയുടെ വിജയചരിത്രത്തില് മറ്റൊരു തിലകക്കുറിയായി മാറിയിരിക്കുകയാണ്. തമിഴിലും തെലുങ്കിലുമായി നായകനായും വില്ലനായുമെല്ലാം സിനിമാ വിജയങ്ങളുടെ ഭാഗമായി മാറുന്ന നടന് അടുത്തിടെയാണ് വില്ലന് വേഷത്തിലേക്കുള്ള തന്റെ നിലപാട് വ്യക്തമാക്കി രംഗത്ത് വന്നത്. പുഷ്പയില് അല്ലു അര്ജുന്റെ വില്ലനാകാനുളള അവസരം താരം നിഷേധിച്ചെന്ന വാര്ത്തയോടും താരം പ്രതികരിച്ചു.
ഒരു തെലുങ്ക് സിനിമയുടെ വിജയം ആഘോഷിക്കുന്ന വേളയില് നടത്തിയ വാര്ത്താസമ്മേളനത്തിലായിരുന്നു അല്ലു അര്ജുന്റെ സിനിമയായ പുഷ്പ 2 വിലെ വേഷം നിഷേധിച്ചോ എന്ന ചോദ്യം ഉയര്ന്നത്. എന്നാല് താന് വേഷം നിഷേധിച്ചില്ല എന്നായിരുന്നു വിജയ് സേതുപതിയുടെ മറുപടി. ബാക്കി പറയാന് കൂട്ടാക്കാതിരുന്ന വിജയ് സേതുപതി നിങ്ങള്ക്ക് എല്ലായ്പ്പോഴും സത്യം പറയാന് കഴിയില്ല എന്നും സത്യം എല്ലായ്പ്പോഴും എല്ലാവര്ക്കും സുഖകരമായിരിക്കില്ല എന്നും ചിലപ്പോഴൊക്കെ കള്ളമാണ് ഗുണം ചെയ്യുന്നതെന്നും പറഞ്ഞു.
‘പുഷ്പ: ദി റൈസിംഗി’ ല് വിജയ് സേതുപതിയ്ക്ക് വില്ലന് വേഷം ഓഫര് ചെയ്തിരുന്നതായും എന്നാല് താരം അതില് നിന്നും പിന്തിരിഞ്ഞെന്നുമാണ് പുറത്തുവന്ന വാര്ത്തകള്. ഇതിന് പിന്നാലെ വിജയ് സേതുപതിക്ക് വെച്ചുനീട്ടിയ വേഷം ഒന്നുകില് ഫഹദ് ഫാസിലിന് കൊടുത്തു. അല്ലെങ്കില് സുനിലിന് എന്നാണ് ആരാധകര് ഊഹിക്കുന്നത്. വിജയ് സേതുപതിയുടെ അമ്പതാം സിനിമയായിരുന്നു മഹാരാജ്. നിധിലന് സ്വാമിനാഥന് സംവിധാനം ചെയ്ത സിനിമയില് പ്രമുഖ ബോളിവുഡ് സംവിധായകന് അനുരാജ് കശ്യപ് അഭിനയിച്ചിരുന്നു. ആറുമുഖ കുമാറിന്റെ ‘ഏസ് ‘ ആണ് വിജയ് സേതുപതി അടുത്തതായി ചെയ്യാനിരിക്കുന്ന സിനിമ.