തെന്നിന്ത്യയിലെ വന്‍ താരമൂല്യമുള്ള രശ്മിക മന്ദന ബോളിവുഡില്‍ മികവ് തെളിയിക്കാനുള്ള ശ്രമത്തിലാണ്. രണ്‍ബീര്‍കപൂര്‍ നായകനായ ആനിമലിലൂടെ നടി അരങ്ങേറ്റം നടത്തുകയാണ്. അതിനിടയിലാണ് താരം തെലുങ്ക് നടന്‍ വിജയ് ദേവര്‍കൊണ്ടയുമായി ഡേറ്റിംഗിലാണെന്ന വാര്‍ത്തകളും വന്നിരിക്കുന്നത്. ഈ സാഹചര്യത്തില്‍ രശ്മിക ദീപാവലി ആഘോഷിക്കുന്നതിന്റെ സ്റ്റില്‍ പുറത്തുവന്നിട്ടുണ്ട്.
വിജയ് ദേവരകൊണ്ട പോസ്റ്റ് ചെയ്ത ചിത്രങ്ങളുമായി ഇത് പൊരുത്തപ്പെടുന്നുണ്ടെന്നാണ് നെറ്റിസണ്‍സ് പറയുന്നത്. ഇരുവരും ഒരുമിച്ച് ദീപാവലി ആഘോഷിച്ചോ എന്നാണ് ആരാധകര്‍ ചോദിക്കുന്നത്. നവംബര്‍ 12 ന്, വിജയ് ദേവരകൊണ്ട തന്റെ മാതാപിതാക്കള്‍, സഹോദരന്‍ ആനന്ദ്, അവരുടെ വളര്‍ത്തുനായ എന്നിവയ്ക്കൊപ്പം ദീപാവലി ആഘോഷിക്കുന്നതിന്റെ ചിത്രങ്ങളുടെ ഒരു പരമ്പര എക്സില്‍ പങ്കിട്ടിരുന്നു.
. ‘ഹാപ്പി ദീപാവലി മൈ ലവ്‌സ് ‘ എന്നാണ് അദ്ദേഹം ഫോട്ടോയ്ക്ക് അടിക്കുറിപ്പ് നല്‍കിയത്.ദീപാവലി 2023 ആഘോഷങ്ങളില്‍ നിന്ന് സാരി ധരിച്ച ഒരു സോളോ ഫോട്ടോ പങ്കിടാന്‍ രശ്മിക മന്ദാന തന്റെ ഇന്‍സ്റ്റാഗ്രാം പേജില്‍ എത്തി. ‘ഹാപ്പി ദീപാവലി മൈ ലവ്‌സ്’. നടി അവരുടെ പേജിലും എഴുതി. രണ്ടു ചിത്രങ്ങളിലാണ് ഇരുവരും ഒരുമിച്ച് അഭിനയിച്ചത്. ‘ഗീത ഗോവിന്ദം’, ‘ഡിയര്‍ കോമ്രേഡ്’ എന്നീ രണ്ട് ചിത്രങ്ങളില്‍ വിജയ് ദേവരകൊണ്ടയും രശ്മിക മന്ദാനയും ഒരുമിച്ച് പ്രവര്‍ത്തിച്ചു.നിലവില്‍ ഇന്ത്യന്‍ സിനിമയിലെ മുന്‍നിര നായികമാരില്‍ ഒരാളായ രശ്മികയുടെ മുഖമുള്ള ഒരു ഡീപ് ഫേക്ക് വീഡിയോ ഇന്റര്‍നെറ്റില്‍ കഴിഞ്ഞ ദിവസമാണ് വൈറലാകുകയും വിവാദം സൃഷ്ടിക്കുകയും ചെയ്തത്.
