വെട്രിമാരന്റെ വിടുതലൈ ഭാഗം 1 ഉണ്ടാക്കിയ ഹൈപ്പ് ചില്ലറയായിരുന്നില്ല. പ്രധാനമായും ഹാസ്യ വേഷങ്ങള്ക്ക് പേരുകേട്ട സൂരിയെ ക്രൈം ത്രില്ലറിന്റെ നായകനാക്കിയതും വിജയ് സേതുപതിയുടെ സാന്നിദ്ധ്യവും സിനിമയ്ക്ക് നല്കിയ ആവേശം ചെറുതായിരുന്നില്ല. എന്നാല് സിനിമ ചിത്രീകരിക്കാന് അതിജീവിക്കേണ്ടി വന്നത് കടുത്ത പരീക്ഷണങ്ങളായിരുന്നെന്ന് സംവിധായകന് വെട്രിമാരന്.
സിനിമയ്ക്ക് കൂടുതല് ദിവസം ചെലവഴിക്കേണ്ടി വന്നതും 4.5 കോടി ബജറ്റില് മുഴുവന് പദ്ധതിയും പൂര്ത്തിയാക്കാന് ആദ്യം പ്രതിജ്ഞാബദ്ധമായിരുന്നെങ്കിലും ആദ്യ ഭാഗത്തിന്റെ മാത്രം ബജറ്റ് 65 കോടിയായി ഉയര്ന്നുവെന്നും വെട്രിമാരന് കൂട്ടിച്ചേര്ത്തു. 35 ദിവസം കൊണ്ട് സിനിമ പൂര്ത്തിയാക്കാനായിരുന്നു പദ്ധതി. എന്നാല് ലൊക്കേഷന് കണ്ടപ്പോള് തന്നെ 20 ദിവസം കൊണ്ട് സിനിമയുടെ 10 ശതമാനം മാത്രമേ പൂര്ത്തിയാക്കാന് കഴിയൂ എന്ന് മനസ്സിലായി. അപ്പോഴേക്കും ബജറ്റിന്റെ 70 ശതമാനവും തീര്ന്നു.
ചിത്രീകരണത്തിനായി തിരഞ്ഞെടുത്തത് ഒരു കുന്നിന്റെ മുകളിലായിരുന്ന. ഇവിടേയ്ക്ക് വാഹനം എത്തില്ലായിരുന്നു. എല്ലാവരും ഉപകരണങ്ങള് കയ്യിലേന്തി നടന്നു കയറേണ്ടി വന്നു. കുന്നിന് മുകളില് ഞങ്ങള് 250 ആളുകള്ക്ക് കൂടാരങ്ങള് സ്ഥാപിച്ച് അവിടെയാണ് കഴിഞ്ഞത്. ഗ്രാമീണര്ക്കായി നിര്മ്മിച്ച 10-12 ടോയ്ലറ്റുകള് ഉണ്ടായിരുന്നു. അതായിരുന്നു യൂണിറ്റിലുള്ളവരു ഉപയോഗിച്ചത്. ഒരു ദിവസം, ശക്തമായ കൊടുങ്കാറ്റ് വന്ന് ഞങ്ങളുടെ എല്ലാ കൂടാരങ്ങളും തകര്ത്തു. ഗ്രൗണ്ടില് തിരിച്ചെത്തിയപ്പോള്, എനിക്ക് ഈ പദ്ധതി പൂര്ത്തിയാക്കാന് കഴിയില്ലെന്ന് തനിക്ക് മനസ്സിലായി.
ഇതോടെ നിര്മ്മാതാവിനെ വീണ്ടും വിളിച്ച് മറ്റൊരു പ്രൊജക്ടിനെക്കുറിച്ച് ആലോചിക്കണോ എന്ന് ചോദിച്ചു. എന്നാല് ഇതിനകം തന്നെ ബജറ്റിന്റെ ഒരു പ്രധാന ഭാഗം ചെലവഴിച്ചിട്ടുണ്ടെന്നും അത് തുടരുക തന്നെ വേണമെന്നും അദ്ദേഹം പറഞ്ഞു. പിന്നീട് ലൊക്കേഷന് മാറ്റി സിനിമയുടെ ഭൂരിഭാഗം ഭാഗങ്ങളും 10 ദിവസത്തിനുള്ളില് പൂര്ത്തിയാക്കാന് കഴിയുമെന്ന് ഞാന് വിഭാവനം ചെയ്തു. എന്നിരുന്നാലും, പുതിയ ലൊക്കേഷനില് 40 ദിവസം ചിത്രീകരിച്ചിട്ടും, ഞാന് ഞാന് ആദ്യം പ്രതീക്ഷിച്ചത് 10 ദിവസത്തിനുള്ളില് പൂര്ത്തിയാക്കാന് കഴിഞ്ഞില്ല. അപ്പോഴേക്കും ബജറ്റ് പ്രാഥമിക എസ്റ്റിമേറ്റില് നിന്ന് മൂന്നിരട്ടിയായി.
എന്നാല് വിജയ് സേതുപതി വന്നതിന് ശേഷം താന് കൂടുതല് എഴുതാന് തുടങ്ങി. 120 ദിവസത്തെ ചിത്രീകരണത്തിന് ശേഷം ഞാന് എന്റെ നിര്മ്മാതാവിനെ സമീപിച്ചു. സിനിമയെ രണ്ട് ഭാഗങ്ങളായി വിഭജിച്ചു. 40 മുതല് 50 ദിവസം വരെ കൂടി വേണ്ടിവന്നിട്ടും ഷൂട്ടിംഗ് തുടരാന് അദ്ദേഹം പ്രോത്സാഹിപ്പിച്ചു. പിന്നീടാണ് രണ്ട് ഭാഗങ്ങളുള്ള സിനിമയാക്കി മാറ്റാന് തീരുമാനിച്ചത്.
വിടുതലൈ ഭാഗം 1 ലെ 10 മിനിറ്റ് സിംഗിള്-ഷോട്ട് ഓപ്പണിംഗ് സീക്വന്സ് പ്ലാനില് ഇല്ലായിരുന്നു. എന്നിരുന്നാലും, ബജറ്റ് വര്ദ്ധിച്ചപ്പോള്, നിര്മ്മാതാവ് വിളിച്ച് അതും ചെയ്യാന് പറഞ്ഞു. യഥാര്ത്ഥ ട്രെയിന് കമ്പാര്ട്ടുമെന്റുകളുടെ ഭാരം താങ്ങാന് എഞ്ചിനീയര്മാരുമായി ചേര്ന്ന് എന്റെ കലാസംവിധായകന് ആ പാലം നിര്മ്മിച്ചു. നിര്മ്മാണത്തിന് മൂന്ന് മാസമെടുത്തു. സ്വതന്ത്ര സംവിധായകരായി മാറിയ തന്റെ മുന്കാല അസിസ്റ്റന്റുമാരുടെ സഹായം ഞാന് തേടി. 40-45 അസിസ്റ്റന്റ് ഡയറക്ടര്മാരുണ്ടായിരുന്നു. 13 ദിവസം ഞങ്ങള് റിഹേഴ്സല് ചെയ്തു. ഇതിനിടയില് ടീമിന് ഒരു അപകടത്തില് ദാരുണമായി ജീവന് നഷ്ടപ്പെട്ടതിനാല് ഷൂട്ടിംഗ് താല്ക്കാലികമായി നിര്ത്തിവച്ചു.
