കണ്ണുനീർ വെറും ചെറിയ വെള്ളത്തുള്ളികൾ മാത്രമാണോ? നൂറ്റാണ്ടുകളായി ആളുകൾ കണ്ണീരിനെക്കുറിച്ച് പറയുന്നു. ചില കണ്ണുനീർ വ്യാജം ആണെന്ന് കാണിക്കാൻ ആളുകൾ “മുതലക്കണ്ണീർ” പോലുള്ള പദപ്രയോഗങ്ങളും ഉപയോഗിക്കുന്നുണ്ട്. എന്നാൽ കണ്ണുനീർ എല്ലായ്പ്പോഴും സങ്കടത്തെ പ്രതിനിധാനം ചെയ്യുന്നതല്ല. കണ്ണുനീരിന് വികാരങ്ങൾ പ്രകടിപ്പിക്കാനും കഥകൾ പറയാനും മാത്രമല്ല, അത്ഭുതകരമായ ആരോഗ്യ പ്രത്യാഘാതങ്ങൾ പോലും ഉണ്ടാക്കാനും കഴിയും. ഇതാ ലോകത്തിലെ ഏറ്റവും വിലയേറിയ കണ്ണുനീരിനെക്കുറിച്ച് അറിയുക.
പാമ്പിന്റെ വിഷത്തിനെതിരേ ഒട്ടകക്കണ്ണീര്?
രാജസ്ഥാനിലെ വരണ്ട മരുഭൂമിയിൽ, ഒട്ടകങ്ങൾ “മരുഭൂമിയുടെ കപ്പൽ” എന്നറിയപ്പെടുന്നു. കാരണം അവ കർഷകരെ ദുർഘടമായ പ്രദേശങ്ങളിലൂടെ ദീർഘദൂര യാത്രയ്ക്ക് സഹായിക്കുന്നു. ഇപ്പോൾ, ഈ അത്ഭുതകരമായ മൃഗങ്ങൾ അതിലും അത്ഭുതകരമായ ഒരു കാര്യം വെളിപ്പെടുത്തുന്നു. ബിക്കാനീറിലെ നാഷണൽ റിസർച്ച് സെന്റർ ഓൺ കാമൽ (NRCC) ലെ ശാസ്ത്രജ്ഞർ, ഒട്ടകത്തിന്റെ കണ്ണീരിൽ നിന്നും അതിന്റെ രോഗപ്രതിരോധ സംവിധാനത്തിൽ നിന്നും ലഭിക്കുന്ന ആന്റിബോഡികൾ പാമ്പിന്റെ വിഷത്തെ ചെറുക്കാൻ ഉപയോഗിക്കാമെന്ന് കണ്ടെത്തി. പാമ്പുകടിയേറ്റവർക്ക് മെച്ചപ്പെട്ട ചികിത്സ നൽകുന്നതിനും ഒട്ടകങ്ങളെ വളർത്തുന്ന കർഷകർക്ക് മെച്ചപ്പെട്ട ജീവിത നിലവാരം നൽകുന്നതിനും ഇത് ഒരു ആവേശകരമായ കണ്ടെത്തലാണ്.
മണികൺട്രോളിന്റെ റിപ്പോർട്ട് അനുസരിച്ച്, എൻആർസിസിയിലെ ഗവേഷകർ ഒട്ടകങ്ങൾക്ക് (കാമെലസ് ഡ്രോമെഡാരിയസ്) വളരെ വിഷമുള്ള പാമ്പായ സോ-സ്കെയിൽഡ് വൈപ്പറിൽ (ആഫ്രിക്ക , മിഡിൽ ഈസ്റ്റ് , ഇന്ത്യ , ശ്രീലങ്ക , പാകിസ്ഥാൻ എന്നിവിടങ്ങളിലെ വരണ്ട പ്രദേശങ്ങളിൽ കാണപ്പെടുന്നഒരു അണലിവര്ഗം. ലോകത്തിൽ ഏറ്റവും കൂടുതൽ പാമ്പുകടിയേറ്റ കേസുകൾക്കും മരണങ്ങൾക്കും കാരണമായ ഇനങ്ങളാണ് സോ-സ്കെയിൽഡ് വൈപ്പറുകള് ) നിന്നുള്ള വിഷം ഉപയോഗിച്ച് പ്രതിരോധ കുത്തിവയ്പ്പ് നടത്തി.
ഒട്ടകങ്ങളുടെ രക്തത്തിലെ സെറം, കണ്ണുനീർ എന്നിവയിൽ നിന്നുള്ള ആന്റിബോഡികൾ വിഷത്തിന്റെ ഫലങ്ങളെ ഫലപ്രദമായി നിർവീര്യമാക്കുന്നുവെന്ന് അവരുടെ കണ്ടെത്തി. ഏറ്റവും പ്രധാനമായി, രക്തസ്രാവം, കോഗുലോപ്പതി എന്നിവയുമായി ബന്ധപ്പെട്ട വിഷത്തിന്റെ ഫലങ്ങൾ വളരെയധികം കുറഞ്ഞു. ഒട്ടകത്തെ നിന്നുള്ള ആന്റിബോഡികൾക്കും അലർജി പ്രശ്നങ്ങൾ കുറവായിരുന്നു. കൂടാതെ കുതിര ഇമ്യൂണോഗ്ലോബുലിൻ (IgG) ഉപയോഗിച്ച് നിർമ്മിച്ച പരമ്പരാഗത ആന്റിവെനങ്ങളിൽ നിന്ന് ഉരുത്തിരിഞ്ഞതിനേക്കാൾ ഫലങ്ങൾ കൂടുതൽ ശക്തമായിരുന്നു. കാരണം അവ ഉൽപാദനം ചെലവേറിയതും ശേഖരണം സങ്കീർണ്ണവുമാണ്.
ഇന്ത്യ ഗുരുതരമായ ഒരു പാമ്പുകടി പ്രതിസന്ധി നേരിടുകയാണ്. പ്രതിവർഷം ഏകദേശം 58,000 മരണങ്ങളും 140,000 വൈകല്യമുള്ള ആളുകളും – പാമ്പുകടി മൂലം ഉണ്ടാകുന്നു. NRCC യുടെ ഒട്ടകത്തിൽ നിന്ന് ഉരുത്തിരിഞ്ഞ ആന്റിബോഡികൾ കുറഞ്ഞ ചെലവിൽ, സുരക്ഷിതമായി, ഉൽപ്പാദിപ്പിക്കാൻ എളുപ്പമുള്ള ചികിത്സകളിലേക്ക് നയിച്ചേക്കാം. പാമ്പുകടിയേറ്റാല് സമയബന്ധിതമായ വൈദ്യസഹായം ലഭിക്കുന്നത് കൂടുതൽ ബുദ്ധിമുട്ടുള്ളതുമായ ഗ്രാമപ്രദേശങ്ങളിലെ രോഗികൾക്ക് ഇത് വളരെ നല്ലതാണ്.
ബിക്കാനീർ, ജയ്സാൽമീർ, ജോധ്പൂർ തുടങ്ങിയ പ്രദേശങ്ങളിലെ ഒട്ടക വളർത്തൽ ഗ്രൂപ്പുകള്കള്ക്ക് സാമ്പത്തികനേട്ടവും ഇതുമൂലം ഉണ്ടാകും. പ്രാദേശിക കർഷകരില്നിന്ന് ഒട്ടകങ്ങളുടെ കണ്ണുനീരും രക്തസാമ്പിളുകളും വേഗത്തിലും സുരക്ഷിതമായും ശേഖരിക്കുന്നതിന് അനുവദിക്കണമെന്ന് NRCC അധികാരികളോട് ആവശ്യപ്പെട്ടിട്ടുണ്ട്. പകരമായി, കർഷകർക്ക് പ്രതിഫലം നൽകും.
റിപ്പോർട്ട് അനുസരിച്ച്, സെറം ഇൻസ്റ്റിറ്റ്യൂട്ട് ഓഫ് ഇന്ത്യ പോലുള്ള ഫാർമസ്യൂട്ടിക്കൽ കമ്പനികളും മറ്റ് സ്വകാര്യ മരുന്ന് കമ്പനികളും ഒട്ടകത്തിൽ നിന്ന് ഉരുത്തിരിഞ്ഞ ആന്റിബോഡികളുമായി ബന്ധപ്പെട്ട് ബിസിനസ് മോഡലുകൾ നിർമ്മിക്കുന്നുണ്ട്, കർഷകർക്ക് ഓരോ മാസവും ഒരു ഒട്ടകത്തിന് 5,000 മുതൽ 10,000 രൂപ വരെ അധിക വരുമാനം പണമായി നൽകാൻ കഴിയുമെന്ന് കണക്കാക്കുന്നു.
