ഒരു വിമാനയാത്ര നടത്താന്‍ ആഗ്രഹിക്കാത്തവരുണ്ടോ? ലോകത്തിലെ ഏറ്റവും കുഞ്ഞന്‍ വിമാനയാത്രയെക്കുറിച്ച് കേട്ടിട്ടുണ്ടോ ? മണിക്കൂറുകള്‍ നീണ്ടുനില്‍ക്കുന്നതാണ് വിമാനയാത്രയെന്ന തോന്നലപ്പാടെ ഇല്ലാതാക്കികൊണ്ട് ഒരു കുഞ്ഞന്‍ സ്‌കോട്ടിഷ് വിമാനം. ഈ വിമാനത്തിലെ യാത്ര പരമാവധി ഒന്നര മിനിറ്റിനുള്ളില്‍ അവസാനിക്കും.
ലോഗാന്‍എയറിന്റെ കീഴില്‍ ഓര്‍കിന് ദ്വീപസമീഹത്തിലെ വെസ്ട്രെന്റ് പാപ്പ വെസ്ട്രേ ദ്വീപുകളെ ബന്ധിപ്പിക്കുന്ന വിമാന സര്‍വീസാണിത്. ഈ വിമാനം 1.7 മൈല്‍ കടലിനു മുകളിലൂടെയാണ് പറക്കുന്നത്. സ്‌കോട്ട്ലന്‍ഡിന്റെ തലസ്ഥാനമായ എഡിന്‍ബര്‍ഗിലെ എയര്‍പ്പോര്‍ട്ടിന്റെ റണ്‍വേ ദൂരത്തിന്റെ അത്രയും മാത്രമാണ് ഈ ദൂരം. യാത്ര തീരാനെടുക്കുന്ന സമയമാകട്ടെ 1.14 മിനിറ്റാണ്.
കാലാവസ്ഥാ അനുകൂലമാണെങ്കില്‍ വെറും 47 സെക്കന്റ് കൊണ്ട് യാത്ര അവസാനിക്കും. 10 പാസഞ്ചര്‍ സീറ്റുകളുള്ള ബ്രിട്ടണ്‍ -നോര്‍മന്‍ ബിഎന്‍2 ബി ഐലന്‍ഡര്‍ എയര്‍ക്രാഫ്റ്റാണ് ഇത്. പൈലറ്റ് ചെയ്യുന്നതൊക്കെ മുന്നിലിരിക്കുന്ന യാത്രക്കാര്‍ക്ക് കാണാന്‍ സാധിക്കും. വിമാനത്തില്‍ ഭക്ഷണമടക്കം സൗകര്യങ്ങളും നല്‍കുന്നുണ്ട്. ഫ്‌ലൈറ്റ് അറ്റന്റന്റുമാരുമുണ്ട്. എന്നാല്‍ ഇവര്‍ക്ക് സ്വയം പരിചയപ്പെടുത്താനുള്ള സമയം പോലുമുണ്ടാകില്ല എന്നതും വാസ്തവം.
ഈ പ്രദേശം ഒരു വിനോദ സഞ്ചാരകേന്ദ്രമാണ്. പാപ്പ വെസ്ട്രെയില്‍ ആകെ 70 ഓളം ആളുകളാണ് താമസിക്കുന്നത് . ഈ വിമാനസര്‍വീസ് മാത്രമാണ് ഇവര്‍ക്ക് പുറംലോകവുമായി ബന്ധുണ്ടാകാനുള്ള ഏക മാര്‍ഗം. ഇവിടെ ഉള്ളവര്‍ പ്രധാനമായും വിദ്യാഭ്യാസ ആവശ്യങ്ങള്‍ക്കായിയാണ് ഇത് പ്രയോജനപ്പെടുത്തുന്നത്.
