ഏതൊരു സ്ത്രീകളും പുരുഷന്മാരില് പെട്ടെന്ന് കാണുന്ന ചില കാര്യങ്ങള്‍ ഉണ്ട്. സ്ത്രീകളുടെ മനസില്‍ മതിപ്പ് ഉണ്ടാക്കുന്ന കാര്യങ്ങള്‍ ആയിരിയ്ക്കാം ഇവ. ഒരു പുരുഷനില്‍ പെണ്‍കുട്ടികള്‍ എപ്പോഴും ശ്രദ്ധിക്കുന്ന ചില കാര്യങ്ങള്‍ ഉണ്ട്. അവയെ കുറിച്ച് അറിഞ്ഞിരുന്നാല്‍ ഇഷ്ടപ്പെട്ട പെണ്‍കുട്ടിയ്ക്ക് നിങ്ങളില്‍ മതിപ്പ് ഉണ്ടാക്കാന്‍ വേണ്ട കാര്യങ്ങള്‍ ഇതിലൂടെ മനസിലാക്കാം….
* ശാരീരിക ക്ഷമത – നിങ്ങളുടെ ശാരീരിക ക്ഷമതയാണ് പെണ്‍ കുട്ടികള്‍ ശ്രദ്ധിക്കുന്ന ഒരു ഘടകം. ആരോഗ്യകരമായ ശരീര ഭാരം നിലനിര്‍ത്താന്‍ എപ്പോഴും ശ്രദ്ധിക്കണം. ഇതിന് പുറമെ വ്യായാമം ശീലമാക്കുന്നത് മൊത്തം ആരോഗ്യത്തിന് നല്ലതാണ്. ശാരീരിക ക്ഷമതയോടെയും ആരോഗ്യത്തോടെയും ഇരിക്കുന്നതിന് പതിവായി വ്യായാമം ചെയ്യണം. ഇത് പെണ്‍കുട്ടികളുടെ മതിപ്പ് നേടിയെടുക്കാന്‍ സഹായിക്കും.
* തലമുടിയും താടിയും – സ്ത്രീകള്‍ പുരുഷന്മാരില് കൂടുതലായും ശ്രദ്ധിക്കുന്ന രണ്ട് കാര്യങ്ങളാണ് ഇത്. നിങ്ങള്‍ക്ക് താടി ഉണ്ടെങ്കില്‍ അത് പരമാവധി ഭംഗിയായി നിലനിര്‍ത്താനുള്ള വഴികള്‍ നോക്കുക. അതുപോലെ മുടിയുടെ സ്റ്റൈലിലും ശ്രദ്ധ നല്‍കണം. നിങ്ങള്‍ക്ക് നീണ്ട മുടിയാണ് ഉള്ളതെങ്കില്‍ വൃത്തിയായി സൂക്ഷിക്കുക. മുടി ചീകാനും മറക്കരുത്.
* ഭാഷ – നിങ്ങളുടെ രൂപവും വസ്ത്ര ധാരണവും മാത്രമല്ല നിങ്ങളുടെ ഭാഷയും മറ്റുള്ളവരില്‍ ഒരു പിരിധി വരെ സ്വാധീനം ചെലുത്തും. നിങ്ങളുടെ സംസാര ശൈലി മുതല്‍ നിങ്ങള്‍ ഉപയോഗിക്കുന്ന വാക്കുകള്‍ വരെ മറ്റുള്ളവര്‍ ശ്രദ്ധിക്കും. എന്നു കരുതി അമിത വിനയം കാണിക്കരുത്. ഇത് മറ്റ് പല പ്രശ്നങ്ങള്‍ക്കും കാരണമായേക്കാം. ശാന്തമായി സ്വാഭാവിതയോടെ പെരുമാറുക. ഇത് നിങ്ങളെ കുറിച്ച് അവരുടെ മനസില്‍ ഒരു നല്ല മതിപ്പ് നിലനിര്‍ത്താന്‍ സഹായിക്കും.
* കൈകള്‍ – ഇത് അസാധാരണമാണ് എന്ന് തോന്നിയേക്കാം എന്നാല്‍ സത്യമാണ് പെണ്‍കുട്ടികള്‍ നിങ്ങളുടെ കൈകള്‍ ശ്രദ്ധിക്കും. നഖങ്ങള്‍ വെട്ടി വൃത്തിയായി സൂക്ഷിക്കാന്‍ മറക്കരുത്. കൈകളിലെ ചര്‍മ്മത്തിനും പ്രാധാന്യം നല്‍കണം. കൈകള്‍ വല്ലാതെ വരണ്ടിരിക്കാന്‍ അനുവദിക്കരുത്. വരണ്ട ചര്‍മ്മമാണെങ്കില്‍ കൈകളില്‍ മോയ്സ്ച്യുറൈസര്‍ പുരട്ടുക.
* വസ്ത്രധാരണം – പെണ്‍കുട്ടികളില്‍ മതിപ്പുളവാക്കാന്‍ സഹായിക്കുന്ന ഒന്നാണ് നിങ്ങളുടെ വസ്ത്രധാരണത്തിലുള്ള ശ്രദ്ധ. നിങ്ങളുടെ ആകര്‍ഷകമായ വസ്ത്രധാരണം വളരെ പെട്ടെന്ന് ശ്രദ്ധ നേടും. അതിനാല്‍ വസ്്ത്ര ധാരണത്തില്‍ ഇനി മുതല്‍ ശ്രദ്ധകേന്ദ്രീകരിക്കുക. മറ്റുള്ളവരില്‍ മതിപ്പുളവാക്കുന്നതിന് വില കൂടി വസ്ത്രങ്ങള്‍ വാങ്ങണം എന്നില്ല മികച്ച ചേര്‍ച്ചയുള്ള നിറങ്ങളും സ്‌റ്റൈലും ഉണ്ടായാല്‍ മതി. വൃത്തിയുള്ള വസ്ത്രങ്ങള്‍ മാത്രം എപ്പോഴും ധരിക്കുക.
