ഗര്‍ഭകാലവും പ്രസവശേഷവും സ്ത്രീകള്‍ തങ്ങളുടെ ആരോഗ്യകാര്യങ്ങളില്‍ വളരെയധികം ശ്രദ്ധ പുലര്‍ത്തേണ്ടത് അത്യാവശ്യമായ കാര്യമാണ്. പ്രസവം മുതല്‍ മുലയൂട്ടല്‍ കാലയളവ് തീരുന്നത് വരെ അമ്മമാരുടെ ആരോഗ്യത്തില്‍ വളരെയധികം ശ്രദ്ധിക്കേണ്ടതുണ്ട്. പ്രസവത്തിന് ശേഷം ഭക്ഷണക്രമത്തില്‍ വളരെ ശ്രദ്ധിക്കേണ്ടതുണ്ട്. പ്രസവാനന്തര ഭക്ഷണക്രമത്തില്‍ എന്തെല്ലാം കാര്യങ്ങള്‍ ശ്രദ്ധിക്കണമെന്നും എന്തെല്ലാം ഭക്ഷണങ്ങള്‍ ഉള്‍പ്പെടുത്തണമെന്നും നോക്കാം.
- അയമോദകം – അയമോദകം കുടലിന്റെ ആരോഗ്യം മികച്ചതായി നിലനിര്‍ത്താന്‍ സഹായിക്കുകയും ഭക്ഷണം വേഗത്തില്‍ ദഹിപ്പിക്കാനും മെറ്റബോളിസത്തെ നിയന്ത്രിക്കാനും സഹായിക്കുന്നു. ഇവയെല്ലാം പ്രസവാനന്തര ഘട്ടത്തില്‍ അത്യന്താപേക്ഷിതമാണ്.
- പച്ചക്കറികള്‍ – എല്ലാത്തരം പോഷകങ്ങളുടെയും ആത്യന്തിക സ്രോതസ്സാണ് പച്ചക്കറികള്‍. പ്രസവാനന്തര കാലഘട്ടത്തില്‍ ഭക്ഷണത്തില്‍ ഇവ ചേര്‍ക്കേണ്ടത് പ്രധാനമാണ്.
- പ്രോട്ടീന്‍ – പ്രതിരോധശേഷി വര്‍ദ്ധിപ്പിക്കാന്‍ പ്രോട്ടീന്‍ സഹായിക്കുന്നു. പ്രസവശേഷം ടിഷ്യൂകളെ സുഖപ്പെടുത്താനും ക്ഷീണം ഇല്ലാതിരിക്കാനും പ്രോട്ടീന്‍ പ്രധാനമാണ്.
- ഡ്രൈ ഫ്രൂട്ട്സ് – എല്ലാത്തരം ധാതുക്കളും വിറ്റാമിനുകളും മറ്റ് പോഷകങ്ങളും അടങ്ങിയിരിക്കുന്നതിനാല്‍ ഡ്രൈ ഫ്രൂട്ട്സ് ആരോഗ്യത്തിന് മികച്ചതാണ്.
- ഇരുമ്പ് അടങ്ങിയ ഭക്ഷണങ്ങള്‍ – പ്രസവ സമയത്ത്, രക്തം നഷ്ടപ്പെടും, ഇത് അനീമിയയിലേക്ക് നയിക്കും. ഇരുമ്പ് അടങ്ങിയ ഭക്ഷണങ്ങള്‍ മുലയൂട്ടലിനും ഊര്‍ജത്തിനും പ്രസവാനന്തര വിഷാദം തടയുന്നതിനും അത്യന്താപേക്ഷിതമാണ്.
