ലാസ; ടിബിറ്റിലെ ആശ്രമത്തില്‍ ലോകത്തിന്റെ തിരക്കുകളില്‍ നിന്നും മോഹങ്ങളില്‍ നിന്നും മുക്തയായി ആത്മീയ പാതയില്‍ സഞ്ചരിക്കുന്ന ഒരു ബുദ്ധ സന്യാസിനി മുന്‍ ബോളിവുഡ് താരമാണ്. ഗ്യാല്‍ട്ടന്‍ സാംടെന്‍ എന്ന അറിയപ്പെടുന്ന ഈ സന്യാസിനിക്ക് ഗ്ലാമറിന്റെയും പ്രശസ്തിയുടെയും കൊടിമുടിയില്‍ നിന്ന ഒരു ഭൂതകാലമുണ്ട്.
മിസ് ഇന്ത്യ വേദിയില്‍ സുസ്മിത സെന്നിനോടും ഐശ്വര്യ റായിയോടും മത്സരിച്ച ചരിത്രമുള്ള താരസുന്ദരിയാണ് ബര്‍ഖ മദന്‍. മിസ് ടുറിസം കിരീടം ചൂടിയതിന് പിന്നാലെ ബോളിവുഡിലേക്ക് അവസരം ലഭിച്ചു. അരങ്ങേറ്റം തന്നെ അക്ഷയ് കുമാറിനൊപ്പം ‘ ഖിലാഡിയോം കാ ഖിലാഡി’യിലൂടെയായിരുന്നു. പിന്നീട് രാം ഗോപാല്‍ വര്‍മ്മയുടെ ‘ ഭൂത്ത്’ എന്ന ചിത്രത്തിലൂടെ വീണ്ടും ശ്രദ്ധ നേടിയെങ്കിലും മികച്ച വേഷങ്ങള്‍ അധികം ലഭിച്ചില്ല. താമസിക്കാതെ ടെലിവിഷന്‍ പരമ്പരകളിലും ചുവട് വെച്ചു.
1857ല്‍ ക്രാന്തിയിലെ റാണി ലക്ഷ്മിഭായിയുടെ വേഷം ശ്രദ്ധിക്കപ്പെട്ടു. സ്വന്തമായി നിര്‍മാണ കമ്പനികള്‍ തുടങ്ങി അഭിനയിച്ചു.സന്തോഷം മാത്രം ലഭിച്ചില്ല. പിന്നീട് ആത്മീയതയുടെ പാതയിലേക്ക് വഴിതിരിഞ്ഞു. ബുദ്ധമതത്തിലേക്ക് ആകൃഷ്ടയായി ടിബറ്റിലെ ഒരു ആശ്രമത്തില്‍ ചേരുകയായിരുന്നു.
