“ലോകത്തിലെ ഏറ്റവും അപകടകാരിയായ സ്ത്രീ” എന്ന് മുദ്രകുത്തപ്പെട്ട വനിതയെക്കുറിച്ചാണ്. ഇരുപതാം നൂറ്റാണ്ടിന്റെ തുടക്കത്തിൽ ലോകമെമ്പാടും ചുറ്റിക്കറങ്ങിയ ഒരു ക്ലാസിക് തട്ടിപ്പുകാരിയായിരുന്നു “ഷിക്കാഗോ മെയ്”. യൂറോപ്പിൽ നിന്ന് അമേരിക്കയിലേക്കും തിരിച്ചും 1900 കളുടെ തുടക്കത്തിലെ ഏറ്റവും കുപ്രസിദ്ധ കുറ്റവാളിയായി മാറിയ മേരി ആൻ ഡുഗ്നൻ, അല്ലെങ്കിൽ “ചിക്കാഗോ മെയ്”. മാധ്യമങ്ങളും പോലീസുകാരുംവരെ അവരുടെ ഇരകളായി. ചരിത്രകാരനായ ലോറൻസ് വില്യം വൈറ്റ് എഴുതുന്നത് പോലെ , വേശ്യാവൃത്തിയെ കൂട്ടുപിടിച്ച്, കവർച്ചയും ബ്ലാക്ക് മെയിലിംഗും നടത്തി ചൂതാട്ടക്കാരുടേയും ഗുണ്ടാസംഘങ്ങളുടേയും വേശ്യാവൃത്തിക്കാരുടേയും കൂട്ടാളി.
1871-ൽ അയർലണ്ടിലാണ് ഡ്യുഗ്നൻ ജനിച്ചത്. എന്നാൽ കടലിനക്കരെയുള്ള ജീവിതം അവളെ മാടി വിളിച്ചുകൊണ്ടിരുന്നു, 1890-ൽ അവള്‍ വീടുവിട്ടിറങ്ങി. ക്ഷാമാനന്തര അയർലണ്ടിലെ ജനസംഖ്യയുടെ പകുതിയും കുടിയേറുകയായിരുന്നു, എന്നാൽ ഡ്യുഗ്നൻ കാര്യങ്ങൾ അൽപ്പം വ്യത്യസ്തമായാണ് ചെയ്തത്.
സ്വന്തം കുടുംബത്തിന്റെ ജീവിത സമ്പാദ്യവും മുഴുവന്‍ മോഷ്ടിച്ചുകൊണ്ടാണ് ഡ്യുഗ്നൻ അർദ്ധരാത്രിയിൽ വീടുവിട്ടത്. മോഷ്ടിച്ച ധനം അവള്‍ ഫസ്റ്റ് ക്ലാസ് യാത്രയ്‌ക്കായി ഉപയോഗിച്ചു. ആഡംബരത്തോടെയാണ് ഡ്യുഗ്നൻ ആ അറ്റ്‌ലാൻ്റിക് യാത്ര നടത്തിയത്. ന്യൂയോർക്കിലെ കുറച്ചുകാലത്തെ വാസത്തിനുശേഷം, ഡുഗ്നാൻ നെബ്രാസ്കയിലേക്ക് പോയി, അവിടെ അവൾ ഡാൽ ചർച്ചിലിനെ കണ്ടുമുട്ടുകയും വിവാഹം കഴിക്കുകയും ചെയ്തു, അവളുടെ പല ഹ്രസ്വകാല വിവാഹങ്ങളിൽ ആദ്യത്തേത്. മിസ്റ്റർ ചർച്ചിൽ കൊല്ലപ്പെട്ടപ്പോൾ, അവൾ ചിക്കാഗോയിലേക്ക് താമസം മാറ്റി, “ചിക്കാഗോ മെയ്” എന്ന സ്വപ്‌നവുമായി.
1893- തൊഴിലില്ലായ്മയുടെ കാലംകൂടിയായിരുന്നു. നഗരത്തിലെ പല സ്ത്രീകളെയും പോലെ മെയ്യും ജീവിതത്തിന്റെ രണ്ടറ്റവും കൂട്ടിമുട്ടിക്കാൻ ലൈംഗിക തൊഴിലിലേക്ക് തിരിഞ്ഞു. അവൾ പലപ്പോഴും ഇടപാടുകാരുമായി ലൈംഗിക ബന്ധത്തിൽ ഏർപ്പെട്ടിട്ടുണ്ടെങ്കിലും, അവൾക്ക് മറ്റൊരു ‘ജോലി’കൂടി ഉണ്ടായിരുന്നു. തന്റെ ഇരയെ ലൈംഗികതയിൽ വശീകരിക്കുകയും വിലപേശലിന്റെ ഭാഗം പൂർത്തിയാക്കുന്നതിന് മുമ്പ് അവനെ “ബാഡ്ജിംഗ്” അഥവാ കൊള്ളയടിക്കുകയും ചെയ്യുക.
അവൾ പിന്നീട് ന്യൂയോർക്കിലേക്ക് മടങ്ങി, അവിടെ “ബാഡ്ജിംഗ്” തുടരുകയും ഒരു കോറസ് പെൺകുട്ടിയായി ജീവിക്കുകയും ചെയ്തു. പക്ഷേ അവളുടെ ബാഡ്ജിംഗ് കഴിവുകൾ വളർന്നുകൊണ്ടിരുന്നു, ഇതിനോടൊപ്പം ബ്ലാക്ക് മെയിലിംഗും തുടങ്ങി. ലൈംഗികതയ്ക്ക് ക്ഷണിച്ച് അതിന്റെ ഫോട്ടോഗ്രാഫുകള്‍ ഉപയോഗിച്ച് തന്റെ ഇരയെ ഭീഷണിപ്പെടുത്തി പണം വാങ്ങല്‍ തുടര്‍ന്നു. ഹണിട്രാപ്പിന്റെ ആദ്യരൂപം.
ഇങ്ങനെ സമ്പാദിച്ച പണം കൊണ്ട് ഡ്യുഗ്നൻ തന്റെ സ്വപ്നമായ ആഡംബര ജീവിതം നയിച്ചു തുടങ്ങി. വർഷങ്ങളോളം അവൾ നഗരത്തില്‍ ലൈംഗികവ്യാപാരവും ഹണിട്രാപ്പും തുടര്‍ന്നു. എന്നാൽ എത്ര നല്ല കുറ്റവാളിയാണെങ്കിലും, എപ്പോൾ രംഗം വിടണമെന്ന് നിങ്ങൾ അറിഞ്ഞിരിക്കണം. പോലീസ് വളരെ അടുത്തെത്തിയപ്പോൾ അവള്‍ യൂറോപ്പിലേക്ക് പലായനം ചെയ്തു.
ലണ്ടനിൽ വെച്ച് അവൾ എഡ്ഡി ഗ്വെറിനെ കണ്ടുമുട്ടി; അവർ ഒരുമിച്ച് പാരീസിലെ അമേരിക്കൻ എക്സ്പ്രസ് ഓഫീസ് കൊള്ളയടിച്ചു. അറസ്റ്റിലാകുന്നതിന് മുമ്പ് അവൾക്ക് ലണ്ടനിലെത്താൻ കഴിഞ്ഞുവെങ്കിലും, അവൾ ഫ്രാൻസിലേക്ക് മടങ്ങി, ഈ കുറ്റത്തിന് അവള്‍ അഞ്ച് വർഷം മോണ്ട്പെലിയർ ജയിലിൽ കിടന്നു. എന്നാൽ അവൾ അധികകാലം തടവിൽ കിടന്നില്ല. ശിക്ഷയുടെ പാതിവഴിയിൽ മെയ് തന്റെ മോചനത്തിനുള്ള മെഡിക്കൽ സർട്ടിഫിക്കറ്റിൽ ഒപ്പിടാൻ ജയിൽ ഡോക്ടറെ വശീകരിച്ച് ബ്ലാക്ക് മെയിൽ ചെയ്തു. ഗ്വെറിന്റെ ജീവനെടുക്കാനുള്ള ശ്രമത്തിന് ശേഷം അവൾ വീണ്ടും പിടിക്കപ്പെട്ട് ജയിലിലായി.
ഒടുവിൽ അമേരിക്കയിലേക്ക് മടങ്ങിയെങ്കിലും, അത് അവൾ തുടര്‍ന്നിരുന്ന ഗ്ലാമറസ് ജീവിതമായിരുന്നില്ല. മോശമായ ആരോഗ്യവും മദ്യപാനവും നിയമത്തിന്റെ കുരുക്കുകളും അവളെ വേട്ടയാടി. അവസാനം ഒരു ശസ്ത്രക്രിയയെ തുടർന്നുണ്ടായ സങ്കീർണതകളെ തുടർന്ന് 1920-ൽ അവൾ മരിച്ചു.
