ന്യൂസിലാൻഡ്: ഇന്റർനെറ്റിലെ ഒരു ഇ-കൊമേഴ്സ് സൈറ്റില്നിന്ന് വാങ്ങിയ ഡസൻ കണക്കിന് ശക്തിയേറിയ കാന്തങ്ങൾ വിഴുങ്ങി 13 വയസ്സുകാരന്. വയറുവേദനയുമായി ആശുപത്രിയിൽ പ്രവേശിപ്പിച്ച 13 വയസ്സുകാരന് സങ്കീർണ്ണമായ ശസ്ത്രക്രിയ നടത്തേണ്ടിവന്നുവെന്നുമാത്രമല്ല, എല്ലാ കാന്തങ്ങളും പുറത്തെടുക്കാൻ ഡോക്ടർമാർക്ക് കുട്ടിയുടെ കുടലിന്റെ ഒരു ഭാഗം നീക്കം ചെയ്യേണ്ടിയും വന്നു.
ചെറിയ, ശക്തമായ കാന്തങ്ങൾ ഗാർഹിക ആവശ്യങ്ങൾക്കോ വ്യക്തിഗത ഉപയോഗത്തിനോ വിൽക്കുന്നത് ന്യൂസിലാൻഡ് 2014 മുതൽ നിരോധിച്ചിരുന്നു. അതിനു ശേഷമാണ്, ടെമു (Temu) എന്ന പ്രശസ്തമായ ഓൺലൈൻ വിപണിയിൽ നിന്ന് ഏകദേശം 100 കാന്തങ്ങൾ ഓർഡർ ചെയ്ത കുട്ടി അത് വിഴുങ്ങുകയായിരുന്നു. ശസ്ത്രക്രിയയ്ക്ക് ഒരാഴ്ച മുമ്പ് ഏകദേശം 80 മുതൽ 100 വരെ ചെറിയ കാന്തങ്ങൾ ഈ കൗമാരക്കാരൻ വിഴുങ്ങിയതായി ടൗരംഗ ഹോസ്പിറ്റലിലെ സർജൻമാർ ന്യൂസിലാൻഡ് മെഡിക്കൽ ജേണലിൽ പറയുന്നു.
ഏകദേശം ഒരാഴ്ച മുമ്പ് ഓൺലൈൻ വിപണിയിൽ (ടെമു) നിന്ന് വാങ്ങിയ 80-100 എണ്ണം 5x2mm വലിപ്പമുള്ള ഹൈ-പവർ (നിയോഡൈമിയം) കാന്തങ്ങൾ താൻ വിഴുങ്ങിയതായി കുട്ടി വെളിപ്പെടുത്തി. ഗാർഹിക ആവശ്യങ്ങൾക്കോ വ്യക്തിഗത ഉപയോഗത്തിനോ ഈ കാന്തങ്ങൾ വിൽക്കുന്നത് ന്യൂസിലാൻഡ് നിയമപ്രകാരം നിരോധിച്ചിട്ടുണ്ടെങ്കിലും, വിദ്യാഭ്യാസ സ്ഥാപനങ്ങൾക്ക് അദ്ധ്യാപന ആവശ്യങ്ങൾക്കോ മറ്റ് ഉൽപ്പന്നങ്ങളിലോ ഇവ ഉപയോഗിക്കാൻ ഇപ്പോഴും അനുമതിയുണ്ട്.
ഈ കാന്തങ്ങൾ കുട്ടികൾക്കുള്ള സൗഹൃദ കളിപ്പാട്ടങ്ങളായി പ്രോത്സാഹിപ്പിക്കപ്പെടുകയും, ഫിഡ്ജെറ്റ് കളിപ്പാട്ടങ്ങളായോ വിവിധ രൂപങ്ങൾ സൃഷ്ടിക്കുന്നതിനോ ഉപയോഗിക്കാവുന്ന സെറ്റുകളായാണ് വിൽക്കുന്നത്. “നിർഭാഗ്യവശാൽ, ഈ കാന്തങ്ങൾ പലപ്പോഴും തിളക്കമുള്ള ചെറിയ ഗോളങ്ങളായി വരുന്നു, ഇത് കുട്ടികളെ വിഴുങ്ങാൻ ആകർഷിക്കുന്നു. ചെറിയ ഹൈ-പവർ കാന്തങ്ങൾ വളരെ അപകടകരമായതിനാൽ ഓസ്ട്രേലിയയിലും ന്യൂസിലാൻഡിലും ചില സാഹചര്യങ്ങളിൽ അവയുടെ വിൽപ്പന നിരോധിച്ചിരിക്കുന്നു,” ഓക്ക്ലാൻഡ് സർവകലാശാലയിലെ പ്രൊഫസർ അലക്സ് സിംസ് പറഞ്ഞു. ഓൺലൈൻ വിപണികളിലൂടെ കുട്ടികൾക്ക് കുറഞ്ഞ ചിലവിൽ കാന്തങ്ങൾ വാങ്ങാൻ കഴിയുന്നത് കാരണം നിരോധനം നടപ്പിലാക്കാൻ പ്രയാസമാണെന്ന് സർജൻമാർ അഭിപ്രായപ്പെട്ടു,
