നേപിയര്: രാജ്യാന്തര ക്രിക്കറ്റ് കൗണ്സിലിലെ മുഴുവന് സമയ അംഗങ്ങളായ എല്ലാ രാജ്യങ്ങള്ക്കുമെതിരേ സെഞ്ചുറിയടിക്കുന്ന ആദ്യ താരമെന്ന ഖ്യാതി വെസ്റ്റിന്ഡീസിന്റെ ഷായ് ഹോപിന്. ന്യൂസിലന്ഡിനെതിരേ നേപിയറില് നടന്ന ഏകദിനത്തില് 109 റണ്ണെടുത്തതോടെയാണു വിന്ഡീസ് നായകന് കൂടിയായ ഹോപ് പുതിയ ഉയരത്തിലെത്തിയത്. ടെസ്റ്റ് കളിക്കുന്ന 11 രാജ്യങ്ങള്ക്കെതിരേയും അംഗ രാജ്യങ്ങളായ ഹോളണ്ട്, നേപ്പാള് എന്നിവര്ക്കെതിരേയും സെഞ്ചുറിയടിക്കാന് ഹോപിനായി. 12 എതിരാളികള്ക്കെതിരേ സെഞ്ചുറിയടിച്ച വെസ്റ്റിന്ഡീസിന്റെ ഇതിഹാസ താരം ക്രിസ് ഗെയ്ല്, ശ്രീലങ്കയുടെ മുന് നായകന് മഹേള ജയവര്ധനെ എന്നിവരെയാണു ഹോപ് മറികടന്നത്. Read More…

