സുന്ദരിയും ഗ്‌ളാമറസ് താരവുമായ സിഡ്‌നി സ്വീനിയുടെ പുതിയ അവതാരത്തിനായി നടിയുടെ ആരാധകരുടെ കാത്തിരിപ്പിന് ഉടന്‍ വിരാമമാകും. സുന്ദരിയായ കഥാപാത്രങ്ങള്‍ക്ക് പേരുകേട്ട നടി, 80 കളിലും 90 കളിലും ഒരു തകര്‍പ്പന്‍ ബോക്‌സര്‍ എന്ന നിലയിലുള്ള ഒരാളുടെ കരിയറിനെ അടിസ്ഥാനമാക്കി വരാനിരിക്കുന്ന ഒരു ജീവചരിത്ര സിനിമയില്‍ ക്രിസ്റ്റി മാര്‍ട്ടിന്റെ വേഷം ചെയ്യാനൊരുങ്ങുകയാണ്.
തന്റെ പുതിയ ഹെയര്‍സ്റ്റൈലിലും ടോണ്‍ ചെയ്ത കൈകളിലുമാണ് സിഡ്‌നി കാണപ്പെടുന്നത്്. സിനിമയുടെ സെറ്റില്‍ എടുത്ത വിവിധ ഫോട്ടോകള്‍ അടങ്ങിയതാണ് പോസ്റ്റില്‍ ചുരുണ്ട തവിട്ടുനിറമുള്ള മുടി മുറിച്ച നിലയിലും മസിലുകളും നടി കാണിക്കുന്നു. ‘ഇപ്പോള്‍ ഞാന്‍ പ്രവര്‍ത്തിക്കുന്ന എന്റെ സിനിമയില്‍ നിന്നുള്ള കുറച്ച് ബിടിഎസ് ഇതാ,’ എന്നാണ് സ്വീനി പോസ്റ്റിന് നല്‍കിയിരിക്കുന്ന അടിക്കുറിപ്പ്.
പേരിട്ടിട്ടില്ലാത്ത ഈ ചിത്രം ഡേവിഡ് മിച്ചോഡ് ആണ് സംവിധാനം ചെയ്യുന്നത്. ഭര്‍ത്താവും മാനേജരുമായ ജിം മാര്‍ട്ടിനില്‍ നിന്നുള്ള അക്രമാസക്തമായ പെരുമാറ്റവും അധിക്ഷേപവും ഉള്‍പ്പെടെ ഉയര്‍ച്ച താഴ്ച്ചകളാല്‍ നിറഞ്ഞതായിരുന്നു മാര്‍ട്ടിന്റെ ജീവിതം. ” ഞാന്‍ ജിം മാര്‍ട്ടിനെ വിശ്വസിച്ചു, അവന്‍ എന്നെക്കാള്‍ 25 വയസ്സ് കൂടുതലായിരുന്നു,” സിബിഎസ് ന്യൂസിന് നല്‍കിയ അഭിമുഖത്തില്‍ മാര്‍ട്ടിന്‍ പറഞ്ഞു,
1989 – 2012 കാലഘട്ടത്തില്‍ മത്സരിച്ച മുന്‍ പ്രൊഫഷണല്‍ ബോക്സറാണ് മാര്‍ട്ടിന്‍, 2009-ല്‍ സൂപ്പര്‍ വെല്‍റ്റര്‍ വെയ്റ്റ് ക്ലാസില്‍ ലോക ചാമ്പ്യനായിരുന്നു. 2010-ല്‍, ഭര്‍ത്താവ് ജെയിംസ് മാര്‍ട്ടിന്റെ കൊലപാതകശ്രമത്തില്‍ നിന്നും അവള്‍ രക്ഷപ്പെട്ടു. അവന്‍ ക്രിസ്റ്റിയെ ഒന്നിലധികം തവണ കുത്തുകയും ഫ്‌ലോറിഡയിലെ അവരുടെ വീട്ടില്‍ വച്ച് വെടിവയ്ക്കുകയും ചെയ്തു, പക്ഷേ അവള്‍ രക്ഷപ്പെട്ടു. 2012-ല്‍, ജെയിംസിനെ രണ്ടാം ഡിഗ്രി കൊലപാതകശ്രമത്തിന് ശിക്ഷിക്കുകയും 25 വര്‍ഷത്തെ തടവിന് ശിക്ഷിക്കുകയും ചെയ്തു.
