പുതുമയും വ്യത്യസ്തവുമായ അവതരണത്തിലൂടെ മലയാളി പ്രേക്ഷക മനസ്സിൻ കുടിയേറിയ സംവിധായകനാണ് രതീഷ് ബാലകൃഷ്ണ പൊതുവാൾഇദ്ദേഹത്തിന്റെ ഏറ്റവും പുതിയ ചിത്രമാണു് സുരേശൻ്റെയും സുമലതയുടേയും ഹൃദയഹാരിയായ പ്രണയ കഥ. പേരു സൂചിപ്പിക്കുന്നതു പോലെ തന്നെ പ്രണയം തന്നെയാണ് ഈ ചിത്രത്തിന്റെ അടിസ്ഥാന പ്രമേയം. പ്രണയ ദിനത്തിന്റെ തലേന്നെത്തിയ ട്രാക്ക് പ്രണയിച്ചു തകർന്നവർക്കു വേണ്ടിയുള്ളതാണ് ഈ ഗാനം. വൈശാഖ് സുഗുണൻ രചിച്ച് ഡോൺ വിൻസന്റ് ഈണമിട്ട് അലോഷി ആദംസ് ആലപിച്ച ചങ്കുരിച്ചാള് എന്ന ഗാനമാണ് ഇപ്പോൾ പുറത്തുവിട്ടിരിക്കുന്നത്. മൊത്തം എട്ടു ഗാനങ്ങളാണ് ഈ ചിത്രത്തിലുള്ളത്.
വൻ പ്രദർശനവിജയം നേടിയ ന്നാ താൻ കേസ് കൊട് എന്ന ചിത്രത്തിനു ശേഷം രതീഷ് ബാലകൃഷ്ണ പൊതുവാൾ സംവിധാനം ചെയ്യുന്ന ചിത്രമെന്ന നിലയിലും ഈ ചിത്രം ഏറെ ശ്രദ്ധയാകർഷിക്കപ്പെടുന്നു. മലയാള സിനിമയിലെ ആദ്യ സ്പിൻ ഓഫ് ചിത്രമെന്ന നിലയിലും ചിത്രം ഏറെ ശ്രദ്ധേയമാണ്.ന്നാ താൻ കേസ് കൊട് എന്ന ചിത്രത്തിലെ കേന്ദ്ര കഥാപാത്രമല്ലെങ്കിലും നിർണ്ണായകമായ കഥാപാത്രങ്ങളായിരുന്നു സുരേശനും സുമലതയും. ഈ കഥാപാത്രങ്ങളാണ് ഈ ചിത്രത്തിലെ നായകനും നായികയും. ആദ്യ ചിത്രത്തിൽ ഈ കഥാപാത്രങ്ങളെ പ്രതിനിധീകരിച്ച രാജേഷ് മാധവനും, ചിത്രാ നായരും തന്നെയാണ് ഈ ചിത്രത്തിലും അതേ കഥാപാത്രങ്ങളെ അവതരിപ്പിക്കുന്നത്.
വലിയ മുതൽ മുടക്കിലാണ് ഈ ചിത്രത്തിന്റെ അവതരണം. നൂറ്റി ഇരുപതോളം ദിവസം നീണ്ടു നിന്ന ചിത്രീകരണത്തിനു ശേഷം ഇപ്പോൾ പോസ്റ്റ് പ്രൊഡക്ഷൻ ജോലികൾ അവസാന ഘട്ടത്തിൽ എത്തിയിരിക്കുന്നു.ന്നാ താൻ കേസ് കൊട് എന്ന ചിത്രത്തിൽ കുഞ്ചാക്കോ ബോബൻ അവതരിപ്പിച്ച കൊഴുമ്മൽ രാജീവൻ എന്ന കഥാപാത്രത്തെ ഈ ചിത്രത്തിലും കുഞ്ചാക്കോ ബോബൻ അവതരിപ്പിക്കുന്നുണ്ട്. വലിയ ഒരു താര നിര തന്നെ ഈ ചിത്രത്തിലുണ്ട്. ഇവരെല്ലാവരും ഏറെയും പുതുമുഖങ്ങളാണ്. ഓഡിഷനിലൂടെ കണ്ടെത്തി അവർക്കു വേണ്ട പരിശീലനവും നൽകിയാണ് ഈ ചിത്രത്തിൽ അവരെ അവതരിപ്പിച്ചിരിക്കുന്നത്.പയ്യന്നൂരിലും പരിസരങ്ങളിലുമായിട്ടാണ് ഈ ചിത്രത്തിന്റെ ചിത്രീകരണം പൂർത്തിയായിരിക്കുന്നത്.
സിൽവർ ബേ പ്രൊഡക്ഷൻസിന്റെ ബാനറിൽ അജിത് തലപ്പള്ളി ഇമ്മാനുവൽ ജോസഫ് എന്നിവരാണ് ഈ ചിത്രം നിർമ്മിക്കുന്നത്. കോ- പ്രൊഡ്യൂസേർസ് – രതീഷ് ബാലകൃഷ്ണപ്പൊതുവാൾ, ജയ്ക്കേ, വിവേക് ഹർഷൻ, എക്സിക്യുട്ടീവ് മൊഡ്യൂസേർസ് -മനു ടോമി, രാഹുൽ നായർ.ഛായാഗ്രഹണം – സബിൻ ഊരാളു ക്കണ്ടി. എഡിറ്റിംഗ് – ആകാശ് തോമസ്. മെയ് പതിനാറിന് ഈ ചിത്രം പ്രദർശനത്തിനെത്തുന്നു.ശ്രീഗോകുലം മൂവീസ് ത്രൂ ഡ്രീം ബിഗ് ഫിലിംസാണ് ഈ ചിത്രം പ്രദർശനത്തിനെത്തിക്കുന്നത്.
