മോളിവുഡിലെ സെലിബ്രിറ്റി ദമ്പതികളാണ് നടനും സംവിധായകനുമായി പൃഥ്വിരാജും ഭാര്യ സുപ്രിയയും. സൂപ്പര്‍സ്റ്റാര്‍ പൃഥ്വിരാജിനെ പോലെ തന്നെ ആരാധകരാണ് ഭാര്യ സുപ്രിയയ്ക്കും ഇന്‍സ്റ്റഗ്രാമിലുള്ളത്. തന്റെ വിശേഷങ്ങളൊക്കെ സുപ്രിയ സോഷ്യല്‍ മീഡിയയില്‍ പങ്കുവെയ്ക്കാറുണ്ട്. ഇപ്പോള്‍ സ്‌കൂട്ടര്‍ ഓടിയ്ക്കുന്ന വീഡിയോ പങ്കുവെച്ചു കൊണ്ട് താന്‍ ആദ്യമായി സ്‌കൂട്ടര്‍ ഓടിയ്ക്കാന്‍ പഠിച്ച ഓര്‍മ്മകള്‍ പങ്കുവെയ്ക്കുകയാണ് സുപ്രിയ.
‘ഒന്‍പതാം ക്ലാസില്‍ പഠിക്കുമ്പോഴാണ് ആദ്യമായി ബൈക്ക്/ ടൂ വീലര്‍ ഓടിക്കാന്‍ പഠിച്ചത്. എന്റെ മാതാപിതാക്കളെ ഭയപ്പെടുത്തുന്ന തരത്തില്‍ RX100 ഓടിക്കുന്നത് എങ്ങനെയെന്ന് എന്റെ അയല്‍ക്കാരനായ അമ്മാവന്‍ എന്നെ പഠിപ്പിച്ചു! എന്റെ അച്ഛന്‍ എപ്പോഴും ഒരു വലിയ ബൈക്ക് ആരാധകനായിരുന്നു! ബാച്ചിലര്‍ കാലത്ത് ഒരു ജാവയും രാജ്ദൂതും സ്വന്തമാക്കിയിരുന്നു. വിവാഹം കഴിഞ്ഞയുടനെ ഒരു സിനിമയ്ക്കായി അമ്മയെ കൊണ്ടുപോയപ്പോള്‍, വാഹനത്തില്‍നിന്നും വീണ് അപകടവുമുണ്ടായിട്ടുണ്ട്. ഡാഡി എല്ലായ്‌പ്പോഴും എന്നെ വളരെയധികം പ്രൊട്ടക്റ്റ് ചെയ്തിരുന്നുവെങ്കിലും കോളേജില്‍ പോകാന്‍ അദ്ദേഹം എനിക്ക് ഒരു സ്‌കൂട്ടര്‍ വാങ്ങിത്തന്നു, അതില്‍ കയറുന്നത് എനിക്ക് ഇഷ്ടമായിരുന്നു! ഇന്ന് പതിറ്റാണ്ടുകള്‍ക്ക് ശേഷം ഞാന്‍ ഒരിക്കല്‍ കൂടി സ്‌കൂട്ടറില്‍ യാത്ര ചെയ്തു, എനിക്ക് ആ പഴയ സുപ്രിയയെ പോലെ തോന്നി. ചെറിയ സന്തോഷങ്ങള്‍ കണ്ടെത്തുകയാണ്, ജീവിതത്തിലും ഏത് രൂപത്തിലും നമ്മെത്തന്നെ കണ്ടെത്തുന്നതിനും നമ്മെത്തന്നെ സ്‌നേഹിക്കുന്നതിനും! എന്റെ മോശം എഡിറ്റിംഗ് കഴിവുകള്‍ ക്ഷമിക്കുക! ഒരു സ്വകാര്യ എസ്റ്റേറ്റിനുള്ളിലൂടെയാണ് സവാരി, അതിനാല്‍ ഹെല്‍മെറ്റിനെക്കുറിച്ച് ആരും ആശങ്കപ്പെടേണ്ട,’ – സുപ്രിയ കുറിച്ചു.
നിരവധി പേരാണ് സുപ്രിയയുടെ വീഡിയോയ്ക്ക് കമന്റുകളുമായി എത്തുന്നത്. മിക്കവര്‍ക്കും അറിയേണ്ടത് സുപ്രിയ സ്‌കൂട്ടര്‍ ഓടിച്ചു വരുന്ന ആ മനോഹരമായ സ്ഥലം എവിടെയാണെന്നുള്ളതാണ്. നീണ്ട വര്‍ഷങ്ങള്‍ക്ക് ശേഷം പൃഥ്വിരാജ് അഭിനയിച്ച ചിത്രം ആടുജീവിതം തിയേറ്ററില്‍ എത്തി വന്‍ വിജയം നേടിയതിന്റെ സന്തോഷത്തിലാണ് സുപ്രിയ.
https://www.instagram.com/reel/C5VXHZqvfP8/?utm_source=ig_web_copy_link&igsh=MzRlODBiNWFlZA==
