സൂര്യയും ജ്യോതികയും തെന്നിന്ത്യന്‍ സിനിമയിലെ ഏറ്റവും മികച്ച താരദമ്പതികളാണ്. 18 വര്‍ഷം കഴിഞ്ഞിട്ടും അവരുടെ ബന്ധം ഉലയാതെ തന്നെ നില്‍ക്കുന്നു. ഇരുവര്‍ക്കും രണ്ടു കുട്ടികളുമുണ്ട്്. തങ്ങളുടെ ജീവിതവിജയത്തിന്റെ രഹസ്യം വെളിപ്പെടുത്തുകയാണ് നടി ജ്യോതിക. ആദ്യ കണ്ടുമുട്ടല്‍ മുതല്‍ ഇതുവരെ ഇരുവരും സുഹൃത്തുക്കളായി നിലനില്‍ക്കുന്നതാണ് വിജയരഹസ്യമെന്ന് നടി പറയുന്നു.
”എന്റെ ഭര്‍ത്താവ് എന്റെ ഏറ്റവും നല്ല സുഹൃത്താണ്. ഇന്‍ഡസ്ട്രിയില്‍ ഞാന്‍ ആദ്യമായി കണ്ടുമുട്ടിയ വ്യക്തി അദ്ദേഹമാണ്, ഞാന്‍ എന്റെ ആദ്യ സിനിമ ചെയ്തത് അദ്ദേഹത്തോടൊപ്പമാണ്. ഞങ്ങള്‍ വളരെക്കാലം സുഹൃത്തുക്കളായി തുടര്‍ന്നു. ഞങ്ങള്‍ ഇത്രയും കാലം നിലനില്‍ക്കുകയും തുടരുകയും ചെയ്തതിനാല്‍, ഞങ്ങള്‍ പങ്കിടുന്ന സൗഹൃദമാണ് ഇതിന് കാരണമെന്ന് ഞാന്‍ സങ്കല്‍പ്പിക്കുന്നു. ” ന്യൂസ് 18 ഷോഷയുമായുള്ള ഒരു എക്‌സ്‌ക്ലൂസീവ് ചാറ്റില്‍ പറഞ്ഞു. 11 സിനിമകളില്‍ നായികാനായകന്മാരായി എത്തിയ ഇരുവരും ആരാധകര്‍ക്ക് മറ്റൊരു സമ്മാനവുമായി വീണ്ടും വരികയാണ്. ഇത്തവണ അഞ്ജലിമേനോന്റെ ചിത്രത്തിലൂടെയാണ് തിരിച്ചുവരവ്.
വീണ്ടും ഒരുമിക്കാന്‍ ശരിയായ ഒരു സ്‌ക്രിപ്റ്റിനായി കാത്തിരിക്കുകയായിരുന്നു തങ്ങളെന്ന് നടി പറയുന്നു. 1999 ലെ പൂവെല്ലാം കേട്ടുപ്പാര്‍ എന്ന സിനിമയിലാണ് ഇരുവരും ആദ്യമായി കണ്ടുമുട്ടിയത്. വര്‍ഷങ്ങളോളം പരസ്പരം ഡേറ്റിംഗിന് ശേഷം, ദമ്പതികള്‍ 2006 സെപ്റ്റംബറില്‍ വിവാഹിതരായി. തങ്ങളുടെ ഇരുവരുടേയും സിനിമകളെക്കുറിച്ചും അതിന് പരസ്പരം നടത്തുന്ന വിലയിരുത്തലുകളെക്കുറിച്ചും നടി പറയുന്നു.
”ഞങ്ങള്‍ ഭാര്യാഭര്‍ത്താക്കന്മാരാണ്, ഞങ്ങള്‍ പരസ്പരം ജോലിയെ വളരെ സത്യസന്ധമായി വിമര്‍ശിക്കുന്നവരാണ്. ഞങ്ങള്‍ ഒരിക്കലും വീട്ടില്‍ ഒന്നും ഷുഗര്‍ കോട്ട് ചെയ്യാറില്ല. എല്ലാത്തിനുമുപരി, ഇത് ഒരു അഭിപ്രായമാണ്. ഞാന്‍ ഇഷ്ടപ്പെടാത്തതും തിരിച്ചും അദ്ദേഹം ഇഷ്ടപ്പെട്ടേക്കാം. എന്നാല്‍ നമ്മുടെ തിരഞ്ഞെടുപ്പുകള്‍ സ്വന്തമാണ്. ഞാന്‍ എന്റെ സ്വന്തം തീരുമാനം എടുക്കുന്നു, അയാള്‍ അയാളുടേതും.
ജ്യോതികയുടെ ഏറ്റവും പുതിയ സിനിമ ശ്രീകാന്തിന്റെ ഭാഗമാകാന്‍ നടിയെ ബോദ്ധ്യപ്പെടുത്തിയത് ഭര്‍ത്താവാണെന്നും ജ്യോതിക പറയുന്നു. എന്തു കാരണങ്ങളുണ്ടായാലും സിനിമ നഷ്ടപ്പെടുത്തരുതെന്നായിരുന്നു സൂപ്പര്‍താരം പറഞ്ഞത്. എന്തുകൊണ്ടെന്നാല്‍ താരം സിനിമയുടെ തിരക്കഥ വായിച്ചിരുന്നു. രാജ്കുമാര്‍ റാവു നായകനായ ചിത്രത്തിലേക്ക ക്ഷണിച്ചപ്പോള്‍ അത് ഒരു ഞെട്ടലുണ്ടാക്കി. കാരണം നീണ്ട 27 വര്‍ഷങ്ങള്‍ക്ക് ശേഷം ഹിന്ദി സിനിമയിലേക്ക് മടങ്ങിവരികയാണ്. ഇത് എന്റെ ഹിന്ദി സിനിമാ ജീവിതത്തിന്റെ പുനരാരംഭമാണെന്ന ചിന്ത തലപൊരിച്ചു.
അതുകൊണ്ടാണ് ഞാന്‍ അതിനെ കുറിച്ച് ചിന്തിക്കാന്‍ ഒരു ദിവസം എടുത്തത്. ആ 24 മണിക്കൂറിനുള്ളില്‍, ഞാന്‍ കുറച്ചുകാലമായി വായിച്ച ഏറ്റവും മികച്ച സ്‌ക്രിപ്റ്റുകളില്‍ ഒന്നാണ് ശ്രീകാന്ത് എന്ന് എനിക്ക് മനസ്സിലായി. തങ്ങള്‍ രണ്ടുപേരും നല്ല സിനിമയുടെ ആരാധകരാണ്. ഞങ്ങള്‍ ഇഷ്ടപ്പെടുന്നതും വിശ്വസിക്കുന്നതുമായ സിനിമകള്‍ മാത്രമാണ് ഞങ്ങള്‍ അവതരിപ്പിക്കുന്നതെന്നും ജ്യോതിക വെളിപ്പെടുത്തുന്നു.
