ഭര്‍ത്താവ് ജോ ജോനാസില്‍ നിന്ന് വേര്‍പിരിഞ്ഞതിന് തൊട്ടടുത്ത ദിവസം ലിപ്‌ലോക്ക് നടത്തിക്കൊണ്ട് നടി സോഫി ടര്‍ണര്‍. 27 കാരിയായ താരം 32 കാരനായ നടന്‍ ഫ്രാങ്ക് ഡിലനുമായി ചുണ്ടുകള്‍ കൊരുത്തു നില്‍ക്കുന്ന ചിത്രം പുറത്തുവിട്ടു. സ്‌പെയിനിലെ കടല്‍ത്തീരത്ത് ഈറനോടെ ഇരുവരുടേയും ചൂടന്‍പോസ് ഡെയ്‌ലി മെയില്‍ ആണ് വാര്‍ത്തയാക്കിയിരിക്കുന്നത്.
വണ്‍പീസ് ബാത്ത് സ്യൂട്ടിന് മുകളില്‍ തിളങ്ങുന്ന പാറ്റേണ്‍ ടോപ്പ് ധരിച്ചാണ് സോഫിയ. ഫ്രാങ്ക് വെള്ള ഷര്‍ട്ട് ധരിച്ചും കാണപ്പെടുന്നു. 34 കാരന്‍ ജോയില്‍ നിന്ന് വിവാഹമോചനം നേടുന്ന വിവരം സ്ഥിരീകരിച്ചത് മുതല്‍ യൂറോപ്പില്‍ ഷൂട്ടിംഗ് തിരക്കിലാണ് സോഫി. സെപ്തംബര്‍ 12 ന് ഷൂട്ടിംഗ് സെറ്റില്‍ വച്ചാണ് സോഫിയുടേയും ജോയുടേയും ബ്രേക്ക്അപ്പ് വാര്‍ത്ത പുറത്തുവന്നത്.
സെപ്തംബര്‍ 6-ന് ഒരു സംയുക്ത ഇന്‍സ്റ്റാഗ്രാം പ്രസ്താവനയിലാണ് ഇരുവരും തങ്ങളുടെ വേര്‍പിരിയല്‍ വാര്‍ത്ത സ്ഥിരീകരിച്ചത്. സോഫിയും ജോയും വിവാഹിതരായി നാല് വര്‍ഷത്തിനും രണ്ടു പെണ്‍കുട്ടികളുടെ മാതാപിതാക്കളാകുന്നതിനും ശേഷമാണ് വേര്‍പിരിയുന്നത്. 2019 മെയ് മാസത്തില്‍ ലാസ് വെഗാസില്‍ വെച്ച് വിവാഹിതരായതിന് ശേഷം ജോയും സോഫിയും ആരാധകരുടെ പ്രിയപ്പെട്ട ജോഡിയായി മാറി.
ഒരു മാസത്തിനുശേഷം, ഫ്രാന്‍സിലെ ഒരു ഔപചാരിക വിവാഹ ചടങ്ങില്‍ അവര്‍ പ്രതിജ്ഞകള്‍ കൈമാറി. നാല് വര്‍ഷമായി, ഈ ജോഡി അവരുടെ രസകരമായ സോഷ്യല്‍ മീഡിയ വീഡിയോകള്‍ക്കും പരസ്പരം പരസ്യമായ തമാശകള്‍ക്കും പേരുകേട്ടവരായിരുന്നു. അവര്‍ വിവാഹമോചനം നേടുകയാണെന്ന് കേട്ടപ്പോള്‍ ആരാധകര്‍ ശരിക്കും ഞെട്ടിയിരുന്നു. യഥാര്‍ത്ഥ ജീവിതത്തിലെ ബ്രിട്ടീഷ് ക്രിമിനല്‍ സൂത്രധാരനായ ജോവാന്‍ ഹാനിംഗ്ടണിനെയാണ് സോഫി സീരീസില്‍ അവതരിപ്പിക്കുന്നത്.
