ജോ ജോനസുമായുള്ള വിവാഹമോചനത്തിന് പിന്നാലെ സോഫി ടര്‍ണര്‍ തന്റെ മുന്‍ഭര്‍ത്താവിന്റെ സഹോദരഭാര്യയായ പ്രിയങ്ക ചോപ്രായെ ഇന്‍സ്റ്റഗ്രാമില്‍ അണ്‍ഫോളോ ചെയ്തു. കഴിഞ്ഞ മാസമാണ് സോഫിയും ജോ ജോനസും വിവാഹമോചനത്തിന് അപേക്ഷ നല്‍കിയത്.
പ്രിയങ്കയുടെ ഭര്‍ത്താവ് നിക്ക് ജോനസിന്റെ സഹോദരനാണ് ജോ ജോനസ്. പ്രിയങ്ക ചോപ്രയെ സോഫി അണ്‍ഫോളോ ചെയ്തപ്പോള്‍ തിരിച്ച് പ്രിയങ്കയും സോഫിയെ അണ്‍ഫോളോ ചെയ്തിട്ടുണ്ട്. നാല് വര്‍ഷത്തെ ദാമ്പത്യ ജീവിതത്തിന് ശേഷമാണ് ഗെയിംസ് ഓഫ് ത്രോണ്‍ താരമായ സോഫി ജോയുമായി വേര്‍പിരിയാന്‍ നോട്ടീസ് നല്‍കിയത്. സോഫിയും പ്രിയങ്കയും വളരെ അടുപ്പത്തിലാവിരുന്നു.
നിക്കും പ്രിയങ്കയും സോഫിയും ജോയും ലണ്ടനിലേയ്ക്ക് ഒരുമിച്ച് താമസം മാറുമെന്ന് ഇവര്‍ ചിന്തിച്ചിരുന്നത്രേ. പല അഭിമുഖങ്ങളിലും പ്രിയങ്കയും സോഫിയും തങ്ങളുടെ ബന്ധത്തെക്കുറിച്ച് സംസാരിച്ചിരുന്നു. ജോനസ് ബ്രെദേഴ്‌സ് അവതരിപ്പിക്കുന്ന് സംഗീതമേളകളിലും സോഫിയും പ്രിയങ്കയും ഒരുമിച്ച് പ്രത്യേക്ഷപ്പെടാറുണ്ടായിരുന്നു. സോഫിയുടെ വിവാഹമോചനം പ്രിയങ്കയ്ക്ക് കുടുംബത്തിലെ കൂട്ടുകാരിയെയാണ് നഷ്ടപ്പെടുത്തിയിരിക്കുന്നത് എന്ന് പലരും റിപ്പോര്‍ട്ട് ചെയ്യുന്നു.
