രാഷ്ട്രീയക്കാരിയായി തിളങ്ങി നില്ക്കുന്ന സമയത്ത് ടെലിവിഷന് സീരിയലിലൂടെ മടങ്ങിവരവിന് ശ്രമിക്കുന്ന മുന് കേന്ദ്രമന്ത്രിയും രാഷ്ട്രീയക്കാരിയും നടിയുമായ സ്മൃതി ഇറാനി തന്റെ പുതിയ പരമ്പരയ്ക്ക് വാങ്ങുന്നത് ഞെട്ടിക്കുന്ന പ്രതിഫലം. ‘ക്യോംകി സാസ് ഭി കഭി ബഹു തി’ എന്ന ചിത്രത്തിന്റെ റീബൂട്ടിന് തുളസി വിരാനി എന്ന കഥാപാത്രമായി ചെറിയ സ്ക്രീനില് തിരിച്ചെത്താന് പോകുന്ന താരം റീബൂട്ടിന് എപ്പിസോഡിന് 14 ലക്ഷം രൂപ പ്രതിഫലം വാങ്ങുമെന്ന് റിപ്പോര്ട്ടുകള് സൂചിപ്പിക്കുന്നു.
2000 ല് പരമ്പര ആദ്യമായി സംപ്രേഷണം ചെയ്തപ്പോള് ഇറാനിക്ക് എപ്പിസോഡിന് 1,800 രൂപയായിരുന്നു ആദ്യം ലഭിച്ചത്. എന്നാല് പുതിയ കണക്കുകള് ഇതുവരെ പ്രൊഡക്ഷന് ടീം ഔദ്യോഗികമായി സ്ഥിരീകരിച്ചിട്ടില്ല. Curly Tales മായുള്ള ഒരു സംഭാഷണ ത്തില് , അവര് നേരത്തെ തന്റെ ഒരു ദിവസത്തെ ശമ്പളം പങ്കുവെക്കുകയും ഒരു ജ്യോതിഷി താന് ഒരു വലിയ താരമാകുമെന്ന് പറഞ്ഞത് എങ്ങിനെയായിരുന്നെന്ന് ഓര്മ്മിക്കുകയും ചെയ്തു.
”ജ്യോതിഷക്കാരന്റെ പേര് ജനാര്ദ്ദന് എന്നായിരുന്നു. ഞാന് ഒരു വലിയ താരമാകുമെന്ന് അദ്ദേഹം പറഞ്ഞു. ഒരാളുടെ സഹോദരിയുടെ വേഷം ചെയ്യാന് പോകുന്ന ഒരു കരാറില് ഒപ്പിടാന് ഞാന് അവിടെ പോയപ്പോഴായിരുന്നു സംഭവം. ജ്യോതിഷി അന്ന് ഏക്താകപൂറിനോട് പറഞ്ഞു. ”നീ അവളോടൊപ്പം ജോലി ചെയ്താല്, അവള് രാജ്യത്തെ ഒരു വലിയ മുഖമാകും.”
ഉടനെ ഏക്താ വന്നു ചോദിച്ചു. കരാര് പ്രകാരം എനിക്ക് പ്രതിദിനം ഏകദേശം 1200-1300 രൂപ ശമ്പളം അന്ന് ലഭിക്കുന്നുണ്ടായിരുന്നു. ആ സമയത്ത്, ഞാന് മക്ഡൊണാള്ഡ്സില് ഒരു ക്ലീനറുടെ ജോലി ചെയ്യുകയായിരുന്നു, അവിടെ എനിക്ക് പ്രതിമാസം 1800 രൂപ ശമ്പളം ലഭിച്ചിരുന്നു. അതിനാല് അതിനേക്കാള് നല്ലത് ദിവസം 1200 രൂപ ലഭിക്കുന്നതാണെന്ന് അവര് പങ്കുവെച്ചു. അപ്പോഴാണ് കപൂര് തന്റെ കരാര് കീറിക്കളഞ്ഞ് ഒരു ദിവസം 1800 രൂപയ്ക്ക് അവളുമായി കരാര് ഒപ്പിടാന് തീരുമാനിച്ചതെന്ന് അവര് കൂട്ടിച്ചേര്ത്തു.
‘ക്യോംകി സാസ് ഭി കഭി ബഹു തി’യുടെ റീബൂട്ട് ജൂലൈ 29 ന് രാത്രി 10:30 ന് സ്റ്റാര് പ്ലസില് പ്രീമിയര് ചെയ്യാന് ഷെഡ്യൂള് ചെയ്തിട്ടുണ്ട് . തുളസി വിരാനിയുടെ വേഷത്തില് ഇറാനിയെ അവതരിപ്പിക്കുന്ന ഒരു പ്രൊമോ ചാനല് അടുത്തിടെ പങ്കിട്ടു. ജയകരമായ രാഷ്ട്രീയ ജീവിതം നയിച്ചിട്ടും, അഭിനയത്തിലേക്ക് തിരിച്ചുവരാനുള്ള ഇറാനിയുടെ തീരുമാനം, പരമ്പരയുമായും അതിന്റെ പ്രേക്ഷകരുമായും അവര്ക്കുള്ള നിലനില്ക്കുന്ന ബന്ധത്തെ എടുത്തുകാണിക്കുന്നു.
