ന്യൂഡല്‍ഹി: ബോളിവുഡ് നടി സോനാക്ഷി സിന്‍ഹ തന്റെ ദീര്‍ഘകാല കാമുകന്‍ സഹീര്‍ ഇഖ്ബാലുമായി വിവാഹത്തിനൊരുങ്ങുന്ന എന്ന അഭ്യൂഹത്തില്‍ പ്രതികരിച്ച് പിതാവും മൂന്‍ നടനും രാഷ്ട്രീയനേതാവുമായ ശത്രുഘ്‌നന്‍ സിന്‍ഹ. അവളുടെ വിവാഹത്തെക്കുറിച്ച് അച്ഛനായ ഞാന്‍ പോലും അറിഞ്ഞിട്ടില്ലെന്ന് താരം പറഞ്ഞു. തന്നോട് അതേക്കുറിച്ച് നടി ഇതുവരെ ഒന്നും പറഞ്ഞിട്ടില്ലെന്നും ശത്രുഘ്‌നന്‍ സിന്‍ഹ പറഞ്ഞു.
സൂമിന് നല്‍കിയ അഭിമുഖത്തില്‍, അവരുടെ വിവാഹ ആലോചനകളെക്കുറിച്ച് തനിക്ക് ഇതുവരെ അറിവില്ലെന്നും ദമ്പതികള്‍ തന്നെ അറിയിക്കുമ്പോള്‍ അവരെ അനുഗ്രഹിക്കുമെന്നും അദ്ദേഹം സൂചിപ്പിച്ചു. അദ്ദേഹം പറഞ്ഞു, ‘ഞാന്‍ ഇപ്പോള്‍ ദില്ലിയിലാണ്. തിരഞ്ഞെടുപ്പ് ഫലം വന്നതിന് ശേഷം ഞാന്‍ ഇവിടെ നിന്ന് പറന്നു. എന്റെ മകളുടെ പദ്ധതികളെക്കുറിച്ച് ഞാന്‍ ആരോടും സംസാരിച്ചിട്ടില്ല. എന്നോട് അതിനെ കുറിച്ച് ഒന്നും പറഞ്ഞിട്ടില്ലെന്നും അദ്ദേഹം പറഞ്ഞു.
മകള്‍ പ്രായപൂര്‍ത്തിയായ ആളാണെന്നും സ്വന്തം തീരുമാനങ്ങള്‍ എടുക്കാന്‍ അവള്‍ക്ക് അവകാശമുണ്ടെന്നും അദ്ദേഹം പറഞ്ഞു. എന്തുകൊണ്ടാണ് ഞാന്‍ ഇതൊന്നും അറിയാത്തത് എന്ന് എന്നോട് അടുത്ത ആളുകള്‍ എന്നോട് ചോദിക്കുന്നു. എന്നാല്‍ ഇക്കാലത്ത്, കുട്ടികള്‍ മാതാപിതാക്കളില്‍ നിന്ന് അനുമതി തേടുന്നില്ല, അവര്‍ അറിയിക്കുന്നു. അത്രേയുള്ളെന്നും അദ്ദേഹം പറഞ്ഞു.
