എട്ടുവര്ഷം നീണ്ട പ്രണയജീവിതത്തിന് ശേഷമാണ് വിശ്വപ്രശസ്ത പാട്ടുകാരി സെലീനാഗോമസും പാട്ടുകാരന് ജസ്റ്റിന്ബീബറും വേര്പിരിഞ്ഞത്. നിലവില് അവരുടെ ദീര്ഘകാല സുഹൃത്തും സംഗീത നിര്മ്മാതാവുമായ ബെന്നി ബ്ളാങ്കോയ്ക്കൊപ്പം പുതിയ ജീവിതം തുടങ്ങാന് പോകുകായണ് താരം. വിവാഹനിശ്ചയം കഴിഞ്ഞ അവര് അടുത്തു തന്നെ വിവാഹത്തിനൊരുങ്ങുകയാണ്.
ഇതിനിടയിലാണ് വേര്പിരിയലിനുശേഷം തന്റെ പഴയ കാമുകന് ജസ്റ്റിന് ബീബറുമായുള്ള അപൂര്വവും ഹൃദയംഗമവുമായ ബന്ധം നടി ഓര്ത്തെടുത്തത്. ജെസ്സി ആന്ഡ് ലെന്നി വെയറിന്റെ ടേബിള് മാനേഴ്സ് പോഡ്കാസ്റ്റില് നടിയും കാമുകനും പ്രത്യക്ഷപ്പെട്ടപ്പോഴായിരുന്നു ബീബറുമായുള്ള വേര്പിരിയലിന് ശേഷം ഉണ്ടായ നീണ്ട ഏകാന്തതയ്ക്കു ശേഷം വീണ്ടും പ്രണയം വീണ്ടും കണ്ടെത്തിയതിനെ കുറിച്ചും തുറന്നു പറഞ്ഞത്. താന് ഒരാളെ ആത്മാര്ത്ഥമായി ഇഷ്ടപ്പെട്ടിട്ട് വളരെക്കാലമായി എന്ന് നടിയും ഗായികയുമായ താരം പറഞ്ഞു.
ചില ചുംബനങ്ങള് വെറും കളിയാണെങ്കിലും, യഥാര്ത്ഥ വികാരത്തിന്റെ സാന്നിധ്യം എല്ലാം മാറ്റുന്നുവെന്ന് അവള് വിശദീകരിച്ചു. ”ചില ചുംബനങ്ങള് ആസ്വദിക്കാന് വേണ്ടിയുള്ളതാണ്. പക്ഷേ അതില് വൈകാരികത ഉള്പ്പെടുമ്പോള് അത് വ്യത്യസ്തമാണ്. ഇത്രയും കാലമായി എനിക്ക് അങ്ങനെ തോന്നിയിട്ടില്ലാത്തതിനാല് അല്പ്പം ലജ്ജ തോന്നി.” നടി പറഞ്ഞു. ഏകദേശം പത്ത് വര്ഷത്തോളം നീണ്ടുനിന്ന ബീബറുമായുള്ള അവളുടെ ബന്ധം അവസാനിപ്പിച്ച ശേഷം, ഏകദേശം അഞ്ച് വര്ഷമായി താന് അവിവാഹിതയാണെന്ന് ഗോമസ് വെളിപ്പെടുത്തി. 2018-ല് അവരുടെ അവസാന വേര്പിരിയലിന് ശേഷം വര്ഷങ്ങളില് നിരവധി ഡേറ്റിംഗുകള് നടത്തിയതായി സമ്മതിച്ചു. പക്ഷേ അവരില് ആരിലും താരത്തിന് സംതൃപ്തിയോ തോന്നിയില്ല.
എന്നാല് ബെന്നി ബ്ലാങ്കോ അവളുടെ ജീവിതത്തിലേക്ക് വന്നതോടെ എല്ലാം മാറി. 2023-ല്, അവരുടെ സൗഹൃദം കൂടുതലായി വളര്ന്നു, 2024 ഡിസംബറില് അവര് വിവാഹനിശ്ചയം നടത്തി. ഗോമസ് സാധാരണയായി തന്റെ സ്വകാര്യ ജീവിതത്തിന്റെ കാര്യത്തില് ഒരു പരിധിവരെ സ്വകാര്യത കാത്തുസൂക്ഷിക്കാറുണ്ട്. 2022-ല് പുറത്തിറങ്ങിയ മൈ മൈന്ഡ് & മി എന്ന ഡോക്യുമെന്ററിയില് ബീബറുമായുള്ള വേര്പിരിയലിനെക്കുറിച്ച് നടി പരാമര്ശിച്ചിരുന്നു. ‘ഇതുവരെ സംഭവിച്ചതില് വച്ച് ഏറ്റവും മികച്ച കാര്യം’ എന്നായിരുന്നു ആ ബന്ധത്തിന്റെ ആഘാതത്തെക്കുറിച്ച് അവര് പറഞ്ഞത്. ഭൂതകാലത്തിന്റെ വൈകാരിക ഭാരത്താല് ഇനി ‘ഭയപ്പെടാത്തതില്’ തനിക്ക് അനുഭവപ്പെട്ട ആശ്വാസവും നടി വിവരിച്ചു.
2010 മുതല് 2018 വരെയാണ് ഇവരുടെ പ്രണയം നീണ്ടുനിന്നത്. എന്നാല് അതിനുശേഷം, ഗോമസ് അവളുടെ പ്രണയ ജീവിതത്തില് മാത്രമല്ല, അവളുടെ മാനസികാരോഗ്യത്തിലും വ്യക്തിഗത വികസനത്തിലും മുന്നേറി.
