ഒടിടി സീരീസായ ‘ഫ്യൂബര്‍’ ന്റെ പുതിയ സീസണില്‍ അര്‍നോള്‍ഡ് ഷ്വാസ്നെഗര്‍ ഗിന്നസ് റെക്കോര്‍ഡുകള്‍ തകര്‍ക്കുന്നു. ഗിന്നസ് ബുക്ക് ഓഫ് വേൾഡ് റെക്കോർഡ്സിൽ ഇതുവരെ ഇടംപിടിച്ച ഏറ്റവും വലിയ ആക്ഷൻ ചിത്രമാണിത്. ഷോയുടെ പ്രചരണാര്‍ത്ഥം താരത്തിന്റെ പടുകൂറ്റന്‍ പ്രതിമ കാലിഫോര്‍ണിയയില്‍ പ്രദര്‍ശിപ്പിച്ചിരിക്കുകയാണ്. നെറ്റ്ഫ്‌ലിക്‌സ് സീരീസായ ഫ്യൂബറില്‍ നിന്നുള്ള ആര്‍ണിയുടെ കഥാപാത്രമായ ലൂക്ക് ബ്രണ്ണറുടെ ലുക്കിലുള്ള പ്രതിമയ്ക്ക് 6.748 മീറ്റര്‍ (22 അടി 1.68 ഇഞ്ച്) ഉയരമുണ്ട്.
കാലിഫോര്‍ണിയയിലെ സാന്താ ഫെ സ്പ്രിംഗ്സില്‍ നടന്ന ഷോഎഫ്എക്സില്‍ ആര്‍ണിയുടെ ഏറ്റവും വലിയ പ്രതിമയായ ‘ആക്ഷന്‍ ഫിഗര്‍’ ഔദ്യോഗികമായി അനാച്ഛാദനം ചെയ്തു. ഇത് യഥാര്‍ത്ഥത്തില്‍ ഷോയുടെ ഓസ്ട്രിയയിലെ വിയന്നയിലെ ഒരു ബില്‍ബോര്‍ഡിന്റെ ഭാഗമായിരുന്നു. പ്ലാസ്റ്റിക്, ലോഹം എന്നിവകൊണ്ട് മുന്‍ഭാഗം മാത്രമാണ് ബില്‍ബോര്‍ഡിനായി യഥാര്‍ത്ഥത്തില്‍ നിര്‍മ്മിച്ചത്. ഷോ എഫ് എക്‌സും നെറ്റ് ഫ്‌ളിക്‌സും അത് ഏറ്റെടുക്കുകയും ചിത്രത്തിന്റെ പകുതി പിന്നില്‍ സൃഷ്ടിക്കുകയും ആയിരുന്നു.
ആക്ഷന്‍ താരവും മുന്‍ ബോഡി ബില്‍ഡറുമായ ആര്‍ണി ഒരു ടിവി സീരീസിലെ അഭിനയിക്കുന്ന ആദ്യ പ്രധാന വേഷമാണ് ഫ്യൂബര്‍. ‘ഫ്യൂബറി’ ന്റെ രണ്ടാം സീസണിന്റെ നിര്‍മ്മാണം ഈ മെയ് 26 ന് ആരംഭിച്ചു. ഷ്വാസ്നെഗര്‍, ഫോര്‍ച്യൂണ്‍ ഫെയിംസ്റ്റര്‍, ട്രാവിസ് വാന്‍ വിങ്കിള്‍, ജെയ് ബറൂച്ചല്‍, അപര്‍ണ ബ്രെല്ലെ, ആന്‍ഡി ബക്ക്‌ലി എന്നിവരും മറ്റും ഉള്‍പ്പെടുന്ന സീസണ്‍ 1 ലെ അഭിനേതാക്കള്‍ തിരിച്ചെത്തും. ‘മാട്രിക്‌സ്’ ട്രൈലോജിയിലെ വേഷങ്ങള്‍ക്ക് പേരുകേട്ട കാരി-ആന്‍ മോസ് ആണ് പുതിയ സീസണിലെ പുതിയ താരം.
