ഇന്ത്യയില്‍ നടക്കുന്ന ലോകകപ്പില്‍ ഇന്ത്യന്‍ ടീമില്‍ ഉള്‍പ്പെടുത്താത്തതിന്റെ നിരാശ സഞ്ജു സാംസണ് മാത്രമല്ല മലയാളി ക്രിക്കറ്റ് പ്രേമികള്‍ക്ക് മുഴുവനുമുണ്ട്. തന്റെ ബാറ്റിംഗ് മികവിനെ സംശയിച്ചവര്‍ക്ക് സഞ്ജുവിന്റെ ബാറ്റ് സയ്യിദ് മുഷ്താഖ് അലി ട്രോഫിയില്‍ മറുപടി പറഞ്ഞുകൊണ്ടിരിക്കുകയാണ്.
സയ്യിദ് മുഷ്താഖ് അലി ട്രോഫി മത്സരത്തില്‍ കേരളത്തിന്റെ നായകനായ ഇന്ത്യന്‍ വിക്കറ്റ് കീപ്പര്‍ ബാറ്റ്‌സ്മാന്‍ ചണ്ഡിഗഡിനെതിരായ മത്സരത്തില്‍ അടിച്ചുതകര്‍ത്തു. തകര്‍പ്പന്‍ അര്‍ദ്ധസെഞ്ച്വറി നേടിയ സഞ്ജു ടീമിന് ഉയര്‍ന്ന സ്‌കോറും സമ്മാനിച്ചു. 32 പന്തില്‍ നാല് ഫോറും മൂന്ന് സിക്‌സും ഉള്‍പ്പെടെ 52 റണ്‍സിന്റെ തകര്‍പ്പന്‍ ഇന്നിംഗ്‌സ് കളിച്ച ക്യാപ്റ്റന്‍ ടീമിന്റെ ടോപ് സ്‌കോററും മുന്നില്‍ നിന്ന് നയിക്കുന്നയാളുമായി.
സഞ്ജു സാംസണിന്റെ മികവില്‍ കേരളം 20 ഓവറില്‍ 193-4 എന്ന കൂറ്റന്‍ സ്‌കോര്‍ നേടി. ആദ്യ മൂന്ന് മത്സരങ്ങളില്‍ 23 റണ്‍സ് മാത്രം നേടിയ സഞ്ജു നാലാം മത്സരത്തില്‍ തകര്‍ത്തടിക്കുകയായിരുന്നു. കടുത്ത മത്സരത്തെ തുടര്‍ന്നായിരുന്നു ഇന്ത്യയുടെ ലോകകപ്പ് ടീമില്‍ സഞ്ജുവിന് സ്ഥാനം കിട്ടാതെ പോയത്.
വെസ്റ്റ് ഇന്‍ഡീസിനും ഓസ്‌ട്രേലിയയ്ക്കുമെതിരായ ഏകദിന പരമ്പരകളിലെ തകര്‍പ്പന്‍ പ്രകടനത്തിന് ശേഷം സെലക്ടര്‍മാര്‍ ബാക്കപ്പ് വിക്കറ്റ് കീപ്പര്‍ ബാറ്ററായി ഇഷാന്‍ കിഷനെ തിരഞ്ഞെടുത്തു. സഞ്ജു സാംസണിന് ലോകകപ്പ് ടീമില്‍ സ്‌പെഷ്യലിസ്റ്റ് ബാറ്ററായി ഇടം കണ്ടെത്താമായിരുന്നു, എന്നാല്‍ സൂര്യകുമാര്‍ യാദവിനെ തിരഞ്ഞെടുത്തത് സാംസണ് ആരാധകരെ നിരാശരാക്കി.
അതേസമയം തന്നെ സഞ്ജുവിനെ ഇന്ത്യന്‍ ക്രിക്കറ്റിന്റെ ഭാവിയായി കാണുന്ന അനേകരുണ്ട്. അടുത്ത തലമുറയിലെ ക്രിക്കറ്റ് താരങ്ങള്‍ക്ക് വഴിയൊരുക്കാന്‍ കുറച്ച് വലിയ തോക്കുകള്‍ പരിമിത ഓവര്‍ ക്രിക്കറ്റില്‍ നിന്ന് വിരമിച്ചേക്കാമെന്നതിനാല്‍ ലോകകപ്പിന് ശേഷം അദ്ദേഹത്തിന് അര്‍ഹമായ സ്ഥാനം ലഭിച്ചേക്കാമെന്നതാണ് ആരാധകര്‍ക്ക് ആശ്വാസവും ആവേശവുമാകുന്ന കാര്യം.
