ബലാത്സംഗക്കേസില്‍ ശിക്ഷിക്കപ്പെട്ട നേപ്പാള്‍ ക്രിക്കറ്റ്താരത്തിന് എട്ടുവര്‍ഷം തടവുശിക്ഷ. ബലാത്സംഗക്കേസില്‍ 2023 ഡിസംബറില്‍ ശിക്ഷിക്കപ്പെട്ട ക്രിക്കറ്റ് താരം സന്ദീപ് ലാമിച്ചനെ എട്ട് വര്‍ഷം തടവിന് അനെപാല്‍ കോടതി ശിക്ഷിച്ചു.
2022 ഓഗസ്റ്റില്‍ കാഠ്മണ്ഡുവിലെ ഒരു ഹോട്ടലില്‍ വച്ച് 17 വയസ്സുള്ള പെണ്‍കുട്ടിയെ ബലാത്സംഗം ചെയ്തു എന്ന കേസിലാണ് കാഠ്മണ്ഡു ജില്ലാ കോടതി ലാമിച്ചനെ കുറ്റക്കാരനാണെന്ന് കണ്ടെത്തിയത്.
ആരോപണങ്ങള്‍ക്കിടയിലും, ലാമിച്ചന്‍ ക്രിക്കറ്റ് കളിക്കുന്നത് തുടര്‍ന്നു, ജാമ്യത്തിലായിരിക്കുമ്പോള്‍ തന്റെ രാജ്യത്തിന് വേണ്ടി ടൂര്‍ണമെന്റുകളില്‍ പങ്കെടുത്തു. നവംബറില്‍ നടന്ന ടി20 ഏഷ്യന്‍ ഫൈനലില്‍ ഒമാനെതിരെയാണ് നേപ്പാളിനായി അവസാനമായി കളിച്ചത്. കോടതിയുടെ തീരുമാനം ഇപ്പോള്‍ അദ്ദേഹത്തിന്റെ ക്രിക്കറ്റ് കരിയറിന് വിരാമമിട്ടിരിക്കുകയാണ്.
പ്രായപൂര്‍ത്തിയാകാത്ത ഒരാളുടെ ആരോപണത്തെത്തുടര്‍ന്ന് 2022 ഒക്ടോബറിലായിരുന്നു താരത്തെ അറസ്റ്റ് ചെയ്തത്. 2023 ജനുവരിയില്‍ അദ്ദേഹത്തെ കോടതി വിട്ടയച്ചെങ്കിലും, ജഡ്ജി ശിശിര്‍ രാജ് ധകലിന്റെ നേതൃത്വത്തിലുള്ള അന്തിമ വാദം കുറ്റക്കാരനാണെന്ന് വിധിച്ചു. കാഠ്മണ്ഡു ജില്ലാ ഗവണ്‍മെന്റ് അറ്റോര്‍ണി ഓഫീസ്, 2017 ലെ നാഷണല്‍ പീനല്‍ (കോഡ്) ആക്ട് പ്രകാരം ലാമിച്ചനെ 12 വര്‍ഷത്തെ തടവ് ശിക്ഷയ്ക്ക് ആവശ്യപ്പെട്ടിരുന്നുവെങ്കിലും കോടതി എട്ട് വര്‍ഷത്തെ തടവ് വിധിച്ചു.
ഏകദിനത്തിലും ടി20ഐയിലും രാജ്യത്തിനായി ഏറ്റവും കൂടുതല്‍ വിക്കറ്റെടുത്ത ബൗളറാണ് ലാമിച്ചന്‍. ഡല്‍ഹി ക്യാപിറ്റല്‍സിനും ബിഗ് ബാഷ് ലീഗിനും വേണ്ടി ഇന്ത്യന്‍ പ്രീമിയര്‍ ലീഗ് (ഐപിഎല്‍) പോലുള്ള അഭിമാനകരമായ ലീഗുകളില്‍ കളിച്ച് അദ്ദേഹം അന്താരാഷ്ട്ര അംഗീകാരവും നേടി.
