സഹോദരി പൂജാകണ്ണന്റെ വിവാഹവേളയില്‍ തെന്നിന്ത്യന്‍ താരം സായ് പല്ലവിയുടെ നൃത്തം വൈറലാകുന്നു. സഹോദരിയും കാമുകന്‍ വിനീതിന്റെയും വിവാഹം നടന്നത് 2024 ജനുവരി 21 നായിരുന്നു. പൂജയുടെ വിവാഹവുമായി ബന്ധപ്പെട്ട മെഹന്ദി ചടങ്ങിലായിരുന്നു നടി കുടുംബാംഗങ്ങള്‍ക്കൊപ്പം ഡാന്‍സ് കളിച്ചത്. ഇന്‍സ്റ്റാഗ്രാമില്‍ പോസ്റ്റ് ചെയ്ത വീഡിയോ സാമൂഹ്യമാധ്യമങ്ങളില്‍ വൈറലാണ്.
വെള്ള സാരിയും സ്വര്‍ണ്ണനിറത്തിലുള്ള ബ്‌ളൗസുമാണ് നടിയുടെ വേഷം. 2022 ലെ ഗാര്‍ഗി സിനിമയാണ് നടിയുടെ ഇതിന് മുമ്പ് വന്ന സിനിമ. ശിവകാര്‍ത്തികേയനൊപ്പം എസ്‌കെ 21 ആണ് നടിയുടെ പുതിയ സിനിമ. രാജ്കുമാര്‍ പെരിയസ്വാമി സംവിധാനം ചെയ്യുന്ന സിനിമ നിര്‍മ്മിക്കുന്നത് കമല്‍ഹാസനാണ്. ഈ വര്‍ഷം തന്നെ സിനിമ പുറത്തുവരുമെന്നാണ് വിവരം. നാഗചൈതന്യയ്‌ക്കൊപ്പം ‘താണ്ഡല്‍’ ആണ് നടിയുടെ മറ്റൊരു സിനിമ തെലുങ്കില്‍ പുറത്തുവരുന്ന സിനിമയുടെ സംവിധായകന്‍ ചന്ദു മൊണ്ഡേറ്റിയാണ്.
2010 ല്‍ ശ്രീകക്കുളത്ത് നടന്ന ഒരു യഥാര്‍ത്ഥ സംഭവത്തിന്റെ പശ്ചാത്തലത്തിലാണ് സിനിമ. സായ്പല്ലവിയുടെ സഹോദരി പൂജയും സിനിമാനടിയാണ്. ചിത്തിരൈ സെയ്‌വാനം എന്ന തമിഴ്‌സിനിമയിലൂടെയാണ് ഇവര്‍ അഭിനയരംഗത്ത് എത്തിയത്. ഏതാനും ദിവസങ്ങള്‍ക്ക് മുമ്പാണ് പൂജ തന്റെ വിവാഹവാര്‍ത്ത പുറത്തുവിട്ടത്.
