ടി20 ലോകകപ്പ് 2024 കാമ്പെയ്ന് വിജയത്തോടെ ആരംഭിക്കാന് കഴിഞ്ഞെങ്കിലും ജൂണ് 9-ന് നസാവു കൗണ്ടി ഇന്റര്നാഷണല് ക്രിക്കറ്റ് സ്റ്റേഡിയത്തില് ബദ്ധവൈരികളായ പാക്കിസ്ഥാനാണ് ഇന്ത്യയുടെ അടുത്ത എതിരാളി. എന്നാല് അടുത്ത മത്സരത്തില് ഇന്ത്യയ്ക്ക് കളിക്കുന്നതിന് മുമ്പ് തന്നെ തിരിച്ചടി. നായകന് രോഹിത് ശര്മ്മ ഇല്ലാതെ ടീം ഇന്ത്യയ്ക്ക് പരമ്പരാഗത വൈരികളെ നേരിടേണ്ടി വരും. നായകന്റെ അഭാവം മലയാളികളുടേയും രാജസ്ഥാന് റോയല്സ് ആരാധകര്ക്കും സന്തോഷിക്കാനുള്ള വകയാകുമോ?
ബംഗ്ളാദേശിനെതിരേയുള്ള പ്രദര്ശന മത്സരത്തില് അവസരം കിട്ടിയ സഞ്ജു പെട്ടെന്ന് പുറത്താകുകയും അയര്ലണ്ടിനെതിരേയുള്ള ടീമില് അവസരം കിട്ടാതെ പോകുകയുമായിരുന്നു. എന്നാല് രോഹിതിന്റെ ഒഴിവില് താരത്തിന് സ്ഥാനം കിട്ടുമോ എന്നാണ് ആരാധകര് ആലോചിക്കുന്നത്. അതേസമയം സഞ്ജുവിന് അവസരം കിട്ടണമെങ്കില് അനേകം കടമ്പകള് കടക്കേണ്ടതുണ്ട്. ടീമിന്റെ വിക്കറ്റ് കീപ്പര് ഋഷഭ് പന്തായിരുന്നു സഞ്ജുവിന് ടീമില് കളിക്കാന് അവസരം കിട്ടുന്നതിന്റെ ആദ്യത്തെ തടസ്സം. കളിച്ച രണ്ടു മത്സരങ്ങളിലും പന്തിന് അവസരം കിട്ടിയിരുന്നു.
ബംഗ്ലാദേശിനെതിരായ സന്നാഹ മത്സരത്തിലും അയര്ലന്ഡിനെതിരായ മത്സരത്തിലും ഋഷഭ് പന്ത് മൂന്നാം സ്ഥാനത്തേക്ക് ഉയര്ന്നു, രണ്ട് കളികളിലും പന്ത് മികച്ച പ്രകടനം കാഴ്ചവെക്കുകയും ചെയ്തതിനാല് അവന് മിക്കവാറും മൂന്നാം സ്ഥാനത്ത് തന്റെ സ്ഥാനം ഉറപ്പിച്ചു. സൂര്യകുമാര് യാദവ് നാലാം നമ്പറില് ബാറ്റ് ചെയ്യും. അയര്ലന്ഡിനെതിരെ സ്പെഷ്യലിസ്റ്റ് ബാറ്ററായ സഞ്ജു സാംസണെ മറികടന്ന് ശിവം ദുബെയും കളിച്ചിരുന്നു. മികച്ച ബൗളിംഗ് നിരയുള്ള പാകിസ്താനെതിരേ സഞ്ജു അഞ്ചാം സ്ഥാനത്തിന് യോഗ്യനാണെങ്കിലും ഇന്ത്യ പ്ലേയിംഗ് ഇലവനില് ദുബെയ്ക്കൊപ്പം ഉറച്ചുനില്ക്കും. സാംസണിന് കളിക്കണമെങ്കില് ആദ്യ നാലില് ഇടം വേണം. ഹാര്ദിക് പാണ്ഡ്യ, രവീന്ദ്ര ജഡേജ, അക്സര് പട്ടേല് എന്നിവരാണ് പാക്കിസ്ഥാനെതിരായ ഓള്റൗണ്ടര്മാര്.
അയര്ലന്ഡിനെതിരെ 52 റണ്സ് നേടിയ രോഹിത് ശര്മ്മ പരുക്കേറ്റ് പുറത്താകുകയായിരുന്നു. എട്ടാം ഓവറില് ജോഷ്വ ലിറ്റിലിന്റെ പന്ത് കയ്യില് കൊണ്ടാണ് രോഹിതിന് പരിക്കേറ്റത്. മത്സരത്തിന് ശേഷമുള്ള അവതരണത്തില് രോഹിത് കൈക്ക് അല്പ്പം വേദനയുണ്ടെന്ന് സ്ഥിരീകരിച്ചു, എന്നിരുന്നാലും, ബാബര് അസമിന്റെ നേതൃത്വത്തിലുള്ള ടീമിനെതിരായ സുപ്രധാന പോരാട്ടത്തിന് മുമ്പ് രോഹിത് ഫിറ്റാവേണ്ടതുണ്ട്.