അല്‍ഫോണ്‍സ് പുത്രന്റെ പ്രേമത്തോടെ വലിയ താരസുന്ദരിയായി മാറിയിരിക്കുന്ന അനുപമ പരമേശ്വരന് തെലുങ്കില്‍ കൈ നിറയെ ചിത്രങ്ങളാണ്. താരത്തിന്റെ ഏറ്റവും പുതിയ ചിത്രമായ തില്ലു സ്‌ക്വയറിലെ മറ്റൊരു ഗാനം കൂടി അണിയറക്കാര്‍ പുറത്തുവിട്ടു. ‘രാധിക’ എന്ന് തുടങ്ങുന്ന ഗാനരംഗമാണ് പുറത്തുവിട്ടിരിക്കുന്നത്.
രണ്ടു ദിവസം മുമ്പ് അണിയറക്കാര്‍ പുറത്തുവിട്ട ഗാനം യൂട്യൂബില്‍ നെറ്റിസണ്‍മാര്‍ ഏറ്റെടുത്തിരിക്കുകയാണ്. നിര്‍മ്മാതാക്കള്‍ തിങ്കളാഴ്ച ഗാനം പുറത്തിറക്കി. കാസര്‍ല ശ്യാമിന്റെ വരികള്‍ക്ക് റാം മിരിയാല സംഗീതം നല്‍കി ആലപിച്ച ഗാനം ഇതിനകം നെറ്റിസണ്‍മാര്‍ ഏറ്റെടുത്തിരിക്കുകയാണ്.
സിദ്ധു ജൊന്നലഗദ്ദയും അനുപമ പരമേശ്വരനും പ്രധാന വേഷങ്ങളില്‍ എത്തുന്ന ചിത്രം 2022-ലെ കോമഡി ക്യാപ്പര്‍ ഡിജെ ടില്ലുവിന്റെ തുടര്‍ച്ചയാണ്. തന്റെ പ്രണയിനിയായ രാധിക (നേഹ ഷെട്ടി) ആകസ്മികമായി അവളുടെ പ്രതിശ്രുത വരനെ കൊലപ്പെടുത്തുമ്പോള്‍ ജീവിതം കീഴ്‌മേല്‍ മറിയുന്ന ഒരു ഡിജെയുടെ കഥയായിരുന്നു ആദ്യഭാഗമായ ഡി.ജെ. ടില്ലു പറഞ്ഞത്. സിനിമ വന്‍ഹിറ്റായി മാറുകയും ചെയ്തിരുന്നു.
രണ്ടാം ഭാഗത്ത് നേഹാഷെട്ടിക്ക് പകരമാണ് അനുപമ സിനിമയില്‍ എത്തുന്നത്. ആകസ്മികമായിട്ടാണ് അനുപമ ഈ സിനിമയിലേക്ക് വന്നത്. മറ്റ് പല താരങ്ങളും ഓഡിഷന്‍ നടത്തിയ ശേഷമാണ് അനുപമയെ ഈ കഥാപാത്രത്തിലേക്ക് പരിഗണിച്ചത്. അടുത്ത ഫെബ്രുവരിയിലാണ് സിനിമ പുറത്തുവരിക. നേരത്തേ ഡി.ജെ.ടില്ലു വന്‍ വിജയമായതോടെ സിദ്ധു ജൊന്നലഗദ്ദ തന്റെ പ്രതിഫലം 10 കോടിയാക്കിയിരുന്നു.
